استشارة بخصوص موبايلى اللى مغلبنى
 

بسم الله الرحمن الرحيم

الموضوع وما فيه ان موبايلى تقلان عليا معرفش ليه كده

فى مشكلتين

الاولى

كل ما اجى افتح اى برامج او العاب بيقولى اوبيريشن فيلد .. فشلت العملية
مش بيرضي يفتح
دى المشكلة السهلة

ندخل فى المشكلة الرخمة الجديدة
الموبايل فجأة وسبحان الله شاشته جابت خطوط غريبة طول وعرض
هو لسه ملون بس طبعا الوان بايظة وداخلة ف بعضها والشاشة بقت منغمشة ملغوشة معرفش بيقولوا عليها ايه
يُقال ان الشاشة باظت وناس بتقول انها جابت فلاتا

طيب انا المفروض دلوقتى اتصرف ازاى

وسواء الشاشة باظت او جابت فلاتا يبقي ايه الحل

واعرف منين اذا كان عيب شاشة ولا الانزلاق هو اللى عمل المشكلة

مع انى نادر ما بفتحه غير اذا كنت هستخدم الكتابة

مع العلم ان الموبايل سونى اريكسون w910 ونادر لما الاقى حد بيفهم فى السونى اريكسون علشان يفيدنى

اعمل ايه انا متضايقة جدا :confused::(

الله يعوض عليكي

انا حاسة كده بردو

ما انا معرفش ايه الضمان ده
مش فاكرة الموبايل بتاعى كان بضمان ولا لا
اعرف منين

مش كان له كرتونه ؟
والكرتونه فيها ورقة الضمان لو كان فيه
ياريت يكون فيها

ماشى لقيت ورقة مكتوب عليها شهادة ضمان
بس هو مش المفروض تبقى مختومة ولا هى كده وخلاص
اعمل ايه بقي بعد كده :d

شوفى التوكيل فين
ومعاد الضمان خلص ولا لسه سارى
لو معاهده سارى هتاخدى الكرتونه بالورق بالعده طبعا:d
وهتروحى التوكيل بقى
اكيد هتلاقى عنوانه على الكرتونه او الورقه

مكتوب تاريخ 29 ابريل 2008
ولمدة سنة
واقرب توكيل فى المهندسين ومدينة نصر
الله المستعان
شكرا يا استاذ محمد
غالبا هكسل :d

ههههههههههههههه
بتشكرينى على ايه بس
عيب كدا:p

اصل انا ذوق بعيد عنك :p
يا جماعة مفيش حد هنا يبدل معايا موبايله بموبايلى واخلص :mellow:-_-
ده حلو وجميل وبايظ :redface:

يريتنى كان معايا

كنت بدلت :(

وانا كنت هعرف اتصرف مع موبايلك اصل الموبايلات دى مش عايزة لين فى التعامل:abdoog8:
انا مرة موبايل اخويا علق يدوب مسكتة فى ايدى اتعدل :slap1qk6:

هو انا شوية ولااية :049gc0:

يلا ربنا معاكى :)

حولى تودية لاى حد بيفهم فى الموبايلات :romarioxp6: