انتهت مباراه المنتخب المصري مع منتخب اسبانيا بهزيمه المنتخب المصري بهدفين مقابل لا شى

احرز الاهداف للمنتخب الاسباني الاعب راؤول جونزالز ورييس لاعب الارسنال
وجائت الهزيمه كنتيجه طبيعيه لفارق المستوي بين المنتخبين

وايضا عدم وجود تجمعات للمنتخب المصري الفترات السابقه الشى الذي يمثل اهم اسباب هزيمه المنخب المصري

وقد جاء اداء المنخب الوطني هزيلا

وعلي العموم نتمني التوفيق في الفترات القادمه واقامه مباريات مثل هزه المباريات لانها ترفع من مستوي الكره المصريه

معلش خيرها فى غيرها وادينا بنتعلم

اى يابنى الكلام الجامد دة انا انصحك تروح تدرب المنتخب احسن تسلم اديك

حاجه متوقعه

لا طبعا مش متاوقعة لان احنا معنا مدرب ماشى بركة دعا الوالدين اساسا
منزلى متعب فى اول الماتش ما لمس كورة نهائى لا عيب عنده شلل اطفال.

شفت عبد الحليم لما نزل عمل ايه


بجد حسن شحاته بجد مش يستحق يبقى مدرب

ولا عصام الحضرى فضلوا يقولو ارقص يا حضرى اهو راؤل رقصوا انبارح

ولا ابو كريكة قصدى ابو تريكه بجد مستواه حلو اوى بصراحة(ههههههههه)

هو الوحيد اللى لعب فى المنتخب هو احمد حسن

ارجو ان رايى لا يجرح احد هى دى الصراحة

حتى لوكان عبدالحليم نزل من اول الماتش كانو هيخسروا
انت محسسنى انه لعب كوره حلوه
ولا حد نزل عمل حاجه
ابومسلم كان حلو مش وحش امبارح
والحضرى هايعمل ايه
لما يلاقى دفاع زى الناس نبقى نلوم عليه

انا معاك ان حسن شحاته ماشى بالبركه
بس مين عبد الحليم على الى انت بتقول عاليه ده
يطلع مين على الخريطه !!!

اهه برده احسن من متعب شوية يمان

هوه احسن من متعب انا معترف بكدا بس ليه عشان متعب مش فى مستواه
بس عبد الحليم لوحده يعمل ايه ؟؟

اهو كان يعمل وجه للمنتخب برده بدل ما متعب ما كنش موجود فى الملعب اساسا

معلش يا جماعة دى برضة مهما كان اسمها اسبانيا

ومش معنى اننا حصلنا على كأس الامم يبقا احنا من احسن الفرق

لاء طبعا
احنا لسة امامن الكثير والكثير من التحديات

كلا الاستاذ يورسعيدى صح ومنطقى كمان

بس عماد متعب مكنش فى مستواه خالص
انما لما يكون فى مستواه لاتقولى عبدالحليم ولا غيره

انتا تعرف انى المنتخب ملعبش كوره طوال 90 دقيقه بخلاف كرة ابو تريكه و عبد الحليم على وان المدرب المصرى حسن شحاته
كان خائف ان يهاجم المنتخب الاسبانى حتى لا ياتى مصر وهو حامل اهداف بالجمله
وهذا امر طبيعى لاسباب الهزيمه من المنتخب الاسبانى


وانا عصام الحضرى بالفعل اعطى راؤول فرصه الهدف الاول
وان هذا اللعب لعب عالمى لا يستطيع ان يضيع هذه الفرصه من امامه

وبلمثل ولكن مع فارق خبرة الاحتراف جاءت فرصه مشابه ولكن هذه المرة للمنتخب المصرى وهى

عندما اعطى الحارس الاسبانى الكرة فى قدم ابو تريكه بلخطأ ولكن اهدرها ابو تريكه بعجوبه

وعلى العموم شكرا على هذا الموضوع

شكرا يا جماعه ليكو كلكو علي ردودكم الجميله

علي فكرة تلقى الحضري بعد المبارة
بعد العرض الطيب الذي قام به في المبارة
عرضا جامد جدا وهو " وقرر الانتقال والاحتراف والنجومية "
الأحتراف إلي محافظة المنوفية في
مركز شباب دمهوج الرياضي
مقابل
20000 بطيخة كدفعة أولى وعند الامضاء 20000 أخرى
واتفق علي أن كل مباراة يفوز بها علي أن
يأخد 2 بتيخة كبيرة
وفي مؤتمر صحفي قال
أنا الاحتراف هو الحل الوحيد لكي
بيقى عندنا أكتفاء زاتي من البتيخ
وأنا وموهبتي فداء للوطن