الكوب الفارغ والكوب الممتليء .. جاوب يا وزير التعليم
 

سؤال دايماً اسئله لطلابي في محاضرة ( احترام المعلم ) ودي محاضرة بعملها كل سنة وادخل بيها جميع الفصول ، وبالمناسبة انا اخصائي نفسي والمحاضرات من صميم شغلي اما موضوعات المحاضرات ده من اختياري حسب رؤيتي لاحتياجات الطلاب .. المهم السؤال هو
كيف يمكنني مليء كوب فارغ من كوب ممتليء ؟
واطمع في ان يجيب عليه وزير التعليم ... معلش سيبوني احلم

مش فاهم !!!! عموما شكرا على مرورك

ممكن أجاوب أنا
فرغ الكوب الممتلىء على الأرض علشان الكل يتساوى

ههههههههههههه
اكيد غشيتها من سيادة الوزير

أنا بمنتهى الأمانة لاأبحث عن الحوافز يكفينى فخرا اننى بزيادة الكادر وصل مرتبى الى مرتبات عليا مثل رجالنا الأبطال رجال القوات المسلحة.........

بمعنى شيل شوية من زيادة الكادر املابيهم الحوافز وكله هيتشرب

يا استاذ طارق رفقا بالوزير

ممكن سؤال اسهل شويه

لماذا نملأ الفارغ من المليان . نحمد الله ان عندنا الاتنين
واذا كان لا محاله فنبدل الأماكن يبقى الفارغ مليان والمليان فارغ
ايه رأيك فى الاجابة دى ........
نخليها سؤال فى امتحان الكادر القادم

شكرا على مرورك اخي الكريم

وبالنسبة للسؤال ما فيش اسهل من كده

ولو سيادته محتار اوي ، ممكن يكسر الكباية المليانة
ويسيب الفاضية.. يملاها بمعرفته بقى

ما فيش اي طريقة غير اننا نرفع الكوب المليان لاعلى علشان الكوب الفاضي يتملي

ارفعوا المعلم الذي رفع الله قدره ، وجعله من ورثة انبيائه ، لا سبيل لنجاح التعليم الا باستعادة المعلم لمكانته ( المعلم ليس فاشلا حتى يرسب - المعلم ليس بلطجيا حتى يؤخذ كل يوم الى اقسام البوليس - المعلم جعل ليقتدى به لا لنشكوه ونستغيث منه ) ومن لم يفهم خطورة انهيار صورة المعلم في عيون طلابه فهو الراسب الحقيقي .. نعم قد يكون هناك سلبيات من بعض المعلمين وكلنا نلمسها ولكن تصحيحها لا يكون الا بزيادة الوعي وان لزم التأديب فيكون سرا لا جهاراً نهاراً .. والله حرصاً على طلابنا قبل ان يكون حرصا علينا فنحن رضينا بما قسم الله لنا في هذه الدنيا