|
تامر والمليون واتهز على كيف كيفك
سلام عليكم اسم الموضوع غريب شوية بس ضحكت على نفسى وقولت هفتح التليفزيون كدا واشوف الدنيا عاملة ايه المهم فتحت قتناة المحور لقيت برنامج عبيط كدا (نسيت اسمه ) الاعبط بقا من كدا اللى انا سمعته فى البرنامج كان كالتالى تامر والمليون طبعا كلنا عارفين الفنان الشاب الهايف تامر حسنى فى الايام القادمة سوف يقوم الفشاش تامر حسنى بتصوير كليب جديد لحد كدا تمام لكن لقيت ارقام غريبة كدا عن تفاصيل الكليب الرقم الاول ان الكليب هيتكلف مليوووون جنيه ثانيا عدد المشاركين فى الكليب 1500 هايف 1500 هايفة يعنى المجموع 3000 هايف وهايفة هيرقصوفى الكليب دا بخلاف طقم الانتاج والاخراج :::::::::::::::::::::::::: دا كان العبط اللى انا سمعته ندخل فى المهم دلوقتى الكليب هيتكلف مليوون جنيه فى حين ان ناس فى مصر ممعهاش 0.1 من المبلغ ولو المليون قدامهم مش هيعرفو يعدوهم ملايين الاسر محتاجة لكل جنيه من الملايين اللى بتتصرف فى كلام فاضى مستشفيات بتتبنى محتاجة لكل جنيه ونرجع نقول ( اتبرع ولو بجنيه ) يعنى لو الفلوس دى راحت لمصادرها الخاصة واتوزعت على الناس مش هنلاقى شحتاين فى الشوارع مش هنلاقى سرقة ونهب مش هنلاقى حد يموت من الجوع مش هنلاقى شاب فاته سن الزواج والقطر عدا عليه مش هنلاقى ومش هنلاقى مش هنلاقى حاجات كتير فى البلد دى ::::::::::::::::::::::::::::: شوفتو المصيبة 3000 هايف وهايفة هيرقصو مع ابيه تامر قمة الهيافة اللى فى الدنيا وعلى راى العندليب لعب وحب ورقص وشباب هايف شباب ضايع بيتهزو ورا انسان اتفه منهم مع ان مفيش حدفيهم اتهز ت منه شعرة لما الرسول اترسم واتسب متهزتش منهم شعرة لما فلسطين العراق لبنا ن حصل ليها اللى حصل متهزتش مهم شعرة لما الاسلام يسب اللى هقوله ليهم ( امسك وسطك لا يقع منك) اتهز على قد ماتقدر هتعيش هايف هتعيش تافه وجودك زى عدمك هتعيش وهتموت وكأنك نكرة لانك مستغلتش شبابك غير فى الرقص واللعب فين شباب المسلمين فين خالد بن الوليد فين القعقاع فين سلمان الفارسى فين..... وفين ..... مين بيحاول يعمل زيهم مين بيحافظعلى دينه زيهم مين بيحافظ على ارضه وفى الاخر كلها شعارات وطنى دينى عرضى ومحدش حاسس اللهم انى لا اسألك رد القضاء ولكنى اسألك اللطف فيه يمكن الموضوع ميكنش متظبط ممكن قولته بطريقة غريبة ممكن يكون ملخبط شوية بس نفسى كلام يوصل للناس ربنا يهدينا جميعا ودمتم فى رعاية الله |
اقتباس:
في كلمة كدة عجبتني سمعتها و مش فاكر فين بيقول لك مصر بقت زي الملعب فريقين اغنياء و الجون هي الحكومة و الكورة هي الفقراء و الماتش شغال و لا حد قادر يرفع شماعة!!! فللأسف محدش دريان باللي يحصل حواليه و اللي بيحاول يعمل اجة تنفع بلده بيتبهدل ف البلد دي الغني يزداد غني ... و غالبا بيكون فسادا كمان و الفقير بيزداد فقرا ... و برضو غالبا بيكون بسبب الفساد ربنا يعيننا و الف مبروك لتامر ع الكليب الجديد( فخر كبير لمصر!! ) شكرا ع الموضوع |
