|
هل هذا هو الحل ؟ !!!!!!!!!
السلام عليكم ورحمه الله وبركاته
البعض منا قد سمع عن قرار السيد وزير التعليم المتعلق بالمدرس والطالب وهو ان اى مدرس يتعدى على طالب بالضرب يحول الى وظيفه اداريه واى طالب يتعدى على المدرس يفصل فصل نهائى هل هذا هو الحل ......... ما رايكم فى هذا القرار؟؟؟!!!!!!!!! هل هو حل لما حدث فى الفتره الاخيرة من صور تكاد تكون ليست دليلا على عنف المدرسين لانها حالات نادرة هل يستحق ما حدث لاصدار هذا القرار هل سيكون هذا القرار ردعا للطلبه الذين يتجاوزون حدودهم فى التعامل مع مدرسيهم هل سيطبق هذا القرار على كل الفئات ام ستتدخل فيه الوساطه وغيرها اترككم مع الموضوع ليعرض كل منا وجهه نظره بخصوص هذا القرار فى امان الله |
اقتباس:
لان تواجدى حوالى 8 سنين فى الابتدائى والاعدادى مش يقول ابدا انها حالات نادرة بل على الى انا شايفه ممكن أقول غالبية الحالات اما القرارت فهى كما تعودنا من قبلها من قرارات وستفتح بابا عجيبا للطلبة والمدرسين لتبادل الاتهامات جزاكى الله خيرا على طرح الموضوع فى امان الله |
Mmmmmmmmm بصراحه انا مش عارفه..؟ يعنى لو المدرسين منعو ضرب الطلبه....الطلبه هيتصلح حالهم.....؟..!! معتقدتش..._ يعنى الطالب وخاصه في مرحله الابتدائي لو محسش ان وراه عصايه :stickjo4:مش هيبص في كتاب...! مش كده..؟؟ ده كمان ممكن يتطاول ع المدرس :slap1qk6:وهو عارف انه ميقدرش يعمله حاجه...!!؟؟ دى مصيـــــــــــــــــــــــــــــــــبه**كارثه...!! *** _وبرده في نفس الوقت اللى بيعمله بعض المدرسين معذره (المفتريييييين)..:abdoog8: من تعذيب في الطلبه لما نسمحلهم بالضرب .... والله انا اعرف مدرس بيخلى الاتلاميذ يجيبو دم من كتر الضرب.. والمشكله انه بيضرب في اى حته...!! في دماغه ...!!في دراعه ....!!!ومكان متيجى بقي...!! هو وحظه..!! *** فانا مش عارفه ايـــــــــــــــه الصح..؟؟ ** تفتكرو لو القرار ده كل المدرسين عملو بيه ... وسابو مسؤليه الضرب دى ع الاباء..(مجرد بس انهم يشتكو من الابناء) _ومعتقدش ان اب ممكن يموت ابنه من الضرب..؟مش كده؟؟!! يعنى ده هيكون احســـــــــــــــــــــــن ولا ايه رايكم؟!! |
اولا انا طالب
ثانيا محدش كان يسمع زمان عن موضوع طالب يتعدى على مدرسه على حسب قول الشاعر قف للمعلم ووفه التبجيلا ( في زمن لا يحترم فيه المدرسين ) * كاد المعلم ان يكون رسولا ازاي يعنى طالب يفكر بس انه يعلى صوته على مدرس مش يضرب مدرسه ويمد ايده عليه انا مش عارف الدنيا بتتقدم ولا بتتاخر ولا ايه انا شايف انه كل يوم في اخر لغايت ما نوصل للحياة البدائية اما بالنسبة للمعلمين الى بيمدوا ايديهم على طلاب دى ليها كذا حالة بالنسبة لطلبة امرحلة الابتدائية اعتقد لازم التشديد بس مش معنى كدة يمسك طالب يموته بس مثلا الى ملش الواجب عصيتين مرة سماح بس في مشكلة في المادرس المصرية انها مدارس غير متقدمة علميا ابدا انا متهيقلى لو كان كل مدرسة مقدمة علميا وفيها وسائل شرح ومسابقات بين الطبة ومجموعات لتتنافس كل الطلبة كان الحال ممكن يتغير على العموم شكرا جدا على هذا التوبيك |
اقتباس:
أنا شايف إن فعلا هو ده الحل لازم تكون في خطوط حمراء اللي يعديها لازم يندم و جزاكم الله خيرا |
والله مهما اكلمنا وعملنا مفيش حاجه هتتغير
|
اقتباس:
لكنى اقول مع احترامى لرايك دى حالات فرديه وما حدث معك قلما يحدث مع غيرك عامه الاختلاف فى الراى لا يفسد للود قضيه فى امان الله |
اقتباس:
