جدول امتحانات تجارة"القاهرة" 2008/2009
 

سلامو عليكوا يا تجاريين المستقبل ..

يارب تكون السنة ماشية معاكوا كويس ..

طبعاً فيه ناس كتيرة بدأت تسأل على مواعيد الامتحانات

لغاية ماطلع دكتور على الديب وكيل الكلية

وأعلن رسمياً ان بداية الامتحانات هاتكون يوم 1/1/2009

والكلام دا دكاترة كتير قالته ..

والناس اجمعت على كدا لغاية دلوقتي

النهارده انا جايبلكوا الجدول الفعلى

اللي مجلس الكلية أقره ونزل خلاص



وهوا دا الجدول

جدول الفرقة الأولى :-

http://www10.0zz0.com/2008/11/12/18/691524172.jpg

جدول الفرقة الثانية :-

http://www10.0zz0.com/2008/11/12/18/796170883.jpg

جدول الفرقة الثالثة :-

http://www10.0zz0.com/2008/11/12/18/902974655.jpg

جدول الفرقة الرابعة :-

http://www8.0zz0.com/2008/11/12/18/331519872.jpg

● مع مراعاة :

1- امتحانات الإنتساب (مجموعة هـ،و،ز) مواعيد امتحاناتها من 9 صباحاً : 11 صباحاً

2-امتحانات الإنتظام (مجموعة أ،ب،جـ،د،المميزةأ،المميزةب) مواعيد امتحاناتها من 12 ظهراً : 2 ظهراً

3- أرقام الجلوس لسه مانزلتش لحد دلوقتي .. وبالتالى لسه ماتحددش اماكن الامتحانات .. لكن المتعارف عليه ان الامتحانات بتتم داخل مدرجات الكلية السبعة (أ،ب،جـ،د،هـ،و،العيوطى) + قاعات مبنى الإمتحانات بالنسبة للقسم العربى .. اما القسم الانجليزي فامتحاناته بتكون داخل حجرات مبنى الشعبة ..

4- جدول امتحانات القسم الانجليزي هوا نفسه جدول امتحانات القسم العربي .. ولكن بيختلف في مواعيد بداية الامتحان اللي بيحددها د/خيرى الجزيرى "المشرف الأكاديمي للشعبة الانجليزية" ..

وكل سنة وانتوا طيبين ،،،

السلام عليكم
عندك حق يا vampire دكاتره كتير قالو كده والجدول ده انا شوفته برده بس على موقع تانى
يعنى شكله هو ده اللى هيتثبت والجدول حلو صراحتا يعنى

هوا هوا نفس جدول السنة اللي فاتت بنفس ترتيب المواد ..

السلام عليكم ورحمة الله بركاته


عاوزة اعرف:
*هو كل المجموعات هتمتحن في يوم واحد ولا كل مجموعة ليها مواعيد
انا اول مرة اسمع ان الامتحانات يوم 1\1
قالولنا ان الامتحان بتاع التيرم يوم 17\1
وينتهي يوم 29\1 والتيرم الثاني يبدا يوم 13-14\2

*امتحان الميد تيرم (للشعبة المتميزة) هيكون فين وارقام الجلوس نزلت ولا لأ
ياريت لو اي حد عرف اي حاجة يقولي لان الامتحان يوم الاحد وانا مش هنزل بكرة طبعا

*لو في مجموعات او دروس تبع الجامعة ازاي اشترك فيها لاني سالت في المكتبات اللي برة عرفت ان فيه سكاشن بس انا مش عاوزة اروح مكان مش عارفاه(وانا محتاجة اي دروس او مجموعات للرياضة لاني الحمد لله مش فاهمة اي حاجة زى المصفوفات والتخفيض المحوري اما التفاضل والتكامل يجمعوا بين نقيضين بمعني انهم سهلين بس دمهم تقيل شوية) معليش رغيت شوية بس كل ده من الرياضة

ارجوكم لو حد يقدر يرد عليا وياريت يكون بيروح الجامعة ويسال معلش بقي هتعبكم معايا

السلام عليكم ورحمة الله بركاته


عاوزة اعرف:
*هو كل المجموعات هتمتحن في يوم واحد ولا كل مجموعة ليها مواعيد
انا اول مرة اسمع ان الامتحانات يوم 1\1
قالولنا ان الامتحان بتاع التيرم يوم 17\1
وينتهي يوم 29\1 والتيرم الثاني يبدا يوم 13-14\2

*امتحان الميد تيرم (للشعبة المتميزة) هيكون فين وارقام الجلوس نزلت ولا لأ
ياريت لو اي حد عرف اي حاجة يقولي لان الامتحان يوم الاحد وانا مش هنزل بكرة طبعا

*لو في مجموعات او دروس تبع الجامعة ازاي اشترك فيها لاني سالت في المكتبات اللي برة عرفت ان فيه سكاشن بس انا مش عاوزة اروح مكان مش عارفاه(وانا محتاجة اي دروس او مجموعات للرياضة لاني الحمد لله مش فاهمة اي حاجة زى المصفوفات والتخفيض المحوري اما التفاضل والتكامل يجمعوا بين نقيضين بمعني انهم سهلين بس دمهم تقيل شوية) معليش رغيت شوية بس كل ده من الرياضة

ارجوكم لو حد يقدر يرد عليا وياريت يكون بيروح الجامعة ويسال معلش بقي هتعبكم معايا




ازاى بس يا hanoda امتحانك يوم الاحد ومش عرفة هتمتحنى فين بصى خشى على الموقع دة وهتلاقى الجدول واماكن الامتحان
http://commerce.cu.edu.eg/
وانا على حد علمى انكم هتمتحنو فى قاعة الامتحانات ودى هتلاقيها جنب حاسبات ومعلومات و اعلام


انا عن نفسى امتحنت هناك ورقم الجلوس المفروض تكونى عرفاة بس ممكن تشوفية على الموقع
وربنا يوفق فى الامتحانات

اه .. كل المجموعات بتمتحن في وقت واحد ..

