|
اخرص يا سافل
انا المرحوم interpreter (
لما لقيت نفسى اتوقفت ومكتوب ان السبب ان مواضيعى ذات طابع طائفى اتجننت وحاولت أعرف ايه الكلام دوت عملت عضوية المترجم الفورى (والظاهر أنى أذنبت خطأ لا يغفر لما عملتها ) وعملت كام موضوع كده طبعا اتحذفوا (زى ده ما هيتحذف ) بسئل عن سبب وقفى واتضحلى انى بكتب انجلش كتير فى المنتدى بالاضافة انى ترجمت تقرير صادر عن منظمة دولية معتنية بالحريات الدينية بعنوان (التحول من الاسلام الى المسيحية ) كل اللى عملته انى ترجمت وبعدين حتى لو مش ترجمة والموضوع محالف فهو موضوع مش مواضيع زى ما بقولوا ثم ان الموضوع عادى جدا فى اى مكان فيه شئ من الحرية والديموقراطية بعد شوية موضوعى ده اتحذف قولت أوك ما فيش مشاكل وبعدها أنا أتوقفت من غير ما اعرف تاريخ حتى لرفع الوقف ما علينا بعد شوية من الحورات دى كنت هنضرب وفجأة لقيت العضوية الجديدة اتوقفت هى كمان والسبب هو ده لقد تم حظرك للسبب التالي: ياريت تحترم نفسك شويه انت لو سكت 5 دقايق كانت مشكلتك اتحلت موضوع هيتناقش بهدوء اكتر من كده التاريخ الذي سيتم رفع الحظر فيه: لا يوجد ده بابا عمره ما قالى كلمة زى دى يعنى أخرتها أتهان كمان المهم دلوقتى ايه فى رسالة خاصة ليا من مستر مينا ماهر فيها ارقام وتليفونات الجامعة الامريكية والمعهد البريطانى والمفروض انى اخلص كورسات هناك الاسبوع الجاى والارقام طبعا اتبخرت مع العضوية وبكده انا هنضر شخصيا أنا مستغرب ازاى الكلام ده يحصل فى منتدى تعليمى ده انا قبل ما أسجل هنا انا عضو فى منتديات ملهاش حصر بالعربى والفرنسى والانجليزى ومنتديات دينية يهودية واسلامية ومسيحية ولا دينية وعمر الكلام ده ما حصل معايا ده اليهود بسيبونى أكتب عن الاسلام والرسول فى منتدياتهم ومحدش بيقولى تلت التلاتة كام كل اللى بيحصل مناقشات بس أحيانا بتكون ساخنة انما عمر ما حد ضيع كرامتى بالشكل ده أنا لما رجعت من كندا وشفت كتير من العينة دى صدقت اللى كان بيتقال عننا هناك من الاخر أنا مش عايز غير ارقام التليفونات لانها مهمة مهمة مهمة مهة من هنا لبكرة ومستقبلى مرهون بالكورسات دى وبعد كده نبقى نشوف الحورات دى |
على فكرة القسم العام مناسب جدا للموضوع ده
لانى مشاركاتى أقل من 50 ومعرفش أبعت أى رسايل وكمان معرفش اعمل موضوع فى اقتراحات وحلول فيا ريت الموضوع مش يتحذف |
معلش يا هانى
ربنا يكون فى عونك انت انسان جميل اوى على فكرة خليها عليك وان شاء الله خير |
اقتباس:
ميرسى يا لومبروزو بس ما اعتقدش انه خير لانه اللى حصل معايا تصرف مش مسئول وشكل الموضوع هيطول وبكره اخر الاسبوع ولسه ما مظبطش مع الناس فى الجامعة الامريكية ربنا يستر بقا |
انا من رأى الشخصى نتناقش مع ابننا الجميل نيو ونحتويه اذا اخطأ لكن الطرد من المنتدى ليس من شيم الرجال
|
يا ريت يا مستر مينا تبعتلى الرسالة تانى على العضوية دى
وأوعدك المرة انى انقلهم على التليفون لانى يمكن أتوقف تانى بس يا ريت بسرعة والنبى |
انا رديت فين الرد
|
اقتباس:
هى كمان وصلت لطرد ههههههههه صحيح هم يضحك طالما الموضوع كده فأنا مش عايز غير أرقام التليفونات الاول وبعد كده هم أحرار يعملوا اللى اللى المناسب |
من فضلكم يا جماعة ممكن أى حد يبعت رسالة لمستر مينا ماهر هو موجود دلوقتى يقوله يدخل الموضوع هنا
عشان يبعتلى الرسالة تانى لانى مش عارف أبعتله أى رسايل بس بسرعة من فضلكم لانى خارج بعد نصف ساعة تقريبا |
السلام عليكم
انا اللى وقفت عضويتك وده بناء على انك ديما بتحط مواضيع فيها نزعة طائفية نزكر مثلا موضوع اقتباس:
وده موضوع بيتكلم عن فتاة مسلمة اقامت علاقة مع ثلاث شباب مسيحين اقتباس:
ده موضع تانى من تقرير الحريات والمعروف ان التقراير دى ذات اجندة دبلوماسية وسياسية يعنى مش معترف بيها اقتباس:
وده موضوع اخر لو مبعتدتش عن الدين الاسلامى فى مواضيعك هيكون فيه تصرف غير لائق معاك عايز تكون عضو معانا اهلا وسهلا انما هتتكلم عن الدين هيكون فيه تصرف تانى معاك وهيتعملك حظر بالاى بيه احنا فاضين مرناش حاجة غير حذف عضوياتك لو عملتها بعد كده اعتقد الكلام واضح وذى ما بحترم الدين المسيحى والاديان السماوية الاخرى ياريت تخلى عندك دم وتراعى مشاعر الغير |
انا اناشد كل المشرفين انهم يرجعون العضو new
|
بعد اذن المشرف
انا هرجع الموضوع تانى علشان احنا مش بنظلم حد ولا بنفترى على حد وانا موجود حاليا مع الاستاذ عصام وهو شايف الكلام ده |
يا مرشد
ظلمك لهانى واضح لان الموضوع الاول كان مجرد خبر والراجل نقله بس والتانى كان ترجمة مش أكتر والتالت صور وعلى فكرة نزلت فى اليوم السابع هانى اتظلم جامد وعلى فكرة كمان هو مسلم مش زى ما انت متخيل |
اقتباس:
هههههههههههههه قصدك ايه هو مسلم مش زي ما انت متخيل يا حبيبي احنا هنا مبنفرقش بين مسلم ومسيحي احنا هنا كلنا واحد مفيش فرق يا لومبروزا المشكله مش مشكلة مسلم ولا مسيحي حتي لو كان مسيحي فيها ايه انت شايف انت كده الي بتعمل الفتنه بنفسك انا عاوز اقولك في ناس معانا هنا مسلمين اكتر صديق مخلص عندهم مسحيحين انت تعبيرك غلط انت بتقول هو مسلم مش ........ انا مش معاك في دي انا ابقي معاك لما تقول ده مصري مش يهودي يارب تكون فهمت وجهة نظري مفييييييييييييييش فرق بين مسلم ومسيييييييييحييييييييي |
خلاص يا جماعه رجعوه و خلو مستر مينا يبعت له الارقام
و هو مش هيدخل تاني اعتقد طالما انطرد كتير |
| جميع الأوقات بتوقيت GMT +2. الساعة الآن 09:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.