والضرب مطلوب مع مراحل معينه كالمرحله الابتدائيه والاعداديه لكن بالطبع الضرب غير المبرح غير المؤذى ولا يكون مع كل الطلاب قد يكون طالب مجتهد وقصر فى اداء الواجب لاول مرة لى ان اعفو عنه ولا اعامله كالطالب المستهتر او الكسول لكن البعض من المدرسين قد لا يملك اعصابه وقت الغضب خاصه مع ازدياد الضغوط الحياتيه قد يؤدى الضرب الى احداث عاهه مستديمه للطالب او الوفاه لهذا قد يكون هذا القرار مفيد من تلك الناحيه لكنه بالطبع غير مفيد من نواحى اخرى مشكور حضرتك على مشاركتك الطيبه فى امان الله |
يا جماعة والله نايس توبيك يا استاذة
ثانيا الضرب اللى غرضة مصلحة الطالب هو الحل تمام يعنى انا واحد من الناس مرة مدرس وانا فى ثانوي ضربنى وشتمنى بابوية بس من غير سبب وذلك لانى كنت ماشى فى ملعب المدرسة راح ضربنى وشتمنى بابويا انا قولت لنفسى اضربة وضربتة فعلا انما انا ضربته عشان عاوز اخد حقى لانى انضربت ظلم وانا شايف ان ده حقى لانة غلط فيه وكمان ضربنى يعنى ايه نفضل نسيبهم كده لا مينفعش تقبلى مرورى |
السلام عليكم
انا بقه من رائىء انه قرار غير صائب لان كده المدرس لو الطالب قاله اى لفظ ولو عارفه مش هيعمل حاجه انما لو مش عارفه هيقدم فيه شكوى وهندخل فى حكاية الوسطى وكمان انا فى المدرسه الطلبه بتزعق للمدرسين بطريقه فظيعه والمدرس مش بيعرف يرد لانه ممنوع العصايه وممنوع انه يزعق لبنت طيب دا هيكون ضد المدرسين وكمان ضد الطلبه لان الطلبه هيتعودوا على الاسلوب دا مفيش حد هيقدر يوقفهم عند حدهم فهيكون مفيش احترام بين الطالب والمدرس ولا بين المدرس والطالب دى وجهة نظرى ممكن حد يختلف عادى |
اقتباس:
هو ما ينقص طلابنا فى تلك الايام تحديد الهدف والطموح نتمنى لجميع الطلاب الهدايه والتوفيق مشكور على مشاركتك الطيبه فى امان الله |
تعلمت من هذا المدرس الثقة بالنفس عندما كنت فى الصف الرابع الابتدائى سأل مدرس اللغة العربية الفصل كله سؤال فى النحو رفعت يدى للاجابة و كنت الوحيد نظر الى الاستاذ ووجدنى رافعا يدى فقال للفصل " اللى حيجاوب غلط حينضرب" قلت فى نفسى انزل ايدى احسن يطلع غلط و انضرب شاهدنى المدرس فأمرنى بالاجابة و جاوبت قال لى الاجابة صح و برده حتتضرب هذه من المرات القليلة التى ضربنى فيها مدرس و ظاهرها الظلم و لكن باطنها التربية الصحيحة * لا زلت ارى ان العقاب البدنى غير المؤذى وسيلة فعالة لبعض الطلبة و لا يصلح للبعض الاخر * العقاب النقسى وسيلة فعالة لبعض الطلبة و لايصلح للبعض الاخر لا بد ان يكون المدرس معلما و اخصائيا اجتماعيا . لا بد ان يعرف طبيعة و نفسية كل طالب و على هذا الاساس يتم التعامل معه (طبعا لو تم تقليل عدد الطلبة فى الفصل ) هناك طالب تكفيه نظرة و هناك آخر تكفيه كلمه و هناك ثالث تكفيه عصا اما الرابع فليس له حل لانه سيضطر المدرس الى الوقوع فى الخطأ الذى نرفضه جميعا لان كل وسائل العقاب السابقة لا تخيفه و لا تردعه فهو متعود على ما هو اسوا منها فى بيته و بيئته التى تربى فيها و هذا الطالب هو اشد ما نحتاج ان تقنن الوزارة كيفية التعامل معه |
اساسا الطالب اللي يتعدي علي المدرس المفروض يتعمله محضر في الشرطة موش يتفصل بس اما بقي المدرس الي يتعدي علي الطالب دي مليش فيها علشان موش كل الحالات شبة بعض
|
اقتباس:
مكشور على مشاركتك فى امان الله |
بصى يا مس رنيا الإحترام عمره ما كان بالسلطه ولا بالقوانين المحترم بيفرض على الناس إحترامه بإحترامه يعنى فيه عندنا مدرسين فى المدرسه لما كنت فى ثانويه عامه من نظرته بس ممكن تحس إنك نفس الأرض تنشق وتبلعك من الخجل قدامه لأنه شخص محترم يعنى الاحترام نابع من الشخص نفسه واللى مستنى القوانين تخلى الطلاب تحترمه يبقى ده العيب فيه هو |
| جميع الأوقات بتوقيت GMT +2. الساعة الآن 09:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.