|
قصيدة جديدة
مش لازم
مش لازم أحلف إنى بحبك مش لازم اثبت ولا لازم أحكى مش لازم اكتب ع الشجر مش لازم أحفر ع الحجر ولا لازم أبكى مش لازم استناكى ترضى مش لازم استناكى تفضى و لا لازم أشكى مش لازم أتغزل ف حسنك مش لازم أطلب إنى أقابلك ولا لا زم أموت علشان تحنى مش لازم أقولك ع الحكايه وانى معاكى للنهايه وانى باخاف لما افكر فى الرحيل والجميل فى الكون داكله: هوه انتى وان عنيكى شايله بسمه وان الشفايف شايله همسه وان هواكى ليا نسمه وان الحياه بيكى راسمه سكه واحده وطريق يودى ع الأمل وانتى الأمل والأمل وياكى انتى وانتى حبيبتى |
أخى وحبيبى المشرف انا بصراحه نسيت الفترة الفاصله بين القصيدتين
|
اقتباس:
اقتباس:
حبيبي الغالي محمد كما عودتنا في القصيدتين السابقتين أن تمتعنا بتدفق المشاعر التي تنثال على خاطرك سلسلة مسترسلة .. فها أنت الآن تجيئ كي تضيف جديداً ثالثاً على إبداعيك السابقين بالفعل أرى زخماً من الشعور الصادق وفيضاً من المشاعر وبراءة في الحس ونضجاً في التحكم بالوصف والكلمة لي تعليق بسيط سأوضحه تحت الأبيات باللون الأحمر في الاقتباس الموجود بأعلى الرد .. أرجو أن تتقبله من أخ لك وكل عام وأنت بخير |
الفترة الفاصلة بين قصيدتين حددناها من قبل وهي قصيدتين في الأسبوع الواحد .. لا أكثر يعني لو افترضنا أن بداية الأسبوع هي اليوم 11/12 فإن من حقك قصيدة أخرى حتى يوم 18/12 وهكذا ... تقبل تحيتي ومروري وهذا في صالح أعمالك المتميزة حتى تأخذ حقها في الرأي والنقد والرؤية والاستمتاع..
|
استاذى أحمد نجم
كل عام وانت بخير حقا اضافتك أعطت جديد للمحور الذى كانت تدور فى فلكه وإن العيون دي شايلة بسمة والشفايف شايله همسة والهوا دا ليه نسمة والحياة وياكي راسمة سكة واحدة طريق يودي ع الأمل انتي الأمل والأمل وياكي انتي يا حبيبتي لأن تكرار وان كان للتعدد فقط |
انا بصراحه مش بفهم ف الشعر اوى
او مش بفهم ف الشعر اصلا بس حضرتك ما شاءالله كلاامك جمييله و منسق بس معلش ملحوظه و من غير زعل لو باللغه العربيه الفصح هيبقى احسن بكتييير تقبل مرورى و جزاكم الله خيراا |
شكرا يا ريحانه وهانزل قريب حاجه بالفصحى
|
مش لازم تقول للى بتحبه انك بتحبه
مش لازم تحلف له مش لازم تثبت له مش لازم تفضل تفهمه انك بتحبه المفروض يعرف ويفهم |
الحقيقة يا محمد شئ رائع بجد
و انا كان ليا تعقيب و هو نفس تعقيب الاستاذ نجم لكن استاذنا و استاذ الكل سبقنى و علق عليه انا شايف ان وجهة النظر دى صح التدفق بيخلق نوع من الانسيابية فى المشاعر قد نضحى بالمعنى لأجله أو نضحى بإشارة فكرية لأجله حقا كما عودتنا على الامتاع أبدعت دمت مبدعا |
أخى بندق ولو انى بحب انى أتعرف بسيادتك اى باسمك الحقيقى وع انى جديد معاكم فى المنتدى بس حاسس انى أعرفك منذ زمن أعرفك بكلامك بشعرك باسلوبك الممتع ياريت تجمعنا صداقة الكلمة واجتماع المشاعر
وأشكرك جدا على مرورك لأنه وسام فالله عليك وعلى استاذنا نجم ويارب يكون شعرى عجبكم |
اقتباس:
و انا اخوك احمد و احب الناس القريبين منى يندهونى بندق و بما انى حاسس نفس الاحساس انى اعرفك من زمان فنادينى بندق و بجد تشرفت بكلماتك و دمت مبدعا |
دومت يا أخى بندق ودام ابداعك
|
جميل اسلوبك يا محمد
وحسك رائع و مشاعرك طيبه رائعه منك يا فنان الطفله |
أشكر الطفله جدا ومتشكر لمرورك بس المهم ياترى كل الاطفال لازم يبقوا سعداء والا الطفوله دلوقتى مابقتش فيها أى سعاده
عموما مش لازم نكون سعداء المهم نكون راضيين عن نفسنا مش لازم أقولك نورتى بتعليقك |
حلو كتير ويارب تستفيد من نصايح المشرفين والادباء المنتظرين وانت منهم طبعا
|
| جميع الأوقات بتوقيت GMT +2. الساعة الآن 11:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.