|
أيه اخبار الميد تيرم؟؟؟
السلام عليكم/ طبعا معظمنا خلص امتحانات الميد تيرم .... وفي مننا اللي حل كويس...وفي اللي ربنا موفقهوش في الامتحانات دي...ف اللي محلش فيها كويس مش عايزه يقلق ولا يتراجع عن السنه ويقول الكليه صعبه ويعقد نفسه...بالعكس ...الميد تيرم بيمثل جزء صغير جدا من السنه...لسه في درجات العملي والنظري (final exam)....ويقدر يعوض كتير جدا ويجيب تقديرات عاليه كمان....فعايز كلنا ندخل ونقول عملنا ايه في الامتحانات....وياتري كانت سهله ولا صعبه....وايه المواد اللي كانت أصعب.. وأولا وأخيرا...لكم التوفيق |
بصراحة الميد تيرم معايا مكنش مظبوط خالص يعنى مثلا الكهربية اكتر مادة مش حالل فيه كويس بس ان شاء الله هحاول اعوضها فى الحرارة الاسبوع دة ان شاء الله الكيمياء العملى بردة بس يعنى حلينا فية هو بس الواحد مش متعود على نظام الدراسة وكدة فى الكليات وبجد نفسى اذاكر واللغة عمله عقدة كبيرة اوى ليا ويا ريت يا اسلام لو عندك حل لهذة المشكلة ياريت تفيدنى ارجوك |
اقتباس:
بص هقولك علي حاجه....بالنسبه للمذاكره واللغه...عندك قاموس اسمه الوافي انا منزله هنا في القسم...القاموس ده جميل جدا للمصطلحات ....تقدر تترجمها بيه وتفهمها بالعربي...واما تروح الأمتحان ترجمها علي حسب مافهمت بالعربي...مش شرط تكتب زي ماهي موجوده في الكتاب بالظبط....لدرجه الدكاتره بيقولو اي حاجه في الحل تكتبوها ليها علاقه بالموضوع هنحسبها صح...وذاكر انت بس كويس....وربنا معاك:) |
انا لسه مخلص امبارح.
و الحقيقة معظمها محليتش كويس..الاسبوعين اللي فاتو كل يومين كان فيه امتحان مرة نظري في العملي و مرة (كويز لو تسمعوا عنه) و مرة ميد تيرم. البحتة محلتش فيه كويس بس يعتبر كويس بالنسبة لاني مذاكرتها الا قبلها بيوم و كنت مستصعبها اوي. الفيزيا المفروض اني كنت بحبها و شايفها احسن مادة خصوصا خواص المادة و الحرارة خنقة شوية .. انا مذاكرتش الا قبل الامتحان بيومين..الحرارة كان كله اختيارات بس المشكلة اني اخترت من غير ما اكتب الحل كده مش هاخد ولا درجة مع اني في حاجات كنت فعلا حليتها بخطوات لكن في دماغي..خواص المادة مش بطال اشتغلت فيه بس في حاجات مكملتش فيها للاخر ,يعني الفيزيا برضه مش كويس. التطبيقية تقريبا مفتحتهاش خالص بس بصيت في الكتاب شوية و انا رايح الامتحان عشان كان معاها كيمياء.. فدخلت الامتحان باللي بصيت عليه و باللي افتكتره من المحاضرات و بمعلومات رياضة2 بتاعت ثانوي.. و انا اصلا كنت مستسهل المادة شوية.. بس حليت فيها نص نص يعني اشتغلت برضه. الكيمياء بقى .. العضوية كان الامتحان كله اختيارات من ساتر ربنا .. لان دي المادة اللي مقرأتش فيها ولا حاجة ولا اعرف بناخد ايه بالضبط ولا جبت الكتاب ولا ورق.. فحليته شوية بالفكاكة .. و شوية بمعلومات ثانوي اللي افتكرتها طشاش..و الباقي بطريقة حادي بادي. الكيمياء الغير عضوية(اختيارات برضه بس اكتر من العضوية) بقى تعتبر احسن مادة لاني اصلا كنت مذاكرها شوية عشان امتحنت فيها (كويز) قبلها باسبوعين و كمان قعدت اذاكرها على حساب التطبيقية..يعني حليت كويس بس مش كويس اوي .. يعني على قدي. امتحانات النظري في العملي بقى .. الكيميا لما خلصنا الاسيديك راديكالز امتحان امتحان صغير و بعد البيزيك برضه الاسبوع اللي فات) الاتنين ماكانوش كويسين. الفيزيا امتحنا نظري في العملي لما خلصت جزء خواص المادة و حليته مية مية. و على فكرة عندنا امتحان عملي فاينال في الكيمياء الاسبوع ده عشان خلصنا الاسيديك و البيزيك.بس قالوا برضة في امتحان تحريري قبل ما نشتغل عملي.ربنا يستر خصوصا في التحريري. كنت عايز اسألك يا اسلام .. احنا كده خصلنا الاسيديك و البيزيك الكتاب العملي فيه بعد كده اورجانيك هل هندخل فيها التيرم ده ولا ايه؟ و انت ايه اخبارك .. مقولتلناش عملت ايه؟ |
