|
نقاط تفتيش !! "2"
السلام عليكم ورحمة الله وبركاته ازيكوا يا بناويت ويا شباب يارب تكونوا بخير :) اظن شوفتوا العنوان قبل كده وكانت ملاك هى اللى عملاه احنا قررنا اننا نعمل نقاط تفتيش سلسلة متتابعة وهنطرح قضايا ومشاكل ونحاول مع بعض نحلها اسيبكوا مع الموضوع فى مرة من المرات وانا رايحة الجامعة وزى كل مرة ركبت ميكروباص بس فى المرة دى كام حاجة كده مش غريبة هى بقت حاجة عادية وتكاد تكون اساسية السواق كان مشغل اغانى اقل حاجة ممكن تتقال عليها انها هابطة .. الموضوع ده زى ما قولت قبل كده بقى عادى ويمكن كتير اتكلموا فيه قبل كده بس اللى لفت نظرى او خلينا نقول سمعى اغنية غريبة شوية كان فيها جملة بتقول "ده ربنا بيقول فى كتابه انه لا يحب المستهزئين" _على مانا فاكرة يعنى_ انا سمعت الجملة دى صوعقت :blink: يعنى للدرجادى وصل بينا الاستهتار اننا ندخل آيات قرآنية فى اغانى وبالطريقة الهزليه دى وكمان بالمستوى ده واللى بيستفزنى اكتر الحجة اللى بيتخذوها فى التبرير وهى انهم بيحاولوا يوصلوا الدين للسواقين الوطبقة اللى بتسمع الاغانى الشعبية باسلوب سلس ويكونوا حابينه يعنى زى ما بيقولوا بيزودوا البله طين!!:bosyht9: بصراحة مش عارفة ايه السؤال اللى ممكن يتسأل فى موضوع زى ده اصل مش هينفع مثلا اقول انت مع ولا ضد ان الايات القرآنية تدخل فى اغانى بس ممكن نقول ... ايه رأيك فى الظاهرة دى؟ ومن وجهة نظرك ممكن نعمل ايه نمنع بيه اللى بيحصل ده او على الاقل نقلله؟ *********** فى عز بقى ما الاغنية دى شغالة والمطرب_على حد استعبارهم ليه_ بيقول الله لا يحب المستهزئين عمو التباع عمال يرقص ويقول يا لهوووووى وولعها وحاجات من هذا القبيل الغريب انه كل اما يشوف حد ماشى قريب من الميكروباص يضربه ويضحك :mellow: كل ده ممكن نعديه رغم انه سفه ومالوش محل من الاعراب يعنى مثلا هو بيعمل كده عشان يفرح الناس معاه؟ .. بس ده بيضربهم!! :angry2: اللى استغربتله بقى بجد فى الحكاية دى ان فى ضباط واقفين عبر المحطات اللى بيعدى عليها و صاحيين على غير العادة "بس انا ساعتها حمدت ربنا انه حققلى امنيتى قبل ما اموت وشوفتهم صاحيين" :022yb4: انا قولت اقل واجب يوقفوا الميكروباص وياخدوا البنى آدم اللى عمال يلطش ف خلق الله ده ويشرف فى اى قسم شوية ويعملوا معاه الواجب :rolleyes:.. لكن دول لما بيشوفوه بيعمل كده يضخكوا وكأنهم بيتفرجوا على مشهد كوميدى وكأنهم نسيوا انهم المفروض ضباط وبيقوموا بعملهم فى الوقت ده ايه رأيـــــــــــــــــكم؟! ********* اخيرا بقى وبعد ما وصلت الحمد لله المكان اللى هنزل فيه .. المفروض انى هنزل كوبرى وبعد كده هركب مواصلة تانية .. المفروض والطبيعى انى انزل الكوبرى فى ثوانى معدودة يوميها بقى نزلته فى حوالى ربع ساعة ايه السبب بقى؟! :confused: لما ربنا اكرمنى ووصلت لحد تحت لقيتهم حافرين الرصيف اللى ادام الكوبرى مش عارفة بصراحة ايه سب الحفر بس يعنى خلاص حبكت :huh:.. ما ادامهم الجمعة والسبت اجازة والضغط بيكون اقل واللى بيعملوه مهما كان مش هياخد اكتر من يومين طيب ليــــــــــــه؟! ********* معلش طولت عليكوا بس حاجة اخيرة .. ياريت مانكونش سلبيين ونقول يعنى احنا اللى هنغير الكون والكلام ده وما ننساش اننا يوم القيامة هنتسأل عن الغلط اللى بنشوفه ومابنحاولش حتى مجرد محاولة عشان نصلحه فى انتظار ارائكــــــــم :) |
