فكاهة كاس العالم (مقطع رقم 3)
 

ومنين نجيب الصبر يا اهل الله يداوينا

ده اللى اتفرج ع الماتش قبلينا يقوليناااااااا

(يا سيدى)


الماتش فل وعال العال وانجلترا كسبت واحد

وده حتى عبده البقال بيتابع المونديال الجامد


وعشان الكورة كلو يهون فى محله حط التليفزيون 20 بوصة

وكل يوم على دى العادة ويضربها بيتزا وسفلادة بتكون قدامه مرصوصة

ومعاه صحاب السوء يا لاللى الماتش بدا وده قاللى وقاللى

ان الرهان ع الفرقة الجامدة والخايبة لا اياك تقوللى

وفى عز الماتش سرحوا فى الاهداف واللعيبة

ودخل حرامى المحل ومعاه فرقة لا دى كتيبة

وقفوا يشجعوا فى الكورة مع عم عبده واصحابه وهو فاكرهم من طرفه

ويقولوا لا نحسب فورة وهما ناويين يسرقوا بابه ويجيبوا درفه

القصد حرامى منهم اتسحب وطلع قدام

ولما لقى الهيصة راح ع الدرج وقال يا سلام

وشد الدرج يا حلاوة وفتح الخزنة العمرانة .. فيها الالافات

وساب له الدرج فاضى وعيشته هتبقى خرمانة .. والناس مقامات

والباقى جريو وراه يا فكيك من غير سلامات....

وبعد الماتش راح طالع ولقى المصيبة ع الطالع ورقع بالصوت لا بالاصوات

واهو الحرامى سرق حاجته وقاعد بيلطم على خيبته بمواويل واهات

ضاع ماله ورزق عياله وده كلو كان سببه الكورة........... واهو طب ومات (الله يرحمه)


وعجبىىىىىىى


الى اللقاء مع المقطع رقم 4(حريقة فى بيت فايقة العايقة)..



احلام(نغم البحر).

حقيقى مبدعة بدرجة ممتازة ياعروسة البحر

ميرسى ليك اوى يا حمادة على المتابعة

وجميل اوى اللقب اللى انت مختارهولى (عروسة البحر)


ربنا يخليك

موضوع جميل ومش معنا عروسة البحر يعنى ممكن اعرف

موضوعك جميل جدا وتستحقى لقب عروسة البحر كما قال حمادة

جميل بسهي مش عروسة البحر دي نغم البحر


صح يا احلام

جمييله اوى
شكراا ليكى

ميرسى ليكم جميعا على المتابعة يا حبايبى يا حلوين

اما عن اللقب لا تسالونى اسالوا حمادة

وانا فعلا نغم البحر يا نيو وميرسى ليك