|
مقابلة مع فارس المنتدى
امبارح ياجماعة كان يوم حلو اوى ومش حقدر انساه لانى قابلت فيه فارس المنتدى مستر بدوى
بجد ياجماعة استاذ بدوى شخصية محترمة جدا وعظيمة فى كل حاجة والكلام معاه متعة كبيرة انا كنت قاعد بسمع اكتر ما انا بتكلم لانن كل كلمة منه حكمة بجد انا بقى حقولكم اللى حصل اتساذ بدوى كان بيكلمنى على الميل وقالى تحب تشوفنى قلتله ياريت قالى انه نازل المنوفية يوم الاتنين اللى هو كان امبارح المهم استاذ بدووى اتصل بيا فى حدود الساعة 9 طبعا بقى انا كنت مجهز نفسى من الساعة 6 وبجد انا مش كنت مصدق انى حقابل مستر بدوى بجد حاجة كبيرة اوى اوى عندى المهم استاذ بدوى اتصل بيا وقالى انه قاعد على قهوة رحتله هناك وكان معاه استاذ ايمن زوج اخته ومحمد ابن اخته قعدنا حوالى 10 دقايق نتكلم وبعدين مستر بدوى كان عاوز يروح وقالى تعالى وصلنى رحت معاه اوصله لعربيات القاهرة وكده واحنا بقى ماشيين رايحين عشان مستر بدوى يركب قلتله يا مستر ياريت تقعد شوية معايا قالى اوكى بس هما 10 دقايق عشان مش اتاخر قلتله ماشى يامستر المهم رحنا قعدنا على قهوة كده استاذ بدوى طلب شاى وشيشة وانا طلبت شاى وقعدنا بقى نتلكم عن المنتدى وعن الاعضاء والمشرفين والاداريين وكل حاجة تخص المنتدى يعنى احنا قعدنا نجيب فى سيرة معظم الاعضاء المهم بعض لما استاذ بدوى شرب الشيشة والشاى قالى يلا عشان الحق اروحفكان استاذ بدوى بيحسب ان الساعة 10 ونص ولا حاجة لقاها 12 قالى منك لله يارامى قلتله يامستر وانا ذنبى ايه الوقت سرقنا المهم رحت وصلت مستر بدوى لحد عربيات القاهرة وكان القدر عاوز انى اقف ممع استاذ بدوى شوبة كمان روحنا لقينا العربية مش فيها حد ولسه بتحمل الركاب وقفت معه المستر حوالى ربع ساعة كمان لحد لما العربية كملت وبعدين استاذ بدوى ركب ومشى وانا روحت بس بجد كان يوم لذيذ اوى اوى اوى بس ان شاء الله حقابل مستر بدوى قريب جدا جدا فى العيد وبلاش حسد من الاعضاء وخصوصا البنات :stickjo4::abdoog8::stickjo4: والصور باذن الله حنزلها قريب |
يبختك والله يا رامى
استاذ بدوى من الاساتذه الى كلنا بنحبهم جدا وبنعزهم جدا جدا جدا وانا شخصيا بحترمه وبحبه جدا ربنا يكتر من المقابلات دى والمرة الجايه اكون معاكو ان شاء الله |
ايه يامحمد انتا حتحسد ولا ايه
وياريت المنتدى كله يتقابل معانا المرة الجاية وانتا اكيد تكون موجود يامحمد معانا |
يا عينى ياعينى قاعدين على قهوه وشيشه والموضوع كبير الله يسهلو ياعم بس بجد يا واد يارمى يابختك الأستاذ بدوى بصراحه شخصيه من الشخصيات اللى نفسى أقابلها وفى إنتظار الصور يا كبير |
ماشى يا سى بدوى لف ودور وزور برحتك ماشى
على عموم انتهتقبلة فى العيد وانا هخصمة فى العيد هو عارف كان المفروض اننا نتقابل بالامس لكن انا كنت فى قوسنا وهو فى شبين وهو عنده ظروف وانا كنت عند الطبيب يعنى مينفعشى وبعدين لما بدوى الدجوى من الشخصيات اللذيذه امال انا ابقى ايه: باذن الله هوقفك انت وهو عن قريب الا اذا شفتكم انتم الاثنين طبعا الاستاذ بدوى من افضل اساتذة المنتدى بل رجال المنتدى وهو شخصية محترمة بجد والكل يتمنى مقابلته وشكرا لانك عرفتنى بهذه المقابلة |
اقتباس:
قهوة ايه يابنى انا بقولك شربنا شاى وقعدنا على القهوة :):) على العموم مش كده بس ده شاى وشيشة وسجاير وبلاش اكمل بجد يامحمد مستر بدوى شخصية عظيمة بجد ودى مش مجاملة واتمنى ان الاعضاء كلها تقابله لانها حتستفاد منه كتير اوى والصور قريب باذن الله |
اقتباس:
وشكرا على ردك يا استاذ عصام وباذن الله نتقابل قريب كلنا |
اية دة اي دة اية دة اية دة انتم بتهرجو ولا اية ؟؟؟ انتم بتعملو مقابلات من ورايا ؟؟ :049gc0::049gc0: ماشى ياعم رامى براحتك خالص بس فية حاجة انا ملاحظها رامى كرر كلمة وطلب شاى وشيشة كتير صح ؟؟لية مش عارف مع انى مستغرب يعنى ان مستر بدوى يشرب شيشة :confused::confused: يمكن لمحمد ابن اخت حضرتة تبقى معقولة شوية ههههههههههههههههههههه المهم يارامى قول انت بس مكنش فية حاجة فوق الشيشة ؟؟:):) طبعا مستر بدوى فاهمنى كويس قول يارامى متخافش انا مش هقول لحد هعمل اعلان فوق على البوابة من فوق بس فعلا يابختك ياواد يارامى والله انا مش عارف اقول اية بس فعلا كلمة فارس المنتدى دى متجيش ذرة فى مستر بدوى فعلامستر بدوى من افضل الشخصيات الى عرفتها فى البوابة وطبعا معاة والدنا الغالى الاستاذ عصام استنو عليا بس اخلص الامتحانات وان شاء الله هعمل مقابلة لكل فرسان المنتدى بس هتبقى فى المنصورة لان انا معرفش اخرج برة المنصورة بينى وبينكم ( هتوة ) هههههههههههههههههههههه شكرا ياراميو باشا على الموضوع الجميل والله ومنتظرين الصور مع انى عارف مستر بدوى كويس وعارفك بردك يارامى بس يلا زيادة الخير ..... خيرين فى امان الله |
اقتباس:
|
بجد انت محظوظ يارامي انك قابلت الاستاذ بدوي........فعلا هو من الشخصيات المحترمه التي اتمني اني اقابلها ....
شكرا يا رامي علي هذا الموضوع الاكثر من رائع ......و انا في انتظار الصورررر |
طيب عرفنى قبلها بيوم وقولى
نجيبه ارض القمر دا احنا منايفة زى بعض يا جدع على العموم الجيات كتير |
يا بخت يا روميو
انت يا عم لازم تقول شكلك عاوز تموتنا من الغيظ احنا مستنيين الصور |
اقتباس:
الاستاذ بدوى الدجوى يشرب شيشة هزلت ماشى ياعم اشرب برحتك قريب هنتقابل وهنشرب عصير قصب للصبح :d |
اقتباس:
شكرا يا اسلام لردك |
اقتباس:
بلاش حسد سا حازم هو الكل بيحسدنى ليه ياريتنى ما كنت قولت لحد انا اللى جبت ده كله لنفسه |
| جميع الأوقات بتوقيت GMT +2. الساعة الآن 10:07 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.