بجد ساعدونى
 

انا كليه التجاره واداره الاعمال ومحتاسه بجد فى المواد

مفيش حد خبره فى نفس الكليه وينبهنى وانا كنت عايزه اسال انى انا كنت مسافره وجيت بعد الدراسه بكتير وعايزه اعرف اللى فاتنى الموا ازاى والمحاضرات اشتريها ولا ايه ولا اشترى دروس

انتي اصلا في جامعه ايه ولا في سنه كام؟

تجارة وادارة اعمال ؟ .. دي تقريبا حلوان .. صح ؟

بصي .. هوا انتوا اصلا في حلوان مبني الكلية بتاعتكوا بيفكرني بمدرسة الثانوي والله !!

اني واي .. حمدلله ع السلامة انك رجعتي من السفر .. دا اولاً

ثانياً .. بداية الدراسة الجد بتبدأ من دلوقتي .. عشان كدا ماتقلقيش

بس المهم تبدأي صح .. بمعني انك انتي شوفي فيه كام مادة عندك

غالباً هايبقوا 6 بيتهيألي في حلوان ..

النظري مافيهوش مشاكل لإنه حفظ وكر وتعرفي تجمعي منه في الامتحان درجات كويسة

ازاي ؟ .. من خلال ملازم المكتبات اللي بره .. بتعمل ملخصات كويسة ..

بس راعي في دا انك مايكونش اعتمادك الكلي عليها .. لإنها لوحدها بتودي في داهية

فانتي خلي الكتاب هوا المصدر الاساسي وجنبيه الملازم .. حلو الكلام ؟

طيب .. نيجي بقي للمواد العملي .. امثال الرياضة والمحاسبة

طبعاً هاتقوليلي انا مش فاهمة حاجة لا في المحاسبة ولافي الرياضة !

هاقولك مافيش مشاكل .. اهم حاجة مايكونش فيه توتر .. خليكي ايزي

فيه ورق دروس بيتباع في المكتبات بره في المادتين دول .. اشتريه وعيشي حياتك معاه

بس اهم حاجة في المحاسبة والرياضة هيا التطبيق العملي ..

بمعني انك تمسكي الورقة والقلم وتحلي بايدك ..

هاتغلطي مرة واتنين وتلاته وعشرة .. ماتقلقيش .. الغلط بيعلم

ومعا الوقت هاتتلاقي نفسك ماشية فيها .. ومش بعيد تحبيها وربنا يكرمك وتجيبي فيها تقدير

بس يكون في علمك .. ماحدش في تجارة كلها مابيسترخمش المحاسبة ..

كل الفرق مابين الشخص اللي بيجيب تقدير فيها واللي مابيجيبش

هوا ان اللي مابيجيبش تقدير فيها مش عارف يتعامل .. واللي بيجيب تقدير هوا دا اللي بيعرف

وطريقة التعامل هيا انك تحلي كتير .. ودا من خلال

1- حل تمارين الكتاب الاساسي

2- متابعة المحاضرات اول بأول (سواء حضور او فهم او كتابة)

3- طحن كتاب التطبيقات .. ودا اهم حاجة في الرياضة والمحاسبة

هوا انك تمسكي كتاب التطبيقات في المادتين دول وتاكليهم اكل كدا ..

لإن دول زيهم زي دليل التقويم بتاع ثانوي كدا .. لن يخرج عنهم الامتحان فعلا ..

وربنا يجيب اللي فيه الخير ..

ياروان انا بحضر من اول السنة ولسة مذكرتش حاجة وبدء من الان ....وغالبا كلنا كدة
متقلقيش خالصصصصصصصصصصصصصصصصصصصصصصصصصصصصصصصصصص

شكرا للافاده وزى ماانت قلت انا اكتر ماده محتاسه فيها هى المحاسبه

وانشاء الله هعمل اللى انت قلت وربنا يوفقنى

بصى ياست روان اولا حمد لله على السلامة ثانيا انا محمد معاك فى تجارة حلوان انتساب انا زى وزى كتير فى حلوان لسة مفتحتش اى حاجة هو انتى لو من حلوان يبقى عندك كذ مركز هناك توبوحمادة وموجة فى مراكز كتير انتى انزلى حلوان محطيتين بعد الجامعة وهتلا قى كل حاجة هناك دروس شرح بس الاهم انتى انتساب ولا انتظام عشان انا هعرفك شوية حاجات تانية
>>>>>>>>>>>>>>>>>>>

على فكرة .. انتوا في حلوان بتاخدوا المحاسبة المالية على ترمين .. يعني متظبطين

في القاهرة بناخد المحاسبة المالية كلها في ترم واحد ..

عموماً ربنا يوفقك ويفوقنا معاكي

اه قصدك حلوان البلد بقي ..

ياعم دانتوا صحرا حرام عليكوا !!

هيا مرة اللي روحتهالكوا .. ومش ناوي اكررها تاني الا اما فلسطين تتحرر :blush: !

والله العظيم حلوان احسن من القاهره بستين مره تعالي مره وهظبطك

بصي انا معاكي في اولي انا هرسيكي علي الحوار كله لو انتي انتساب يبقي هو مجموعتين ه ود والدكاتره عاملين نظام شيت وبالمناسبه ده هيطحط عليه اعمال السنه 20 درجه من ال 100 مثلا دكتور تمراز عامل تلخيص ودكتور الايكونوميكز عامل حل حاجات اه بالنسبه للمواد هي محاسبه و رياضيات وسياسه وقانون واداره واداره انجليزي واقتصاد واقتصاد انجليزي اما حوار المكتبات فهو المواد العملي يبقي موجه والنظري vib اه وحاولي تشدي حيلك عشان احنا مطحونيين سلام

اولا شكراا لاهتمامكم بالموضوع وانا فعلا بجيب اوراقى العملى من mogaوالنظرى منvipوحلوين فعلا

وانا انتظام

بسم الله الرحمن الرحيم

اهلا روان
انا احمد معاكي في انتظام
اولا مش عيزك تقلقي خاالص كلة هيبقا تمام باذن الله بالنسبة لطريقة المذاكرة انتي تحاولي تحضري المحاضرات على قد متقدري عشان ممكن حاجة تتلغي او يقول حتة معينة مهمة وكدة مع بردك انك تجيبي ورق الدروس وزي منتي قولتي العملي من موجة والنظري من vip وعايز اسئلك بردك اخبار الميد ترم معاكي اية زي تلخيص مثلا او بحث وكدة عشان تعرفي تلمي اي درجات منها وربنا معاكي وانا تحت امرك في اي حاجة

ربنا يخليك وانا فعلا عاملت زى مقلت وبقيت اجيب فعلا الورق والحمد لله بقيت انتظم

الحمد لله فى الميد ترم عكيت شويه بس برده فى اسئله الحمد لله صح وانا انتظام بقى

يلا ربنا معاكي انتي قصدك على مادة economic منا عكيت شوية بردك عشان الوقت كان قليل اوي بس الحمد لله ع كل حال