|
الفرق بين إسلام والاهلى
بسم الله الرحمن الرحيم ما الفرق بين الطالب اسلام رحمه الله والنادى الاهلى ؟ انتقلت أزمة قطع الإرسال عن بعض القنوات الفضائية، أثناء البث المباشر لمباراة الأهلي وبترول أسيوط، إلي مجلس الشعب وصف الدكتور جمال الزيني، النائب عن الحزب الوطني، ما حدث بالمهزلة الإعلامية والفضيحة، مشيراً إلي أن حرمان تلك القنوات من حقها القانوني، وكذلك حرمان ملايين المشاهدين من متابعة المباراة، يمثل نقطة سوداء في تاريخ الإعلام المصري. وقال الزيني في سؤال عاجل وجهه للدكتور أحمد نظيف، رئيس الوزراء، وأنس الفقي، وزير الإعلام، إن ما حدث من الممكن أن يتكرر في صور أخري بعيداً عن المباريات في ظل التنافس الإعلامي المحموم بين القنوات الفضائية علي مستوي العالم. وطالب بعقد اجتماع عاجل للجنتي الشباب والرياضة والثقافة والإعلام لحسم تلك القضية، وإعلان الحقيقة أمام الرأي العام، ومحاسبة المسؤولين، حفاظاً علي سمعة الإعلام المصري ده نص طلب احاطة فى مجلس الشعب بس المهزلة اللى حصلت ازاى مبارة الاهلى وبترول اسيوط ينقطع الارسال الخاص بيها ندخل على الخبر الثانى «عايز محامي كبير يدافع عن والد (إسلام)، ويطلب إقالة وزير التربية والتعليم ورئيس الوزراء بسبب واقعة مقتل ابنه».. هذا ما قاله الإعلامي محمود سعد في نهاية لقائه في برنامج «البيت بيتك» مع والد الطفل القتيل في مدرسة سعد عثمان الابتدائية بالإسكندرية. وبدت علي «سعد» علامات التأثر والغضب، ولمعت الدموع من تحت نظارته الطبية، فوجه انتقادات حادة إلي الحكومة ووزارة التربية والتعليم وصلت إلي حث مشاهير المحامين علي الدفاع عن والد الطفل وتحريك دعوي قضائية للمطالبة بإقالة أحمد نظيف، رئيس مجلس الوزراء. وقال سعد «وزارة التربية والتعليم مشاكلها كثيرة والفساد فيها كبير، فلماذا لا يقال وزيرها». علق سعد «مش معقول أن تكون أقصي عقوبة للضرب الذي أفضي إلي موت ٧ سنوات.. وبدلاً من استجوابات وطلبات الإحاطة عن هيفاء وغيرها أرجو أن ينظر نواب البرلمان في هذا الأمر وده نص اللى ذكر من محمود سعد اللى عايز اقوله فعلا هما طراطير مجلس الشعب فعلا مبقاش عندهم غير استجوابات بخصوص الهيافة والتفاهة هو احنا ليه اللى بيحكمنا شوية ........... ليه بتوع ليه حرامية الوطنى ولا مسطيل المستقلين ولا فراخ الاخوان ولا خرفان باقى الاحزاب محدش فيهم ليه قدم استجواب ولا حد اتكلم الا مع ما حدث مع الاهلى من انقطاع للمبارة مهزلة وحياة طفل مش مهم صحيح مهمة ازاى ما كل يوم ناس بتموت فى حوادث هيجى على بنى ادم الاطفال بتتعوض انما مبارة زى مبارة الاهلى مش ممكن تتعوض اللى حصل من انقطاع للمبارة مهزلة وفضيحة قدام العالم وقتل طفل على يد مدرس مش فضيحة ومهزلة قدام العالم مصر بتتقدم بينا ياجماعة وفى النهاية ياريت حد يوضح ليا ايه الفرق بين الطفل اسلام والنادى الاهلى لانى بجد مش عارف اذاعة مبارة اهم ام قتل طفل ؟ |
اقتباس:
والله مش عارف بعد كده ايه اللى هيحصل تعليم وباظ .. صناعة وباظت .. زراعة وباظت .. كلللللللللل حاااااجة باظت .. والمفروض بقى اننا جيل المستقبل اللى هنعدل كل ده .. والا نبقى وو نبقى ونبقى .. مش عيز اكلم اكتر من كده .. انا ايديى اساسا وجعانى ومش طايق اكتب تسلم يا صحبى .. وكلامك فعلا فى الجوون |
