|
شخبطه تاني يارب تعجبكم
بسم الله الرحمن الرحيم انا جيت تاني انا عارفه اني بنزل خاطره كل 30000 سنه كده يارب تعجبكم اسيبكم مع الخاطره == لو كانت كل كلمات العالم ملك يميني لأعجزتني كي اقولها له , كي يسمعها مني و يسمعها العالم بأسره لكن كيف لي ان اقولها , و هو من يتركني بالساعات أنتظره و عندما يأتي يذهب و يتركني دون كلمة وداع تاركاً خلفه قلبي حائراً وجلاً كيف اقولها و هو من يتلذذ بتعذيبي و يتلذذ بدموعي و لكن ما أقول بقلبي فقد كان له أسيراً فيعاندني و يذهب إليه لو طال به البعاد هذا القلب العنيد الذي لا يستمع لي ولا لقولي ولا يبالي بعذابه ولا بعذابي ألا يا قلبي تقف بجانبي و تتركه فقد جاءني منه ألم يكفيني طيلة عمري دعه يا قلب و عش حياتك بحلوها و مرها أيا قلب لم لا تجيب أيا قلب ماذا حدث لك هل لهذه الدرجة وصل بك حبه أيا قلب أجبني استمع لي هل لي منك بإجابه أيا قلب إرحمني قد جاءني منه عذاب يكفيني أيا قلب لا تكون انت ايضا معذبي فقد انتهيت و انتهت الحياه من حياتي فقد أصبحت بقايا انسان حطام انسان لست قلبي انا إذن فإنك تقف في صفه بشده لم يبق مني شيء سوى ذاكرتي و لم يبق منه سوى ذكرى ذكرى انسان قد كان في حبي له كل عذابي كل آلام حياتي قد تجمعت فصارت كتله من نار تحرقني تعذبني تقتل كل ما تمنيته في حياتي بالعيش باستقرار بل هو اعصار اعصار دمرني قتلني فها انا هذا الحطام لا أملك حتى سيطره على نفسي على قلبي ماذا فعل بي هذا الإنسان لكي يسيطر على قلبي هكذا ولم يعد ملك لي فسامحك ربي يا هذا الإنسان فما فعلت بي لا أدري ما أقول أو ما تكون مني الكلمات فقد غادرتني لأني بقايا انسان Bo$y Mo$tafa ادوني رأيكم بصراحه |
جميلة , الله يهدى قلبك , بس ليه فى الآخر بقايا إنسان , خلى فى شوية تفاؤل.
|
بقايا انسان من كتر الجراح اللي شوفتها
شكراً لمرورك :) |
يا ربى عليكى يا بنتى مش بحب انا جرعه التشاؤم دى ال بقايا انسان ال هوف:slap1qk6: يلا بس مش اقدر اقول غير انه بجد جميل :)ربنا يحميكى:) بس عايزه بتاع المره الجايه يون فيه شويه فرح حرام عليكى نفسك:stickjo4: فى رعايه الله:) |
انا بجد قرات الكلام مرة واتنين وتلاتة
فى اول مرة كنت هقوللك كئيبة قوى وفى تانى مرة كنت هقوللك قلبك هو اللى غلطان بس هو ممكن فعلا القلب يحب الانسان اللى بيتلذذ فى تعذيبه وفى دموعه ودلوقتى بقولك بجد كلمات جميلة جدا جدا جدا بس يا خوفى تكونى تقصدى بيها حد معين عشان هتبقى حالتك صعبة قوى |
بصراحة يا بوسي كلماتك انتي والطفلة السعيدة مش دا مكانها دي لازم تنزل على بطاقات وكروت إهداء جميل .. يهديه الواحد لإنسان بيحبه ..
عارفه ليه ؟ كل جملة من كتابتك تحمل معنى مستقل تصلح إنها تكون توقيع في حد ذاته .. معنى مغلق على ما يحويه من جمال .. فما كتبتيه من خواطر .. بالفعل .. بسيط .. رقيق .. صادق .. |
جمييييييييييييييييييييييييييييييييييل
|
ايه ده بقى ؟؟
المفروض ان دى شخبطة ؟؟ امال لو حبيتى تكتبى قصيدة هتبقى عاملة ازاى لو دى شخبطتك فممكن تقعدينا فى بيوتنا لو كتبتى قصيدة عموما بجد انتى لو قريتى شوية شعر و خدتى بالك بس من الموسيقى لأنها أحد أعمدة الشعر مش شرط موسيقى زى ما فى كتب الشعر بس لما تقرى القصيدة تحسى بنغم تحسى بتسلسل لو اهتميتى شوية بالموسيقى هتكونى فنانة من طراز خاص |
والله بقرأ الكلام وانا حاسس ان انا الى بقوله
طيب هوا ليه كل حاجة فيها حب بعد فتره لازم نقول عليها الى اتقال دا هوا مفيش حب ولا احنا الى مش عارفين نحب ولا القدر مش عاوزنا نحب ولا هوا مفيش امان للي بنحبه تسلم ايدك يا بوسي وفي انتظار المزيد وياريت ميكونش 30000 كل سنه تقبلي تحياتي اخوك محمود |
شكرا لمروركم الكريم :)
|
بجد موضوعك جميل اوى
بس قليل عليه كلمة شخبطه دى ياريت تبقى تحطى لمواضيعك اسم يدل على المضمون وبلاش التواضع ده :):):) وانا فى انتظار المزيد من اعمالك المميزه |
بجد يا بوسى روعه حسيت وانا بقرؤه بحزن وشجن كتير جواكى تسلم ايدك يا قمر |
بسم الله الرحمن الرحيم هاند ايري جزاك الله خيراً , اخجلتم تواضعنا بس دي حاجه بسيطه يعني :) بجد شكراً ليك كتير == بوسي 2 ربنا يكرمك يا حبيبتي لكلامك الجميل ده كتير عليا كده بجد :) ربنا يخليكي و شكراً لمرورك الجميل |
خاطرة روعة بجد |
مرورك اروع يا ثانكس :)
تسلم لي |
| جميع الأوقات بتوقيت GMT +2. الساعة الآن 12:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.