اقتباس:
اقتباس:
مبروك لتامر ومبروكلل 3000 شاب على الرقصة السعيدة شكرا على المروربجد منور دمت فى رعاية الله |
3000شاب لية يعنى كله كلام فاضى من كتر الفلوس بيعمل كليب بمليون جنيةياعينى على الفقير شكرا يامحمود على الموضوع |
وبعدين فى الواد الرزل ده
أنا معرفش الناس اللى بحبوه دول بحبوه على ايه والله العظيم أنا أصحابى بيحبوه أكتر من أهاليهم والبنات اللى كانوا معايا فى ثانوى ما فيش كتاب من كتبهم الا وعليه صورة الواد ده والشباب كل ركن فى حجرته فى صورة لسى تامر |
اقتباس:
فقير مين ياعم اسكت لا حد يسمعك هيا دى بلدنا مصر هى جمرة كل عصر اوعالى وقول وعيت نورت يا طه دمت فى رعاية الله |
اقتباس:
المشكلة فى الناس الرزلة اللى فرحانة بيه يعنى المشكلة فينا ومش فيه انا مشبتكلم على تامر ولا غيره ان كل كلامى على الفلوس اللى بتروح فى كلام فارغ والشباب الفارغ نفسه يعنى تامر مش قضيتنا ربنا يهدينا ويهديه دمت فى رعاية الله |
والله حلوة كلمة هايف وهايفة ديه عاجبانى .
انا نفسى اموت واعرف الشباب والبنات عاملين كده ليه على تامر حسنى ده ؟ظ؟؟؟؟ والله حاجة غريبة انا عايزة اقول ان المصريين دول شعب هايف كله على بعضة وتافهه كمان . |
هي باظت خلاص الهيافة بقت في كل حتة
|
بلد بتاعة تفاهات
متشكرين على الموضوع ياحودا |
فعلااا عندك حق بس انا ملاحظة بقالى 4 سنين من متابعتى للارقام الخيالية عن شراء اللعيبة والفيديو كليب والتعاقد مع المنتجين والملحنيين والهبل ده بجد مقدرش اقول غير ناس تافهه ناس هايفة بقعد اشوف ده كله واللى بيضيعوا فلوسهم على الهبل ده فى ظل ان فى ناس تانية بتكون محتاجة زى حرب العراق وفلسطين ومستشفى 57357 والجمعيات الخيرية ناس هايصة وناس لايصة:( بالنسبة لتامر بقى انا اتخنقت منه ومن سيرته اممممممم مبحسش انه راجل بالمعنى بنت فى زى رجل خاصة تسريحة شعره اللى عاملة زى رجل الفرخة دى بالمناسبة ده بياجر بنات علشان تعمل منظر حواليه فى الحفلات ربنا يهدى الجميع:) |
رزق الهبل على المجانين^_^ |
على فكره يا استاذ محمود--الهيافه ليست ذما فى حقهم
فانت تمدحهم --اقول ذلك كمعنى عربى---وايضا خوفا عليك من حرب شعواء تشنها عليك بنات تامر هداهن الله لطريق الحق المهم ربنا يصلح حال شباب المسلمين جمعاء اشمعنى تامر يعنى اللى هايف----انظر حولك-؟ |
اقتباس:
اومال بقى لو كان كمل باقى القنوات كان جابهم بالتسلسل الابجدى:d |
[
فين شباب المسلمين فين خالد بن الوليد فين القعقاع فين سلمان الفارسى فين..... وفين ..... مين بيحاول يعمل زيهم مين بيحافظعلى دينه زيهم مين بيحافظ على ارضه نحن في زمن اشباه الرجال ومش كداب اللي قال مصر بلد العجايب |
| جميع الأوقات بتوقيت GMT +2. الساعة الآن 05:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.