لعلاج العنف بشكل عملي اعرض مشكلة حقيقية واجهتك في الفصل أو المدرسة علنا نجد حلا
 

أرجو من الإخوة والأخوات المعلمين والمعلمات عرض مشكلات حقيقية واقعية واجهتم شخصيا داخل الفصول لنتناقش سويا علنا نصل لحل أمثل وعلاج ناجع يقضي على المشكلة من جذورها
والله الموفق والهادي إلى سواء السبيل

لو انت مكاني كنت تعمل ايه اثناء الحصة بأسأل الطلبة عن الكشاكيل قام طالب وانفرط في الضحك وقال انا ممعيش كشكول وفر علي نفسك الزعل عاوز تكتبني غياب انا ماشي اصل مش هتقدر تعمل حاجة الوزير قال لاضرب ولازعيق ولاغياب ولاطرد انا هوفر عليك دا كله

اجمل حاجة للمدرس فى الفصل انة يكون فاصل عن الطلبة لان التعليم دلوقت اصبح مسئولية ولى الامر مش المدرس انا بيجلى ولى الامر بيقول ما لكش دعوة بابنى انا عايزة جاهل نتصرف مع دة ازاى

طلبتي صف أول اعداي طبقت معاهم الاساليب التربوية المعتمدة حوار وشغل حواة وارجوزات وعصف ذهني وس وج وخلافه في محاولة لايجاد جو من التواصل و التفاعل بيني وبينهم فلم احصل إلا على ................ افنخ في في قربة مثقوبة
اخيرا اتضح لي أن الغالبية العظمى لم تتلقى شيئا في المرحلة الابتدائية
باختصار تلامذتي مش بيعرفوا الالف من زر البطاطا عاوزين نحو امية (بالميم) يعني من أول زاي فتحة زاي ز ر ع
قولولي أعمل أيه والمنهج الجديد يروح فين ؟ اشوي به البطاطا ، وعجبي