|
برنامج انتخابى
عندى اقتراح صغير هو اها مش وقته بس باعتبار ما سيكون ان شاء الله احنا فى انتخابات الاشراف لما بيكون فى عضو مرشح للاشراف بيكون اختياره اما باعلى اصوات " وده قليل" واما بالتزكية "وده ف الغالب" وبالتالى بيكون فى اعتراض كتير من الاعضاء على العضو ده وفى الغالب برده ان الاصوات بتيجى من شعبية العضو المرشح فرأيى اننا نعمل حاجه مختلفة المرادى وهى ان كل عضو مرشح يعمل برنامج انتخابى بمعنى مثلا العضو ****** مرشح لاشراف القسم العام او اهداءات ومناسبات وتعارف العضو ده هينزل برنامج انتخابى عن القسمين اللى مرشح ليهم وهيكون فيه اقتراحاته لتطوير القسمين وكل جديد عايز يدخله عليهم وساعتها بقى الاعضاء يقدروا يقيموا بجد اللى هيصلح لكل قسم ويرشحوه على اسس سليمه وبالنسبه لتطبيق البرنامج الانتخابى ده هيتابعه المشرف السوبر على كل ركن لو المرشح قام بيه على اكمل وجه كان بها اما لو البرنامج ده كان مجرد جسر عشان يوصل للاشراف يبقى يسيب الاشراف وحد غيره يعمل برنامج ويمسك بداله وهكذا ها ايه رأيكوا؟؟ :confused: ******* صحيح ياريت تنقلوه اقتراحات وحلول انا حاولت اكتبه هناك لكن للاسف مانفعش :) |
معلش سؤال رفنوع
يعنى اية برنامج انتخابى ؟؟ |
اقتباس:
بالنسبه للمنتدى العضو المرشح هيعمل موضوع يقول فيه اللى هيضيفه للقسم المرشح ليه سواء اقتراحات يحب يضيفها او ما شابه :) |
بصى يا جيجو هى فكرة حلوة بس حاسة انها مش هتنفع :) يعنى الواحد هيفضل يقول انا هعمل و اعمل مش عارفة :confused: بس لو وافقوا يبقى خير |
اقتباس:
ايه قلة نفعها؟ ياريت توضحى اكتر يا شيرى :) |
اقتباس:
اه والله ياجيجو فكرة جهنمية حلوة منك على قد سنك بس معلش بمناسبة الترشيح وكدة انا مضايقة من حاجة مش عارفة ان كنت انا بس الى مضايقة منها ولا فى حد مضايق زيى ان فى ناس كتير اوى اتعينوا مشرفين كدة ..............بالبركة حتى من غير رأى اى واحد مالاعضاء الله اعلم يمكن اخدوا رأيهم بنهم وبين بعض فوق بس برضه يعنى تحسى بنوع من التجاهل زى ما تقولى كدة الاعضاء=قراطيس بس عمتا الفكرة حلوة ياجيجو:) |
فكرة تقديم برنامج انتخابى يشمل عدة مقترحات لتطوير القسم تعتبر فكرة جيدة خصوصا لو تقدم عدة مرشحين بعدة برامج لان ذلك سيوفر قاعدة عريضة من المقترحات تعطى الفرصة لادارة المنتدى على اختيار ما يصلح منها لعملية تطوير المنتدى ككل
عموما توجد موضوعات مثبتة لمقترحات التطوير ولكن فكرة تقديمها عن طريق مرشحى الاشراف سيؤدى الى اثراءها بشكل كبير لوجود عنصر المنافسة |
اقتباس:
و لما نشوف هتتنفذ ولا ايه |
انا شايف فعلا ان الفكرة هايلة بجد
شئ منظم و شئ كويس و كمان بيطفى شئ من المنطقية على الاختيار اما بالنسبة للاعضاء و مقارنتهم بالقراطيس فأنا رافض الفكرة تماما بيتهيألى الموضوع مفتوح للجميع و اللى بيشتكى من مشرف فيه موضوع مثبت فى قسم الاقتراحات مخصوص لمخالفات المشرفيين فاللى متضايق من مشرف او من أفعاله يشتكى و يتكلم و الادارة فيها ناس محترمة كتير تقدر تحقق فى الموضوع |
اقتباس:
ماهى الفكره دى لو اتنفذت مش هيبقى فى قراطيس بمعنى ان الاعضاء كده كده هتترشح من قبل الاداره يعنى المديرين والنواب والاداريين وبعد كده المرشحين هيعملوا برامجهم الانتخابيه وكده بقى الاعضاء ترشح اللى هى عايزاه وصلت؟؟ اقتباس:
فعلا انا ماكنتش واخده بالى من النقطة دى جزاك الله خيرا :) اقتباس:
اوك يا شيرى :) |
اقتباس:
عند حضرتك حق بس نسمه ماتقصدش كده .. هى كل اللى تقصده ان فى مشرفين معيينين ترشيحهم نفسه يبيقى من خلال الاداره بدون ما حد ياخد رأى الاعضاء لكن هى ماتقصدش خلل لمشرف معين ميرسى لابداء رأيك :) |
فكرة لذيذة
وياريت لو تتنفذ علي الاقل هتقلل جامد من موضوع الجمايل اللي في الاشراف واللي هيرشح هيرشح علي نور فكرة جهنمية فعلا يا جهاد - علي راي نسمة:d - وياريت تتنفذ |
اقتباس:
اها هى من ناحية هتقلل فهى هتقلل من حاجات كتير :d |
هى فكره جميله ولذيذه بس صعب تتنفذ لأن صعب العضو يحط برنامج لقسم قبل ما يمسك إشرافه لأن أى عضو هيترشح هيقول نفس البرنامج أنا هنضف القسم هنظمه هعمل مسابقات وهكذا هو فيه إيه تانى مفيش وبردو الجمايل فى الأصوات هتبقى مسيطره وعلى فكره الإنتخابات إتلغت تقريباً من آخر مره لما أثبت فشل الفكر على العموم بلاش نسبق الأحداث |
اقتباس:
انا كمان حسيت انها هتبقى صعبة شوية يعنى الواحد مش بيبقى فى دماغه حاجة اول ما يمسك الاشراف بس بعد كدة لما يبقى مشرف عالقسم تلاقى الافكار عمالة تطلع يمكن دة بالنسبالى :romarioxp6: |
| جميع الأوقات بتوقيت GMT +2. الساعة الآن 11:23 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.