بس ممكن نقول ... ايه رأيك فى الظاهرة دى؟ طبعا منتهى الهبوط نتيجة الأسفاف اللي احنا عايشين فيه ,, بقى اي حد يقول اي كلام وطحينة خلاص ,,, ومن وجهة نظرك ممكن نعمل ايه نمنع بيه اللى بيحصل ده او على الاقل نقلله؟ *********** يا حبيبي هنمنعهم ازاي يعني يا جهاد ,, دول يا حبي مش مغنيين اساسا دول تحت بير السلم اغانيهم الهابطة بتتعمل يعني لا تابعين لنقابة ولا غيره ,, ,, .. كفاية ربنا ينتقم منهم ,, كفى الله كتابه شر المستهزئين اخيرا بقى وبعد ما وصلت الحمد لله المكان اللى هنزل فيه .. المفروض انى هنزل كوبرى وبعد كده هركب مواصلة تانية .. المفروض والطبيعى انى انزل الكوبرى فى ثوانى معدودة يوميها بقى نزلته فى حوالى ربع ساعة ايه السبب بقى؟! :confused: لما ربنا اكرمنى ووصلت لحد تحت لقيتهم حافرين الرصيف اللى ادام الكوبرى مش عارفة بصراحة ايه سب الحفر بس يعنى خلاص حبكت :huh:.. ما ادامهم الجمعة والسبت اجازة والضغط بيكون اقل واللى بيعملوه مهما كان مش هياخد اكتر من يومين طيب ليــــــــــــه؟! جمعه وسبت ,, قلبك ابيض ,, يعملو كده ليه يعني ,, يريحونا ليه يعني ,, يا بنتي احنا بالنسبه لهم ...... ولا بلاش احسن ,, يمكن بيقولو شعب شاطر وهيعرف يصرف نفسه:d ********* يمكن ده بره الموضوع شوية ,.. بس نفس السؤال , ليه شارع ورا الكليات في اليكس ,, يتحفر في الشهر 3 او 4 مرات ,, ؟ ليه أسفلت شارع واحد يتعاد عليه 4 مرات مع انه مفيهوش حاجه ,, وسايبين بقيت الشوارع حالها يقرف الكلب ؟؟؟ يا بنتي مصر حاله من العجايب المدموجه في بعضها ,, لو قلتي مصر ,, حطي بعد منها علامة استفهام كبيرة ,, وبعدها علامة تعجب اكبر فى عز بقى ما الاغنية دى شغالة والمطرب_على حد استعبارهم ليه_ بيقول الله لا يحب المستهزئين عمو التباع عمال يرقص ويقول يا لهوووووى وولعها وحاجات من هذا القبيل الغريب انه كل اما يشوف حد ماشى قريب من الميكروباص يضربه ويضحك :mellow: كل ده ممكن نعديه رغم انه سفه ومالوش محل من الاعراب يعنى مثلا هو بيعمل كده عشان يفرح الناس معاه؟ .. بس ده بيضربهم!! :angry2: اللى استغربتله بقى بجد فى الحكاية دى ان فى ضباط واقفين عبر المحطات اللى بيعدى عليها و صاحيين على غير العادة "بس انا ساعتها حمدت ربنا انه حققلى امنيتى قبل ما اموت وشوفتهم صاحيين" :022yb4: طب الحمد لله عشتي وشفتيهم صاحيين ..انا لسه بصراحه انا قولت اقل واجب يوقفوا الميكروباص وياخدوا البنى آدم اللى عمال يلطش ف خلق الله ده ويشرف فى اى قسم شوية ويعملوا معاه الواجب :rolleyes:.. لكن دول لما بيشوفوه بيعمل كده يضخكوا وكأنهم بيتفرجوا على مشهد كوميدى وكأنهم نسيوا انهم المفروض ضباط وبيقوموا بعملهم فى الوقت ده ايه رأيـــــــــــــــــكم؟! ضباط مين يابنتي ,, ممكن نقول ضباط إيقاع تليق لهم .. والله ما ليهم اي لزمة ,, يجي يكتب لك مخالفة مثلا مثلا يعني ,, اديله يا عمي 5 جنيه في ايده وانتهينا ,, الواحد يقول ايه ولا ايه بس جهاد انتي مش وصلتي الحمد لله بالسلامة ,, ودي حاجه معجزة في بلدنا انك توصل في معادك ... احمدي ربنا :d:d شكراً يا جميل ع الموضوع ... |
اقتباس:
ميرسى يا جميل على مرورك :) |
اقتباس:
تم بحمد الله:078111rg3: وأشكرك بشدة يا جيجو على الموضوع |
اقتباس:
بس انتى لفتى نظرى لحاجه .. وان الحل لكل المهازل دى اننا نمنع الفول من البلد بس احنا لو فكرنا ف الحل ده احتمال نتاخد امن دولة وبطلب من الشعب قبل الحكومة :078111rg3: هم يضحك وهم يبكى :( ميرسى يا ماهى على الرد الجميل ده :) |
والله مش عارف أعلق أقول ايه بس تقريبا دي مشاكل ليس لها مقارنه بمشاكل أكبر علي سبيل المثال مشكلة تعذيب السجون بس الصح ان الغلط لما يتشاف منسكتش عليه
|
اقتباس:
فكرتنى بكاتبة مقالاتها الحقيقة بتستفزنى .. كانت كاتبة فى مرة عن ازدراء الاسلام وكان اعتراضها على اننا بنحاول نواجهه على الرغم من ان الانسان اصلا بيتعرض لازدراء المفروض ان اى مشكلة مهما كانت صغيرة او تافهة نحاول نحلها بدل ما نقارنها بمشكلة اكبر منها وهنلاقيها ف يوم كبرت زيها عارفة انى خرجت عن الموضوع بس حبيت اوضح حاجه وميرسى لمرورك :) |
اقتباس:
جميل الموضوع بجد تسلم ايدك |
اقتباس:
وخصوصا لو الشاب ده بقت حملة كاملة مش واحد بس ميرسى لمرورك وايجابيتك :) |
| جميع الأوقات بتوقيت GMT +2. الساعة الآن 01:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.