بمعني ان في امتحانات نص السنة واخر السنة مابيتمش فصل المجموعات ..

بيتم معاملة الطلبة على اساس هما انتظام ولا انتساب ولا شعبة انجليش ..

امتحان الميد تيرم هايبقي ان شاء الله فى مبنى الامتحانات ..

هاتتلاقيه ورا المكتبة المركزية .. اسألى اي حد وهوا هايقولك ..

من زمان نزلت .. بس تلاقيكي انتي اللي مش مصحصحة شوية ..

خشي على اللينك دا >> http://lecture.cu.edu.eg/seetInfoEnlglish.aspx

واكتبي اسمك .. بس في خانة المجموعة مش هايبقي مكتوب انتي مجموعة ايه لإنك مجموعة مميزة

حكاية بقي انك تعرفى مكانك فين .. دي بقي تبقي تروحي بدري وتسألى ..

بس عموماً امتحانكوا هايبقي من الساعة 10 لـ 11

هوا فعلا فيه مجموعات تبع الجامعة .. كل مادة بـ 90 جنيه ..

ومدة الكورس بتفضل مستمرة لمدرة 6 اسابيع ..

كل اسبوع بمحاضرة .. والمحاضرة مدتها 4 ساعتها يتخللها في النص بريك للراحة ..

واللي بيدرس فيه معيدين .. بس الله اعلم بقي المميزة ليها ولا مالهاش .. مش عارف

طريقة الاشتراك سهلة وبسيطة .. اول ماجدول المجموعات ينزل ..

روحي لمركز البحوث التجارية اللي في ضهر مدرج العيوطي واحجزي ..

جاتلنا في امتحان السنة اللي فاتت .. وكانت مسألة منيلة !!

السلام عليكم
ازيكو ياشباب
خلاص الجدول نزل اكيد من الكليه وهو الى موجود هنا
الحمد لله الجدول حلو علشان نلحق نراجع كويس

والله بص مش هاتفرق حكاية رقم الجلوس اوي ..

انتا رقم جلوسك بتعرفه لمجرد بس انك تعرف مكانك فين ..

لكن انك تكتبه في ورقة الاجابة زي الثانوية العامة لأ

لإن انتا في الامتحان بيجيلك ورقة الاجابة وهيا اصلا مكتوب عليها اسمك طبيعي

كل اللي انتا بتعمله انك بتمضي في المكان المخصص على التيكت ..

ويقوم المراقب جايلك وقاطع التيكت دا ..

بس عموماً هيا غالبا قبل الامتحانات بإسبوعين بتكون نازلة يعني بعد العيد كدا .. والله اعلم

دا غير كمان ان النظام الجديد كمان اللي والله اعلم هايمشوا بيه بعد كدا هوا نظام الـ student's ID

وهوا عبارة عن رقم او كود مخصص لكل طالب

والكود دا هايبقي تعاملاتك اللي في الكلية كلها هاتبقي من خلاله .. والله اعلم برده

الجدول دة كويس والله اصل انا اولى ز
ياريت كل واحد يقلنا هو فى اولى كام

شكرا يا جماعة علي كل معلومة ضفتوهالي بس حد يعرف موقع يكون عليه الامتحانات بتاعت السنين اللي فاتت واجابتها؟

انا اولي هه

السلام عليكم ورحمة الله وبركاته انا بشكركم اوى على المجهود الرائع دة ............................

انا فى الفرقة الثانية(ز) والسنة اللى فاتت كنت بمتحن في قاعة 410
هل السنة دى برضه امتحن في نفس القاعة؟؟؟؟؟؟؟؟؟؟؟

ولو سمحتم اى حد يعرف د/محمد امين امتحاناته كويسة ولا لأ؟

وشكرا............................................. .

ياراجل ؟ .. معايا يعني .. طب ميه ميه

انا كنت بمتحن في 404 .. يعني معاك في نفس الدور برده

الله اعلم .. لسه اما ارقام الجلوس تنزل

الله اعلم .. هوا مالوش امتحانات سابقة .. علمي علمك

للي في اولي تجارة القاهرة ومش فاهم رياضة
 

يا جماعة انا طالب في تجارة القاهرة مجموعة ز وكنت علمي رياضة وفاهم الرياضة كويس الي عايزني افهمه يكلمني عشان مش هاجي غير بكرا (الاثنين )
اي حد عايز سمبلكس تخفيض محوري محددات احتملات اي حاجة اهلا وسهلا
وسلام يحلوين وببلاش طبعا هنعد في المكتبة المركزية ونشر:):078111rg3::078111rg3:ح