|
اعتذار .. واعتذار برده
السلام عليكم ورحمة الله وبركاته بداية انا بعتذر جدا عن الحاجه اللى هطلبها انا عارفه ان فى الوقت الحالى مشرفين كتير اعتذروا بس بجد غصب عنى لازم اسيب الاشراف انا حاليا فى حالة زى الزفت ومودى وحش جدا وبحاول اخرج نفسى من المود ده بس للاسف كل حاجه بتحصل بتزوده واخرها هدير مامتها وباباها عملوا حادثه هما الحمد لله دلوقتى احسن من الاول بس بجد محتاجين دعواتكم وكمان الامتحانات مش فاضل عليها كتير وانا ماذاكرتش حاجه لسه وبجد انا متلخبطه جدا وبيتهيألى ده كان واضح فى اكتر من رد كان فى حاجات ف دماغى عايزه اعملها عشان القسمين بس فعلا اليومين دول مش هينفع خالص بدون رغى كتير بالنسبه لقسم "فلاسفة تحت التمرين" رامى موجود وسداد وربنا يوفقه ان شاء الله وقسم "التنميه البشرية" برشح مها _اسيل رزق_ انها تمسكه بدالى اكيد هيكون افضل على ايديها ان شاء الله وبالمناسبه انا ماقولتلهاش سورى انى طولت عليكوا بس ياريت لو ضايقت حد او صدر منى اى حاجه زعلت حد منى تسامحونى ********** معلش حاجه اخيره حابه اقولها بالنسبه لموضوع الاوسمه اللى خلانى اقول مستر اشرف اللى عملهم رده فى موضوع النتيجه افتكرت ان هو اللى عمل الاوسمه وبالنسبه لموضوع محمد السادات "كل اللى عايز يقول حاجه ف نفسه " بالنسبه للمشاركه الاخيره ليا ف الموضوع ده انا ماكنتش اقصد اهدى النفوس ولا اشعللها ولا انا مع محمد ولا ضده لانى اصلا معرفش اللى حصل كل ما فى الامر انى لاحظت حاجه ف اكتر من موضوع وحبيت اعرفلها تفسير وبس دعواتكم |
اقتباس:
اولا ربنا يشفي والد والده هدير اميين يا رب ثانيا يا رهينه المنتدي كل شويه بيخسر مشرفين مهمين جدا بجد ومكنتش اتوقع في يوم من الايام ان المنتدي يخسر واحده زيك يا رهينه بجد بس انتي فعلا عندك ظروف صعبه جدا طب بدل ما يترفع اشرافك انا عندي حل متبقي زي شرين تبقي مشرفه في اجازه تعليميه عشان لما ترتاحي وتصفي نفسيا ترجع تاني الاشراف لوترجعي لاسرتك تاني في الاشراف ايه رايك |
اقتباس:
السلام عليكم ورحمة الله وبركاتة اولا الف سلامة على والدى هدير بس مين هدير ؟ ثانيا ياجهاد انا رافض الطلب دة تماما واعتبرينى اخوكى الصغير وبطلب منك طلب وعندى حل لمشكلتك احنا نعين مها معاكى على قسم التنمية ورامى يتولى قسم فلاسفة لحد لما ترجعى محدش هيقول انك مش شغالة ياريت تسمعى كلامى |
ايه ياجهاد فى ايه
ياريت تلغى الفكرة دى من دماغك كل واحد بتيجى عليه فترة يكون مخنوق ومحتاج يكون لوحده انتى تاخدى اجازة وترجعى لينا تانى من جديد ياجهاد وبعدين انا ةحكون مكانك فى قسم فلاسفة بس طبعا مش حكون زيك لانك بجد مشرفة قديرة جدا وليكى رونق خاص جدا وبعدين لو سبتى الاشراف انا كمان هسيبه ماهو يا نعيش عيشة فل يانسيب الاشراف احنا الكل |
لو على إنك هتبقى مشغوله الفتره الجايه شويه فدى سهله ممكن نعملك حفظ وظيفه :) زى شرين كده لإنك بجد إنسانه محترمه وتستاهلى كل خير |
انا بجد مش عارفه اقولكوا ايه ربنا يكرمكوا ووعد منى ان شاء الله لما تخلص الامتحانات ارجع الاشراف تانى اقتباس:
فتاة الاسلام |
اولا حمد الله على سلامة والدى هدير وربنا يقومه بالسلامة ثانيا اقتباس:
انا موافق على الاقتراح ده |
الف سلامة عليهم يارب
:::::::::::::: احنا يهمنا طبعا راحتك بس انك تسيبى الاشراف مش حل دلوقتى انتى بتقولى ان رامى معاكى فى القسم يبقا محلولة زى ما الناس قالت تفضلى مشرفة فى اجازة ولما المود بتاعك يتظبط مكانك محفوظ عموما ربنا يوفقك يا جهاد |
حاضر ربنا ييسر ان شاء الله وارجع الاشراف تانى بعد الامتحانات ان شاء الله وميرسى ليكوا بجد |
بما ان الموضوع اتحل خلاص يبقى الموضوع مغلق شكرا |
تم التنفيذ بفضل الله
|
| جميع الأوقات بتوقيت GMT +2. الساعة الآن 09:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.