التسكين حسب سنوات الخبرة
 

ممكن لو سمحتوا حد يفهمنا الكلام ده هم مش قالوا النقل من وظيفة الى اخرى حسب الكادر يتم على اساس الدرجة امال ايه موضوع استيفاء مدة الخبرة اللازمة

الدرجة مع عدد سنوات الخبرة , الاول كانت الخبرة فقط ووجدوا انه سوف يتم صرف مبالغ كبيرة وسوف يحصل عدد كبير على مستويات عالية فربطو الخبرة بالدرجة

الموضوع مرتبط بالدرجة أولا ثم الحد الأدني للمدة البينية بي المستويات
خمس سنوات حد أدني بين كل مستوي وأخر

يعنى ممكن يكون واحد على الدرجة الثانية مثلا ولن يحصل على 75%

ممكن افهم يعني ايه

السلا م عليكم
اصبحت الوزاره لوغاريتم تشبه الي حد كبير مفاعل نووي( الدكتور يسري عمل لفتره من الوقت بمفاعل انشاص النووي كم نشر بموقع الوزاره) ومن هنا جاء ت اشكاليات الكادر من ارقام سريه واكواد يعني بالانجليزي( codes)
وتم التعامل معنا كأ ننا من كوكب تاني ماحدش فاهم حاجه واسرار اكتر من الاسرار الحربيه مش كده وبس الاسرار يتم تسريبها نقطه نقطه ( مش زي امتحان الثانويه العامه) وبعدين تيجي تسال اي انسان يفتي لك فتوي مختلفه عن القبله باقل من ثانيه
شوف يا سيدي : لا لا لا لا لا دي درجات لا اقدميات لا تاريخ استلام العمل لا ماليات بس لا لا دي مسمي لا لا ده تسكين ومسكنات بس لا لا ده تسكين فصول لا ده تسكين وتسكيت وتسكيع( زي تسقيع اراضي الدوله)
لا كده ولا كده اسالوا ( الغش الكان في الكادر هو عنده الاجابات كامله)
والموضوع ابسط بكتير من كده بس ماتعرفش ليه الامور معقده كده
وليه ماحدش فاهم حاجه
حتي ظننت ان الانسان ( واضع قوانين الكادر مش فاهم حاجه هو كمان )
واذا كان فاهم حاجه ليه كل اللخبطه دي والهروله دي والتبرجيل ده ( جايه من البرجل)
لحد برج من دماغي طاااااااااااااااااااااااااااااااااااار
عياد

بيقولوا لحضرتك التسكين على الدرجة + سنوات الخبرة يعنى الدرجة وحدها لا تكفى للتسكين بمعنى آخر ممكن تكون على الدرجة الثانية ولكن سنوات خبرتك لا تكفى ده اللى انا فهمته

يتم التسكين حسب الدرجة المالية و سنوات الخبرة بمعنى
درجة ثالثة + 8 سنوات فأقل حتى سنتين = معلم
درجة ثانية + 8 سنوات فأكثر = معلم أول
فلو كان درجة ثانية و خبرة 100000 سنة يسكن معلم أول لا يأخذ معلم اول (أ) الا بعد الحصول على الدرجة الاولى

ما تتعبش نفسك وشوف اتسكنت على أى مسمى وظيفى معلم يعنى 50% معلم أول يعنى 75% معلم أول أ يعنى 100% من الأساسى وهكذا ......

التسكين على الدرجة فقط بمعنى كل من على الدرجة التالتة 50& والتانية 75% والاولى100% والمدير العام 125% ووكيل وزارة150% اما سنوات الخبرة فهى محسومةفلن تحص على الدرجة الا بعد مرور سنوات الخدمة المقررة والقانونيةيعنى 8 سنوات فاقل = تالتة وهكذا والله اعلم