اقتباس:
اما انا بقي فعندي غلطه في ماده genetics في مسأله.....بسبب اني مااخدتش بالي من كلمه single |
انا لسة مخلصة الميدتيرم الخميس اول امبارح ......والحمدلله كان مش بطال يعنى كان فى امتحانات بحل فيها كويس -_-وامتحانات كانت وحشة:blink:....يعنى الرياضة كانت مش سهلة اوى:bosyht9: ......الفيزياء كان mechanics سهل جدا وحليت فيه حلو اوى:av4056bb7jp3: وما كنتش مصدقة نفسى :022yb4:لانى بكره حاجة اسمها فيزياء والمعيد كان قال ان احنا مش هنعرف نحل حاجة :040vk0:لكن properties of matter كان مسائله رخمة شوية<_<........الاحصاء كانت سهلة الحمدلله بس انا نسيت قانون فى الحل:d بس الحمدلله يعنى........الكيمياء ال general كانت سهلة جدا:022yb4: لكن organic معادلاتها كانت يعنى نص نص:blush:........الجبر بقى كان صــــــــــعـــــــــــــــــــب جــــــــــــــدا :ph34r::wacko:بس ديه مش حاجة غريبة بالنسبة للجبر<_<:040vk0: |
اقتباس:
حرااام عليكي الproperties كانت سهله جدااااااااااااااا.........كان عايز في أكمل ال shear stress وحاجات سهله جدا و3 مسائل كانو اتفه من بعض...أما ال mechanics فكانت كلها مسائل من مذكرات دكتور عماد:)....الحمد لله انك حليتي كويس وعقبال العملي والفينال.... |
اقتباس:
اكمل اه كانت سهلة بس فيه واحدة منهم انا كنت نسياها:( ........لكن المسائل 2 حليتهم كويس والتالتة كانت رخمة بصراحة:040vk0:....... mechanics كانت كلها مسائل من مذكرات دكتور عماد اه فعلا بالنص والله |
الميد ترم ياساتر
هو كان فية امتحانات حليت فيها كويس وامتحانات ماحلتش خالص زى فزيكال كيمسترى دى والله حليت فيها حادى بادى كل ماطلع ناتج مسالة مايكونش موجود في الاختيارات ولسة بقي فضلي اورجانك كيمسترى ودى بقي لسة ماخدناش كتابها ومااعرفش عنها اى حاجة والدكتور بتاعها صعب اةى ربنا يستر:( |
اقتباس:
هههههههههههههههه....ليه بس التعقيد ده.....ذاكري انتي بس الأورجانيك وانا منزل حاجه كتير للماده دي ...وانا قولت قبل كدا اهم حاجه فيها التسميات...وتاني اهم حاجه اللي انتو لسه مااخدتوهاش تقريبا isomerism ....علي العموم ربنا معاكي... |
الصراحة الميد تيرم فى علوم الاسكندرية كانت حلوة جدا و سهلة خالص و انا الحمد لله حاليت فيها كويس جدا بس هو امتحان العضوية اللى كان فية لعب بس بسيط جدا ممكن العقل يجيبة بسرعة و ربنا يكرمنا فى باقى الامتحانات و انا عن نفسى الحمد لله جبت فى امتحان الرياضة ( 16 ) من ( 20 ) و فى امتحان الكيمياء ( 18 ) من ( 20 ) و دى بداية مبشرة و يارب نكمل على هذا المستوى ان شاء الله
|
و تحياتى الى الاستاذ اسلام مشرف القسم و بشكرة جدا على مجهوداتة الجميلة و انا بس نفسى اتعرف علية اكتر اصل انا اسة منضم جديد للموقع انا كريم علوم اسكندرية شعبة جيولوجيا شكــراً
|
اقتباس:
الف مبروك وعقبال العملي والفينال:) |
اقتباس:
|
اقتباس:
انا بردو من اسكندريه ....وان شاء ربنا هنتعرف اكتر...وعايزين نشوف مشاركاتك معانا:) |
| جميع الأوقات بتوقيت GMT +2. الساعة الآن 12:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.