|
مش قادرة افهم ايه الي حصل
بسم الله الرحمن الرحيم السلام عليكم ورحمة الله طبعا النهاردة وفقا لما اخبرتنا به الادارة الكريمة المفروض ان في اجتماع الساعة 6 للادارين عشان نتفق هنعمل ايه في الموقع ونقسم المهام علينا جميعا ونقترح هنعمل ايه عشان نطور الموقع :) دا المفروض يعني فجأة لقيت الاساتذة جميعا ( مع احترامي الشديد لكل استاذ طبعا ) دخلوا الغرفة قلت اكيد هيحضروا عادي معانا مش مشكلة يعني فجأة وبدون مقدمات لقيت الاجتماع اتقلب عن الغرف والتسجيل والطلبة طبعا لا شك اننا نفسنا نساعد في حكاية الغرف دي بس مش عارفة احنا الادارين ايه دخلنا بتطوير الغرف وكدا وطرق الشرح ... ومواعيد الحصص انا مش بقول مش يعملوا اجتماع يعملوا اجتماع بس يبقى اجتماع خاص بالاساتذة المفروض والي كنت اعرفه حسب معلوماتي المتواضعة انه كان هيكون خاص بالادارة فقط والادارين عموما مش هتكلم كتير هترك المجال للادارين ونواب الادارة يقولوا ايه رأيهم في الي حصل بس ياريت بعد كدا لو كانت النية انها تكون اجتماعات خاصة بالمدرسين وتطوير الغرف الادارة تخلينا على علم بذلك لان ربنا شاهد اد ايه انا عندي مذاكرة وامتحانات وجيت على نفسي وقلت مش مشكلة هي ساعة في الاجتماع عشان الامور تكون واضحة وارجع اكمل مذاكرة للأسف الساعة ضاعت اه واكتر منها بس مش في الاجتماع في حالة بدأت بانتظار بداية الاجتماع بعد صلاة العشاء مرورا بتفاجئي بدخول جميع الاساتذة ثم مرورا باني خرجت من الغرفة نهايةً بحالة دهشة خيالية .... واحساس شديد ورغبة اشد في البكاء بجد .. وبدون مبالغة ابدا ... لاني لا حضرت الاجتماع ولا ذاكرت ولا استفدت باي حاجة ختاما جزاكم الله خيرا جميعا على الي حصل دا دمتم بود جميعا احترامي:) |
بالنسبة للاداريين سنقوم بطرح موضوع هنا ونقوم بالمناقشة بدلا من الغرف
|
انتى قولتى اللىانا كنت عايز اقوله
حضراتكو قولتو اجتماع ادارة مش اجتماع تطوير غرف طب احنا دخلنا ايه دلوقتى قولتو الاجتماع الساعة ستة وجينا زى ا حضراتكو قولتو يبقا احنا نناقش اللىيخصنا انما اللى ميخصناش يبقا حضراتكو تعملواجتماع مدرسين وتطورو الغرف وتناقشوه انما دا مش نظام ولو مفيش اجتماعات يبقا احين بردو مهى اساسا بتطلع على الفاضى حاجةتخنق بصراحة ياساتر يارب |
الحمد لله إنى مقدرتش أدخل الغرفه الصوتيه لأنى أكيد لو كنت دخلت كان دمى هيتحرق أكتر ما هو محروق |
والله انا متضايق جدا جدا جدا النت فصل وجيت ادخل تانى بيقولى الغرفة مقفولة ؟ مسجل متابعة وليا تعليق تانى |
طيب يلا يا جماعة
ممكن نبدأ الآن في عمل موضوع بخصوص الاجتماع هنا وكل واحد يبدأ يقول ايه المشاكل اللي بتقابله في الاشراف وايه السلطات اللي محتاجها واحنا هنرد ونعرف الجميع الحدود على السلطات ابدأ يا محمد اعمل موضوع هنا الآن |
اقتباس:
