الطالب الصحفي
 

السلام عليكم ورحمة الله وبركاته
انت الطالب الصحفي
هنعمل قسم جديد بالموقع هنسميه الطالب الصحفي
وده هيبقي مخصص لفترة معينة
هنكتب ايه في القسم ده
كل طالب ثانوي بيمتحن في المرحلتين
بعد ما يخلص اللجنة او قبل ما يدخل لجنة الامتحان
هيكون صحفي في مدرسته يسأل عن اللي حصل في اليوم ده
ويكتب موضوع عن نظام الامتحان وهل هناك عقوبات ومدي تفاهم الطلاب مع الامتحان في كل مادة بيمتحن فيها
وبعدين يقدر ينشر الموقع بين اصدقائه فترة الامتحانات
وبعد ما تجهز تقرير صحفي عن مدرستك في كل يوم بتمتحن
تيجي على الموقع على طول تكتب موضوع جديد بالتقارير الصحفي بتاعك قبل ما تروح البيت

لعل الاقي الف موضوع في القسم ده
وقبل ما افتح القسم ده يا ريت تردوا وتقول ايه رايكم في الفكرة
ومش لازم تكون طالب ثانوي ممكن تكون او تكون عضو مشترك بالموقع سواء كنت طالب ثانوي وحاليا طالب جامعي
ممكن تروح المدرسة اللي تعجبك وتعمل عنها التقارير اليومية الصحفية وتنزلها
وانا بمشيئة الله تعالي هحاول اغطي محافظة الفيوم في كل يوم امتحان وهروح المدارس واعمل حوارات مع الطالب
ولا تخجل فانت عضو بموقع الثانوية العامة
وافعل كما يفعل الصحفيين في اللقاءات بالجمهور

توقعت فعلا الموضوع ده
والفكره جديده فعلا ورائعه

وباذن الله احاول
مع انى مش انفع خالص

موضوع جميل عبقر انفراد لمنتدى ثانوية فعلا

افتكر مقومات الصحفى الناجح انه
يكون جرىء واعتقد مفيش مراهق
مش جرىء
يعنى كل اللى فى المنتدى هينفع يكتب

بس اظن مش الجراءه لوحدها يا محمد
انت هتتكلم بعد الامتحان صح؟
يعنى هتتكلم مع ناس احتمال تكون منهاره
واحتمال تكون سعيده
وانت نفسك هتكون مش مجمع لأن الامتحان كان سهل وهتطير من الفرحه
اعتقد ان ده كله هيبقى ليه اثر
وده اللى اقصده

الاختلاف فى الراى لا يفسد للود قضيه

طبعا موافق بكل المقاييس

فعلا فكره جباره ورائعه
بس انا اخلصت امتحانات علشان انا ازهرى
ولكن فى مدرسة ثانوى جمبنا هاروح هناك واشتغل مراسل للثانويه

فمرة كويسة جدا وبما اني خلصت ثانوي من زماااااااااااااااااااااااااااااااان

فا هكتفي بالنقض والتعليق على مراسلين الثانوية

ربنا يستر

شكرا لكل الاعضاء على الرد ويا ريت نشوف صحفيين فعلا جامدين
وانا بمشيئة الله هكون مراسلكم من محافظتي

موضوع جميل جدا وفكرةكويسة وجديدة

فكره حلوه يا عبقر .

فل اوى

ان شاء الله فى الاجازة
هيبقى فيه كلام تانى

يا خالد الموضوع دلوقت فى الامتحانات مش فى الاجازه

يمكن انا فهمتك غلط سورى


سلام .