|
كلمة حق
ازيكم يا اعضاء يا رب تكونوا بخير ............................. هو اسم الموضوع غريب شويه بس واقعى جدا اكيد كلنا سمعنا الجمله دى (هى كلمة الحق بتوجع) ؟ اه كلمة الحق بتوجع اليومين دول هتقول الحق وتنتقض تصرفاتى واعمالى وسلوكى هنزعل مع بعض هتغير الحقيقة والواقع وتشجعنى على اللى بعمله حتى ولو كان غلط هتبقى حبيبى وعلى راسى كمان كل ما حد يعمل حاجة غلط او تصرف تصرف غير سليم وتيجى تتكلم يفضل يعافر ويصمم انه صح وفى الاخر بنوصل لنفس النقطه ليه مش قادرين نعترف باخطائنا ؟ ليه دايما كلمة الحق بتوجعنا ؟ هى كلمة الحق بتوجع ؟ يا ريت يا جماعه اللى يعرف ليه كلمة الحق بتوجع يعرفنى انا كمان |
هى اوقات كتير بتزعل ليه معرفش
رغم لما انقد حد يبقى بحبه وعايزه يصلح من نفسه ولا ايه |
لا عادي لأانها دايما بتبقي ضد الرغبة أو ضد المصلحة فعشان كده لازم توجع
|
اقتباس:
بصى يا فيفا انتى قولتيها كلمة الحق بتوجع لاننا بنقولها بطريقة مش حلوة يعنى مثلا تلاقى واحدة لابسة ضيق تقومى رايحة تقوليلها يا نهار ابيض ايه اللى انتى لابساه دة الناس زمانهم بيتكلموا عليكى مش عارفة ايه و كلام من دة انما بقى لو كنتى كلمتيها بالحسنى و براحة كدة هيبقى قدامها حل من اتنين يا اما تقتنع و تغير من طريقة لبسها يا اما مش تقتنع و فى الحالتين انتى تبقى قولتى كلمة الحة بطريقة مش حرجت حد و بقت كلمة الحق مش بتوجع عرفتى بقى؟ |
مش عارفه ليه كلمة الحق بتوجع و ليه الناس بتزعل من الحقيقة ؟؟
بس اكيد طريقة نصحك للي قدامك بتبقي مش تمام يعني اكيد بتبقي مش صحيحة عشان كده الناس بتزعل من حقيقيتهم بس فعلا في ناس مبتحبش الحقيقة وعايشين في وهم ملوش اخر من الاول ربنا يهدي شكرا اختي علي الموضوع |
على راى الاخت الفاضلة والمطربة الشابة :d (لطيفة )
الحقيقة ساعات بتوجع بس اريح المشكلة فين بقا المشكلة فى الشخص اللى بتواجهيه هتقولى الحق كأنك غلطتى فيه لو تنافقيه وتمشى على هواه يبقا ::::: معدش حد بيعترف بالخطأ والكل مصمم انه صح حتى لو كان غلطان بينافق نفسه قل الحق ولو على نفسك طبعنا واللا احنا يعنى هنشتريه |
طبعا كلمه الحق بتوجع بس لو قلناها بطريقه الطف هتكون افضل ومفيده اكتر
|
اقول لحضرتك لييه .. علشان احنا من كتر المشاكل اللي بقينا عايشنها والهموم اللي بنشوفها بقينا عاوزين نبقى عايشين وخلاص ومحدش ينكش في عيوبنا واخطائنا كله بقى يقولك يا عم خلاص انا كدا و مش هتغير ومش عاوز اتغير دا لو مش مسك في خناقك كمان بس في نقطة تانية في ناس لما تيجي تقول الحق دا بيبقى اسلوبها عنيف شوية ودا ممكن يكون بيخلي الاخرين ينفروا من الحقيقة دي و الحق دا حتى لو هو عنده اصلا استعداد لتقبل النقد ..
الف شكر لحضرتك على الموضوع ... واسف على الطالة وارجو تقبل مروري ... |
اقتباس:
بس بيكون متصور فى عقله الباطن ان هو بس اللى عارفه يعنى كأنه لابس طاقيه اخفى هو شايف عيوب الناس لكن هما مش شايفين عيوبه وعشان كده لما حد بيواجهه بالعيوب دى بينكر وجودها فيه وبيحاول يدافع عن صورته بأى شكل وده اللى بيخلينا نقول ان كلمة الحق بتوجع ده تفسيرى ليها والله اعلم ميرسى ع الموضوع يا جميل :) |
كلمة الحق بتوجع بس في حالة الواحد لما يكون غلطان
الانسان بطبيعته فيه نزعة غرور و تكبر شوية عشان كدة بيكون دايما نفسه في كلمة ترضيه ( حتي لو بيعمل حاجة غلط ) و ساعات بيبقي نفسه في كلمة حق لما يعمل حاجة كويسة ( و ممكن ما يلاقيهاش !! ) بس _ اعتقد ان ده هو السبب و شكرا |
اقتباس:
اكيد طبعا بس اللى يفهم |
اقتباس:
اه بس ده يبقى اسمه نفاق ولا ايه ؟ مرسى لمرورك |
اقتباس:
للاسف مش هو ده السبب او مش بيكون ده السبب فى كل الاحوال الطريقه مش شرط اساسى عشان تكونى على حق الحق بيوصل بكل الطرق والاساليب مرسى لمرورك |
اقتباس:
مرسى لمرورك يا ساندى نورتى :) |
اقتباس:
لا مش هنشتريه هو طبع فعلا بس انت مالك بتتكلم كده حاسه انك بتتخانق :d منور يا محمود |
| جميع الأوقات بتوقيت GMT +2. الساعة الآن 09:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.