|
نصيحة لطلبة اعداديات الهندسة
سلام عليكم
دي بس مجرد نصيحة اخوية للي داخل الكلية وعايز يريح بقى السنة دي من الثانوية والمذاكرة والهم الكلام دة كلنا عارفينه فيه كليات اعدادي دي عادي ملهاش لازمة لكن نقلا عن زميل ليكم يكبركم بخمس سنوات (اخويا) ف هندسة سنة اعدادي مهمة جدا جدا ومبني عليها كل حاجة بعد كدة واللي هيضيع فيها هيضيع بعد كدة لانكم كمان بتدرسو فيها مقدمة لكل الاقسام دة بالاخص لهندسة اسكندرية واللي ف باقي الجامعات خد بالك برضه واسال احسن ما تضيع نفسك دول بقين كانو محشورين ف زوري قلت اطلعهم وخلاص يلا بالتوفيق |
شكرا على النصيحة الغالية دي يا محتاسة و ان شاء الله تخلصي من الحوسة اللي انتي فيها :d
|
بصراحة الكلام ده كويس في نقطة ومش كويس في نقط تانية
بالنسبة لأن اعدادي مهمة فأه هي مهمة لأنها بتفصلك بين حياة وبتدخلك علي حياة جديدة تانية خالص فهي بتعدك للحياة الجامعية بشكل منفرد وجميل لكن بالنسبة لانها مبني عليها بقية السنين فده غير صحيح وعلي رأي المثل اسأل مدبلر ومتسألش معيد انا مش مدبلر ولا حاجة الحمد لله بس بجد والله اللي درسته في اعدادي مفدنيش بعد كدة بأي حاجة الا في سنة أولي بس بعد كدة كلام ولا ليه لزمة اصلا وفيه دكتور قالي بالحرف كدة : لو فضلت عايش بمعلومات اعدادي بعد سنة تانية يبئي اضمن انك مش خارج من الكلية دي ... ده كلام دكتور مش كلامي أنا وبرده كل واحد وليه وجهة نظر |
اقتباس:
مع اني معتقدش اني هخلص م الحوسة دي مادمت "طالبة" :( اقتباس:
ويمكن الموضوع يكون بيفرق من قسم لقسم مش هافتي لاني مدخلتش هندسة قبل كدة عامة دول كلمتين عرفتهم قلت ابلغهم لان اعدادي عندنا مش بتفرق خاااااالص بعد كدة مالهاش لازمة الا ف حكاية التعود على نظام الجامعة وبس ولو حتى اعدادي عندكم هتنفع لربع سنة جاية اهو نذاكر سنة ونكسب سنة و ربع ولا ايه |
والله ده حسب انهى اعدادى وانهى كورس بيتدرس
بس عامة اعدادى مقدمة كويسة ليكى عشان الكام سنة اللى بعديها لكن فى المجمل من حيث العلم...فمش هتلاقى لانك بتاخدى حاجات سطحية شوية لانك بتخرج من الثانوية اللى انت مش فاهم يها اى حاجة وبتحفظ زى الكتاب للكلية اللى انت مطالب فيها انك تفهم بغض النظر عن التقدير ( والباقى مجهودك الفردى ) بااتالى مقولة الدكتور صح وبديهية الصراحة ....اكنه بيقوللك لو فضلت بمعلومات اولى ابتدائى مش هتعرف تعدى خمسة ابتدائى!!!! الحمد لله اننا خلصنا من السنة دى على خير :d |
محدش ينكر إن اعدادي بتديك اساسيات للسنين الجاية
لكن كل قسم يختلف انا صحيح لسه في اهدادي فمعنديش فكرة عن مناهج الاقسام وعلاقتها باعدادي لكن اكيد في قسم بيستفيد كتير وفي قسم بيكون مستقل بنفسه والموضوع ده زي اولى ثانوي وعلاقتها بالثانوية العامة احنا خدنا حاجات كتير لكن مكنش ليها لازمة في الثانوية العامة (تانية وتالتة) لكن في الرياضة مثلاً كان لازم نكون عارفين بعض الاساسيات وفاهمينها من اولى كذلك في حاجات بسيطة في الكيمياء وربنا يسهل للجميع ومندبلرش في السنة ده :) |
شكرااااااااااا على الموضوع الجميل ده
جزاك الله خيراااااااااا اتمنا نشوف موضوعات جديده |
لا قول عين شمس بالأخص انك لو جبت كل المعلومات بتاعت الدنيا كلها ولا هتفهم حاجه :d
ربنا معانا |
| جميع الأوقات بتوقيت GMT +2. الساعة الآن 10:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.