|
انا طالبة حاجة واحدة بس ((شوية هوا))
((انا بس عاوزة شوية هوا مش طالبة اكتر من كدة)) نشد خط ونبدا الكلام ______________________ اكيد كلنا ملحظين الجو حولينا عامل ازاى كله دخان وهباب وتراب وحاجات تشرح القلب والله الواحد صحته فالنازل اولا:السجاير البلد كلها بقت بتشرب سجاير والله بقت حاجة فوق الوصف فالكلية سجاير وفالباص سجاير وفالششارع سجاير حتى ياربى فالمدرج سجاير الواحد خلاص اشتكى ******************* ثانيا :العربيات وما ادراكوا ما العربيات بقت كل اسرة تقريبا عندها بمعدل عربيتن وياريتها عربيات محترمة كل عربية بطلع دخان قدها عشر مرات ***************** ثالثا بقى والاهم:الرز انا نفسى افهم فين المسئولين فين وزااااااااااااااااااااااااااااااارة البيئة طبعا كلكوا ملاحظين الحريقة الى فى البلد بقلها 3 ايام الناس الى بتحرق قش الرز طب ما القش دة ممكن يستخدموه فى حاجات كتير مفيدة المشكلة ان الحكومة ساكته عن البلوة دية انا عن نفسى خلاص والله مبقتش بقدر اتنفس والله الواحد مع انه لسة صغير بس صحته فالنازل:( طب اية العمل دلوقتى الواحد مش لاقى شوية هوا يتنفسهم امشى فالشارع واكتم نفسى ولا اية ؟؟؟؟ انا تعبت والله حد معاه انبوبة اكسجبن!!؟؟ لو كنت بصحتى لسة كنت كتبت اكتر من كدة *** |
والله انتى كميلة اوى :p
انتى بتكلمى مين بس انا عن نفسي اقدر اوعدك انى مش هشرب سجاير :d دى مصر كلها يا عندها حساسية انفية يا صدرية :redface: |
اقتباس:
ومعنديش عربية والحمد لله بس عندنا هناك حيث عاصمة القلوب البيضاء فى الشرقية بيحرقوا القش حرقا هههههههههههه والحمد لله برده والله أنا كمان عايز اكسجين |
كح كح كح
معلش اصل صدري واجعني جدا انا عندي في المدرج كلهم بيدخنوا اخرج من المحاضرة اقعد مع صحابي الاقيهم كلهم بيدخنوا امشي في الشارع الاقي الناس بتدخن والعربيات بتطعل دخان والشارع نفسه بيدخن اركب مواصلة الاقي كل الناس بتدخن يعني الحمد لله ان الواحد لسه عايش والسحابه السودا مضلله علينا والدنيا هباب والجو تراب وقفلي علي كل المواضيع قفل قفل قفل شكرا يا نسمه علي الموضوع :( |
قش الرز خنقنى جدا
وخصوصا انى عايش فى قرية وحرق الرز مش بيحصل الا باليل شوفتى النصاحة بتاعتنا |
اقتباس:
ولسه عايش ربنا يرحمك مقدما |
هههههههههههههههههههههههههههههههههههههههههههه
جيتي على الجرح يا نسوم بعدين مش انتي عاوزة اكسجين ما اسمك حلو نسمة استنشقي النسمة دي نجيب بقى كل الي اسمهم نسمة والله فكرة نسمة مخنوقة يا جماعة مش لايق على اسمك خالص بجد نيجي للجد بقى يا بنتي عاوزة اقولك السجاير موووووووضة الايام دي والله في ولد عندنا في الكلية كل ما اشوفه الاقيه بيشرب السيجارة وبيرفع دماغه فوق وينفخخخخ فرحان اوي اوي اوي في الاول كانوا بيتكسفوا ويطلعوا برا المدرج لحد ما يشربوا السم الهاري دا ويرجعوا تاني دلوقتي بقوا يشربوها في المدرج عشان يعملوا منظر قدام الـ Garils وفاكرين انها رجولة وبجد بحس اني مخنوقة اوي اوي اوي من الريحة والمنظر في المدرج زي القهوة بالظبط سحاب بيبقى فوق دماغنا في المدرج احمدي ربنا يا بنتي احنا في ناس جايين من مكان بيئة ابوهم حرامي سرق شوية فلوس وأجر الشقة الي تحتنا وعايش فيها هو سواق اصلا كل شوية نلاقيه جاب تاكسي ومرة عربية ملاكي والخاتمة والمصيبة الكبرى لاقيناه جاب باص رحلات كبيييييييييييييييييير اوي طوله 2 او 3 متر وارتفاعه عالي اوي اوي احنا ساكنين في الدور الاول علوي جيت ابص من البلكونة لقيت خير اللهم اجعله