|
انا اشك.....اذن انا دبوس
عنوان غريب مش كده!! بس واقعي:( "انا اشك اذن انا دبوس" الجملة دي انا سمتها من اختي في مرة قعدت افكر فيها لقيت بجد الشك ده سم وانتشر في مصر احنا بقينا نشك في كل اللي حوالينا لدرجة اننا بنشك في نفسنا:mad: محدش بأه واثق في حد ولا حتى واثق في نفسه انا بشوف حالات عجيبة يعني الواحدة لما تلاقي واحدة بتتعامل معاها كويس وبتحبها الاقي البت تقعد تفكر ليه بتتعامل معايا بالشكل ده!! اكيد عاوزة مني حاجة بجد بتحصل قدامي كتير واحيانا بتحصل معايا انا شخصيا:( ياجماعة احنا ليه فقدنا الثقة في كل اللي حوالينا ليه مش بقينا واثقين حتى في نفسنا هل لان الناس مش تستحق الثقة؟؟ ولا من كتر اللي بيحصل قدامنا من مواقف الغدر والخيانه؟؟ طيب احنا المفروض نشك في الناس ولا نثق فيهم؟؟ "ان بعض الظن اثم" فين موضع الاية دي مننا بطلنا نعمل بيها بطلنا حتى نفتكرها:( الترابط بين الناس في المجتمع المصري قل جدا ودي واضحة انا عن نفسي حاسة ان من احد الاسباب لتفكك ده الشك في كل اللي حولينا احنا لازم نقدم حسن النية في كل تعاملاتنا مع الناس اللي حوالينا بجد احنا لو ادينا حد احساس بالثقة اكيد هيحاول انه مش يضيع الاحساس ده خلاص يعني اتحكم عالشعب المصري انه يبقى فيه كل الصفات الوحشة ربنا يهدينا يارب بس خلاص انا كده خلصت بس معلش اذا كان كلامي مش مترتب بس حاسة ان مخي مشوش اليومين دول بالله عليكم ادعولي |
انا اشك اذن انت موجود عشان انت هتبكي من الشكه مش كده ولا ايه
|
فيه ناس واخده ان الثقه دى حاجه عيب وغلط
ومينفعش نثق فى حد عشان ميتغدرش بينا وكدا بس انا شايف ان عدم الثقه حتى فى اقرب الناس دا امر مش كويس لان الى قدامك شايفك مش واثقه فيه ومش عايزه تثقى فيه عمره مهيقرب منك وعمره مهيحاول يتكلم تانى وبجد موضوع مهم الى انتى فتحتيه يا بنت الاسلام وشكرا ليكى |
ربنا يهدينااااااا جميعا
|
اقتباس:
بس الجملة الاصلية اسمها "انا افكر اذن انا موجود" :):) شكرا لردك |
اقتباس:
ولما حد يشوف ان حد مش بيثق فيه وعارف انه مش كويس هيقول وانا هبقى كويس ليه مدام كده كده مش هكسب ثقه اللي قدامي ويعيش بأه:d شكرا لردك نورتنا:) |
اقتباس:
شكرا لردك نورت:) |
بجد مبقاش فيه حد يستاهل الثقه لا حبيب نافع ولا صداقه نافعه ولا حتى الدم " الأخوه " بقى كله بياكل فى كل من ورى ظهره واللى بيطول حاجه من أخوه بيلهفها وده بيرجع للظروف اللى إحنا فيها واللى بيحصل فلان قتل علان وأخ قتل أخوه أب قتل إبنه إبنه قتل والده زوجه قتلت زوجه لما الواحد بقى حاسس وهو بيقرأ صفحه الحوادث إنه فى عالم تانى لما الواحد بقى بيحس إن لو حد قاله " سلام عليكم " وهو مبتسم أكيد الضحكه دى ورها حاجه مصلحه أى حاجه ما هو مش هيضحك كده فى وشى لله فى لله بجد اللى بيحصل قدام الواحد بيخلى الواحد يشك فى نفسه أنا خلاص بجد تعبت وعشان كده قررت فعلاً أمشى بالنظام ده من فتره طويه " أنا أشك " أشك بقه فى أى حاجه |
انا عن نفسى مش بثق فى حد
لانى الحمد لله عمرى فى حياتى ما وثقت فى حد الا وطلع العكس تماما واخر مرة كانت من قريب جدااااا بس من ساعتها بدأت اعرف ان انك تدى ثقه لحد ده عبط بس ده مش يمنع انى متاكده ان فى ناس كويسه بس للاسف قليلين لدرجه انهم ضاعوا فى وسط الناس التانيه يلا بقا ربنا يهدى الناس ويهدينى معلش طولت عليكى بس اصلك جيتى على الجرح |
السلام عليكم
أنا فيه مثل أنا مقتنعة بيه جداااااااااااااااااا وهو حرص من صاحبك ولا تخونوش هي حاجة كويسة جدا بتقربك من كل الناس وفي نفس الوقت مش بتخسرك نفسك وفعلا إن بعض الظن إثم ومعظم المواقف اللي بنشك فيها في ناس معينة بيبقى العيب مننا إحنا من إهمال أو غلط بس يعن الواحد المفروض يا خد باله قبل ما يطن ف يحد وشكرا جدا على الموضوع |
والله عندك حق بس انا اساسا من النوع اللى بيضحك عليه على طول ليه ؟؟؟ بسبب ثقتى اللى بتبقى مش ف محلها موضوع اكثر من رائع |
كلامك صحيح
|
اقتباس:
والله الواحد على قد مابيقد بيحاول يوفق الاية الكريمة دى مع اللى قدامه الناس اصلا من كتر اللى حصلها ولسة هيحصلها .. وازمن اللى كل فيه (او المعظم ) بقى يجرى ورا مصلحته .. ومحدش بيراعى حد كل الحاجات الكويسة دى اللى بتخلى الناسى تمشى بشعار " انا اشك اذن انا دبووس " ووو تسلم ايدك .. |
طب سألتي نفسك السؤال العكسي
وهيا الناس متشكش ليه؟؟وليه تثق في بعضها هل يثقوا في الحكومة.....هل يثقوا في جيرانهم....هل يثقوا في اخواتهم يثقوا في مدرسين عيالهم ده حتى مفيش ثقة بنفسهم اساسا مين هنا واثق في نفسه؟؟؟؟؟؟؟ومش بيشك فيها حاسس انه حيقدر احلامه وطموحاته وانه احسن من التانيين الاخبار اللي بنقراها اب قتل ولاده وابن قتل امه وواحد قتل اخوه ومدرس قتل تلميذه وواحد قتل مراته وولاده وانتحر وووووووووووو |
العنوان ده أنا قريته قبل كده كان مقال فى نقد التراث الاسلامى فى أحد المواقع بلاش نقول على اسمه احسن نتوقف ولا حاجة المهم ان المقال ده عجبنى أوى
انا لسه ما شفتش الموضوع بس اكيد هيبقى حلو هو كمان |
| جميع الأوقات بتوقيت GMT +2. الساعة الآن 06:32 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.