هابعد عشان خاطرك
ومش هحاول اقرب تانى
بس اللى انا طلبوا منك
انك تحاول تنسانى
هابعد عشان انساك
وانسى عنيك وهواك
وانسى انى كنت معاك
وانسى يوم قلبك
هارضى انا بالذكرى
اللى هتعيش معايا بكرة
ولوانى كنت اتنمى
انى افضل طول عمرى جنبك
عارف اكيد من الصعب
انى انسى الحب
لكن ده امر وغصب
انى ابعد عنك
كان نفسى ابقى ليك
لاخر العمر ليك
وفى جرحك انا اللى اداويك
وانا اللى افرح حزنك
نصيبى وغصب عنى
انك ماتكنش جنبى
بس هفضل لاخر عمرى
هكون لسه بحبك
انا عشان ابقى حبيبك
لازم احاول اسيبك
عشان تعيش حياتك
وانا مش جنب منك
مش هرضى انى ابقى انانى
واظلمك معايا فى زمانى
لا هابعد عشان تنسانى
بس غصب عنى هبقى سيبتك
اهون عليا الموت
ولا ان عمرى يفوت
وانت مش معايا
وحضنى مش فى حضنك
ماكنتش اعرف ايه الحب
عرفت معاك اجمل حب
حرام تسبنى يااطيب قلب
وحرام يفارقنى قلبك
انا السب فى دموعك
وانا اللى طفيت شموعك
بس الدنيا وهمتنى بحب
اتخدعت فيه زى زيك
هارضى بظلم الزمن
وادفع انا التمن
عارف ياحبيبى ليه
عشان بحبك

لا هابعد عشان تنسانى
بس غصب عنى هبقى سيبتك
اهون عليا الموت
ولا ان عمرى يفوت
وانت مش معايا

حقيقى كلمات رائعه ومؤثره

احساس عالى زوق رفيع

كلمات جميله فعلا يا دوكو احلى من الى فات

دوكو مان جود مان

جزاك الله كل خير

شكرا لمرورك يا دودو وعلى طعليقك الظريف

وشكرا لمورورك يا شاعر

وشكرا على مرورك يا حمادة انت وطروقة

بجد موضوعاتك فى المنتدى تلفت النظر

وواضح انك متميز وتحب التميز دائما

تابعت معظم موضوعاتك

وكلها ما شاء الله عليها

كلمات جميلة جدا جدا

شكرا

ايه ده كله

اممممممممممممم

ايه يا شاعر ..الكلام حلو كتير

مشاعر رقيقة من شخص متميز

ميرسى ميرسى يا مهرة هانم على مرورك وتعليقك الجميل

لا بجد تستاهل كل الكلام الحلو الى يتقال لك يا كريم

موضوع جامد جدا جدا جدا

وكلمات غاية فى الروعة والجمال

وغير كل الى فات فعلا

شكرا لمرورك سمسم

وتعليقك الى زيك الى بينقط عسل دة


وبلاش الكلام الكبير دا يا جماعة علشان الواحد ميتغرش

ههههههههههههههه

انا عشان ابقى حبيبك
لازم احاول اسيبك
عشان تعيش حياتك
وانا مش جنب منك
مش هرضى انى ابقى انانى
واظلمك معايا فى زمانى
لا هابعد عشان تنسانى
بس غصب عنى هبقى سيبتك
اهون عليا الموت
ولا ان عمرى يفوت
وانت مش معايا
وحضنى مش فى حضنك
والله تسلم على كلامك الجميل لك من كل احترام وتقدير