تتعجبون من ان يكون كاتب هذا الموضوع فتاه:) ولكن ربما انا احب واتذوق الكرة افضل من اى شاب اخر وبالمناسبه لا اقصد بتاتا الكرة العربية العقيمة (المصرية خاصة) من اهلى وزمالك واسماعيلى واسمنت وجبس بل اننى اتابع الكره الاوروبيه الجميلة باسماء لاعبيها الرنانة وانديتها العريقه وملاعبها المشيدة على احدث الطرز وبالاضافة ايضا الى كرة امريكا الجنوبية (البرازيل والارجنتين)..

المهم..! باقى من الزمن بضعة ايام على حدثين غاية فى الاهميه الاول هو كأس العالم والثانى الذى سيحدد مصير نا جميعنا هو امتحانات الثانوية العامه فأما معهد سوسو او كليه الهواء المجفف :( .... واما كليات القمة او اى كليه يتمناها كل واحد :D [SIZE=7]....

سؤالى الان اذا كنت من عشاق كرة القدم هل ستفوت فرصة مشاهدة كاس العالم وتنتظر 4 سنوات اخرى فتجد كل اللاعبين الذين تعرفهم اعتزلوا او ماتوا؟؟وهل اشتركت فى قنوات art بمبلغ خيالى ام انك ستجلس على اية قهوة؟ام انك لا تأبه لكاس العالم ولا حتى كأس العتبة :) ؟؟؟انتظر الرد وشكرا


راؤولـــــــــــــــيـــــــنا........

الحمد لله انا خلصت امتحانات
وهاتفرج براحتى طبعا
برازيل وغيره
وعايز ان الكوره المصريه مش عقيمه ولا حاجه

اولا الكره المصريه مش عقيمه
ثانيا دورى البرازيل والارجنتين المصرى احسن منه
ده لو انتى متبعاه كويس
والامير عبده هيتفرجلى على ما اخلص امتحنات
وشكرا على الموضوع

انا اليوم اللى هيبدا فى الكاس انا هخلص يوم السبت على طول
وعى العموم انا عندىart وبرضو هقعد على القهوة اتفرج على المتش المهم
وشكرا على الموضوع

احب اقلك حاجة الماتش لو مش فى القهوة مش يبقى ماتش

ومش فى القهوة بس الاهم اللمة فهمتى

شكرا على الردود يا جماعه لكن اللى اتفرج على مصر واسبانيا لاحظ الفرق الشنيع بين الفرقتين مع ان اسبانيا كانت بتلعب بصباع رجليها الصغير و يقدر يقول بجد ان احنا لسا بنزحف فى كرة القدم ;) وهم فرقتين ولا تلاته اللى بينافسوا عندنا فى الدورى اما فى الدول المتقدمة كرويا بتكون الفرق كلها منافسه ....


بالمناسبة ... اعلنت مونتينيجرو (الجبل الاسود) استقلالها عن صربيا والبلدين كانوا داخلين كاس العالم بفريق واحد ياترى هيلعبوا ازاى ؟؟
مش معقول طبعا الفرقه تتقسم نصفين ؟؟؟
وشكرا على المرور مرة تانية....



راؤولــــــــــــــــــــــــــــــــينا

انا هخلص يوم الاتنين 12-6 واحسن حاجه انا ايطاليا هتبتدي اليوم ده

وايطاليا طبعا حبي الاول والاخير في كرة القدم

وبالنسبة للماتش مصر واسبانبا

فاحنا كان مستوانا ضعيف جدا

واسبانيا اظهرت مستوي غير مبشر لكاس العالم ومستوي ضعيف لا يليق باسبانيا

اما صربيا ومونت نيجرو مش عارف هيعملوا ايه

بس غالبا هيلعبوا البطولة كده وبعدها يتفرقوا

لا تعليق الكل يعرف كيف خسرت مصر

هههه انا هكون خلصت امتحانات قبل كأس العالم اتفرج براحتى.


لا الدورى فى البرازيل والارجنتين احسن من المصرى مليون مره شوف اللعيبه هناك بتتباع بكام للدروى فى اوربا بارقام خياليه منحلمش بيها .


اوكى . كفايه ان الارجنتين بتعتمد على احتراف لعبيتها فى جلب العمله الصعبه عايز اكتر من كده وكلهم اصلهم من الدورى الارجنتينى

تحياتى ... سلام ...

كلهم اشبال هاتلى واحد عمره كان فوق 18 من الارجنتين او البرازيل واحترف ؟

ايه يا بنتى انت اتحولت لاسبانية ولا ايه يعينى
يالا مش مشكلة هو انت بتشجعى اللى يكسب ههههه

يا استاذ tarekalbolkeny انا مش هايفه عشان اشجع اللى يكسب :angry: احنا ناس بنفهم برضه .. وانا اشجع ليه فرق كحيانه ملهاش لازمة بدافع التعصب وخلاص ؟؟؟
اللى يتفرج على الكورة لازم ينقى اللى يتفرج عليه..ولا ايه رأيك؟؟




شكرا مرة اخرى على الردود
راؤوليـــــــــــــــــــــــــــــــــنا

يا ستى هو انا قلت هايفة بلاش تععصبى نفسك ايم سورى ياستى اوك