طلب احاطة
اسلام قريب قوي يا اسلام هتلاقي موقع الثانوية هو المدافع عن اسلام وبأذن الله مش هنقفل الملف واحنا بنحاول ننظم مع مؤسسات وهيئات الكثير جدااا من هذه الاتصالات لعمل حملة قومية كبيرة برعاية الموقع للوقوف على الحدث وتعديل شكل التعليم وتعديل الوزارة وادعى ربنا يوفقنا |
السلام عليكم
اكيد قتل طفل فى مدرسة مهزلة بكل المقايس اصلاً الضرب من اساسه ممنوع انما وزارة التربية و التعليم اللى لابتربى و لا بتعلم مصدره القوانين دية لمجرد التوصيات العالمية و المنظر قدام العالم انما الحقيقة الضرب و الاهانة للاطفال المساكين و اصلاً اغلب المدرسين غير محترمين و الشتايم عندهم شىء عادى طالما المدرسة حكومة اما بالنسبة للاهلى فده موضوع تانى و الاهتمام اللى لية بسبب الفلوس الكتيرة اوى اللى بيدخلها للقنوات اللى بتذيع المتشات مش عشان الغلابة اللى عايزين يتفرجوا مهوا الموضوع كله مصالح و له انت شايف حاجة تانية؟ |
اقتباس:
مش هو ده من الحاجات اللي بتلهي الناس عنهم و تخليهم فاضين يعملوا اللي عايزينه؟! لو ماكانش في اهلي و زمالك و مكانش في فنانين و لا مسلسلات كانت الناس واعية ع اللي بيحصل من وراها اقتباس:
شوف يا اسلام طول ما الشعب المصري مفيش وراه غير الكلام الفاضي هيفضل الناس التانيين يزيدوا سلطة و ثروة لازم نسيبنا شوية من اللي احنا بنتخانق عليه و نلتفت للي مأخرين مصر شكرا ع الموضوع متميز كالعادة |
اقتباس:
وصلت الهيافه لكده :angry2: حرااام بجد عليهم اللى بيعملوه ده هو انه يقتل طفل سهله اوى كده مش عارفه اقول ايه والله ربنا يهديهم ويصلح البلد دى مش بعيد على ربنا :049gc0: |
اقتباس:
|
اللهم انا نشكو اليك ضعف قوتنا وقلة حيلتنا وهواننا علي الحكومة
|
اقتباس:
فعلا معاك حق والله العظيم الواحد قرف من البلد واللى بيحصل لينا مش عارف ده جبروت من الحكومة ولا ضعف مننا بس الاكيد ان فيه حاجة غلط شكرا ليك على مرورك |
اقتباس:
اقتباس:
ياريت فعلا ربنا يقدرنى بكرة واقدر اعمل مداخلة فى العاشرة مساء لان الواحد بجد خلاص قرف من الفساد والوباء اللى خنق الناس وبيموتنا والله العظيم انا شوفت ناس بتدعى ربنا ان اسرائيل ولا امريكا تحتل البلد علشان يشمته فى الحكومة انا عن نفسى والله العظيم لو البلد ولعت ما هتحرك من مكانى علشان اطفيها اصلها مش عزبة ابونا دى عزبة الحكومة يبئا محروقة عليهم :) |
مشكور يا اسلام على الموضوع
وفعلا بقت حياة بن ءادم فى البلد دى متسويش ماتش أهلى ومصر بتتقدم بينا اوى |
هى طبيعتهم كده يجيوا فى الهيفه ويتصدروا,مش شاطرين الا فى الادانات وبس
|
اقتباس:
اقتباس:
والله معاكى حق المادة بقيت بتحكم كل شىء فى حياتنا كله بياكل من بعضه الفلوس اولا بتوع مجلس الشعب بيكله من الوزراء والوزراء بياكله من رجال الاعمال وكلها مصالح ولا عزاء للشعب |
بجد مهزلة اللى بيحصل ده والطفل البرئ ده ذنبة ايه
|
موضوع جميل بجد يا إسلام
|
| جميع الأوقات بتوقيت GMT +2. الساعة الآن 10:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.