ودا امتى حضرتك عشان ابقى في الصورة بس شكرا بجد على الي حصل مش عارفة اقول ايه غير حسبي الله ونعم الوكيل حسبي وكفى بجد |
اقتباس:
داالرد المختصر لكلام حضرتك :::::::::::::: من امتا الكلام دا هو احنا عيال مثلا حضراتكو مش قولتو ان الاجتماع هيبقافى الغرف وادينا حضرنا وحضرتك كدا خالفت كل البنود دااجتماع ادارةمش مدرسين ::::::::::::: ولما حضرتك ناوى تعمل كدا مقولتش ليه من الاول مكنا عملناها هنا وريحنادماغنا عموماكفاية اجتماعات لحد كدا مبناخدش منها غير كلام اساسا احنا مش فاضيين نقعد ساعتين كمان |
اقتباس:
هو حضرتك مش واخد بالك إن بالفعل فيه موشوع ومتثبت لطلبات ومقترحات الساده الإدارين بس تقريباً هما لا ليهم طلبات ولا إقتراحات http://www.thanwya.com/vb/showthread.php?t=29062 لكن وجهة الإعتراض بقه اللى الموضوع معمول عشانها هى إن لما نقول كلمه لازم نكون قدها بالمختصر المفيد لما أقول إجتماع مديرين ملقيش إدارى ولما أقول إجتماع إداره ملقيش مدرس ولما أبقى داخل أتناقش فى المنتدى ملقيش النقاش اتحول للغرف الصوتيه فيه مجال لكل شخص يعنى أحوال المنتدى معانا أحوال الغرف الصوتيه مدرسين وهكذا يعنى لازم يبقى فيه تنسيق |
ياجماعة عاوزين نتكلم بجد شوية ممكن ياستاذ اشرف علشان الوقت يبقى على الياهو افضل واخف ؟ ولو رافضين براحتكو والقرار النهائى لحضراتكم |
مش هقدر احضر اجتماع تانى
ولا ياهو ولا غرفة وقتكومعايا خلص خلاص المفرو ض ان الاجتماع ستة والساعة دلوقتى تمانية وشوية يبقو تاجلوه ليوم تانى احسن ودعو انى احضره |
بجد الموضوع يخنق
وخصوصا لما احد المدرسيين حب يطردنا من الغرفة بالذوق وكتب مينفعش نتكلم الغرفة فيها مشرفين طلبة عمتا انا عن نفسى حضرت اجتماع واتنين وتلاته وخمسة ولغاية الان كله بيفشل كالعادة السادة المدرسيين بيسيطره على الاجتماع واعتقد ان اجتماع الفيوم والقاهرة كان ده ظاهر فيهم ومشاكل القسم التعليمى واحنا قاعدين نتفرج بس بعد كده انا مليش فى الاجتماعات عايزين تعمله اجتماع تعرفونا الاول هيكون مخصص لمين وقوله اسماء الناس اللى المفروض تدخل بالمرة بالتحديد وايه اللى هيتناقش بالمناسبة انا كنت متوقع انه مش هينجح كالعادة |
توقعك فى محله يا اسلام
انا قولت فى الاول خالصانه هيبقا زى اجتماع الفيوم محدش صدقنى والسبب فى كداحضراتكو هما المدرسينتبع الادارة اساسا واللاايه النظام لو هتعملو اجتماع ( بعد الشر يعنى ) ابقو قولولنا انه خاص بينا حااجة بقت تخنق |
اه بالمناسبة بدل ما ابعت رسالة خاصة
تقريبا الغرفة الاولى فيها مشكلة الطلبة بيقولو كدا فياريت تشوفو حل لانهم تقريبا مش عارفين يكتبو |
اقتباس:
هههههههههههههههههههههههههههه والله عندك حق الساعة 8.17 دقيقة بالظبط وانا اى اجتماع فى الغرف الصوتية بعد كدة مش هحضرة |
| جميع الأوقات بتوقيت GMT +2. الساعة الآن 06:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.