خير سقف الباص واصل لحد عندنا يعني اقدر انط والعب عليه براحتي هههههههههههههههههههههههههههههههههههههههههههه الي بيحصل بقى اول ما بيجي هو يركن تحت البيت دخان فظيييييييييييييع بيملى البيت عندنا وبنتخنق كلنا وبيتكون سحاب اسود في البيت عندنا مع اننا في منطقة نضيفة الحمد لله جدا بس مش عارفة الناس دول ربنا ابتلى الشارع بيهم بجد بجد ليل نهار مشغل الباص وسايبه شغال والدخان بنتعشى ونتغدى ونفطر على رائحته يا بنتي انا عاوزة ثاني اكسيد كربون اتنفسه.. وبعد كدا ابدأ افكر في الاكسجين اسفة على الرغي بس مواضيعك دائما بتطلع القهر الي جوايا ربنا يكرمك يجد تقبلي مروري و رغيي المتواضع هههههههه في رعاية الله |
اقتباس:
كل واحد شاطر اوى ينفخ فى وشنا |
اقتباس:
يكون فى بلد قريبة منهم الدخان واصل لحد القاهرة والى مناخيره حساسة زيى يشمها:mad: |
اقتباس:
قول ولعتى الموضوع حرقتيه سممتيه مش شكرا طب انا مش بسكتلهم بصراحة اى حد يقرب منى ومعاه سجارة على طول ((لو سمحت السجارة )) مرة واحد قالى دية لسة فى اولها قولتله طب معلش بقى كملها برة المدرج طفاها بس الحمد لله مضربتش :d |
اقتباس:
اقتباس:
والله قش الرز دة ازمة فعلا انا بشمه قبل ما يتحرق ويسلام الصبح بقى الشبورة بتبقى اية؟؟ مقدرش اقولكوا احتمال نلبس فى لورى فالشبورة دية ربنا يرحمنا بقى وناس المسئولين عن الموضوع دة يتلحلحوا شوية وييشوفوا حل |
اقتباس:
عارفة اني نورت :d |
انتى بتتكلمى ف ايه انا بقيت اتعب لو شميت هوا نضيف من غير دخان سجاير او بنزين او عوادم .... والحاجات دى وخصوصا انى يوميا باقف قدام محطة بنزين عشان اركب وانا رايحة الدروس لان بيتى جنبها اتعودت عالحاجات دى لدرجة تخلينى اتعب لو ماحصلتش :040vk0: قش الارز بقى جاتلى رسالة مرة عالموبايل بتقول اقتباس:
بالمناسبة انا قاعدة دلوقتى اذاكر علوم بيئة الباب الرابع ( التلوث ) :) |
دخان ياااااااااااااااااااااااااااااه الكلمه دى متعبه بشكل الواحد صدره إشتكى أنا مش بشرب بس لما صدرى بيوجعنى بخاف أروح أكشف الدكتور يصدمنى ويقولى إنت بتشرب سجائر من كام سنه بجد دى بقه حاجه فظيعه دلوقتى بقو بيرضعو العيال سجائر ويفطموهم شيشه وبعد 5 سنين يخشو على الكابتشينو ما شاء الله بقى جيل يشرح القلب أما بقى من ناحيه قش الرز يا عينى أنا أصلاً قاعد فى قريه يعنى أراضى وكلام من ده أنا بقى أدمنت قش الرز ده ليل نهار سحابه دخان طالعه من البلد بيتهيألى الواحد لو بطل يشم يتعب ويضطر يتعالج تروح للدكتور تقوله مريضه شم قش رز غير طبعاً بقى مصانع الزبيب اللى أكيد إنت متعرفيش عنها حاجه دى أجارك الله يابنتى ربنا ما يوريكى حاجه كده زى " القر.... " دخنها بيدمر الرئه ماشى بيجيب سرطان ومالو إلتهاب فى الكبد ................ إلخ حاجه كده زى الموت بالبطىء نظام تعذيب أهى دى أيام جمع محصول العنب يتخلى الواحد يجيب جاز الناس بتصحى الصبح تشم هو نظيف وإحنا بنصحى نشم كبريت وصوده والله الواحد حاسس إنه جاب جاز على ما كتب الرد بس الخطأ فى الأول والأخير علينا إحنا هو إحنا هنقعد نقول الحكومه الحكومه طب ما إحنا اللى بنعمل كده فى نفسنا لما بنشوف الغلط وبدل ما نواجهه بندارى عليه ونزود فيه بجد نعيب على الزمن والعيب فينا وما لزمننا عيب سوانا |
اقتباس:
لا والله ياهند يمكن اان بحب الى بيتناقش معايا بس مش اوى كدة:p نورتى ياجميل وشكرا لردك الجميل |
| جميع الأوقات بتوقيت GMT +2. الساعة الآن 10:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.