|
هنقول بالعاميه
السلام عليكم دى حاجه انا كتبتها وكنت متردده انى انزلها وخصوصا انى اول مره اكتب بالعاميه بس اتمنى انها تعجبكم
هنقول بالعاميه هنقول بالعاميه ولا هيهمنا الحكومه الدوليه وانتم اكيد عارفين مين هيا اقول ولا بلاش نبوظ العمليه مكفيانا بقا اكل فول وطعميه واْمته هنفهم ونبقى ميه ميه وياريت نتعلم من العصور الفرعونيه ونرجع ايام الاهرامات والفنون التصويريه ونحافظ على اثرنا من السرقه العلنيه يلا نرجع حضارتنا ونذودها بالتقنيه مهو زمان مكنش فيه لادش ولا عربيه ولحد امته هنفضل خايفين زى الحراميه حطين ادينا على خدنا وشيلين هم الايام اللى جايه يلا يا ابن عمى حط ايدك فى اديا وخلينا نرجع الحقوق المنسيه خلينا ننادى باعلى صوت ونهتف للحريه ونقول من النهارده مفيش تحكم مفيش ظلم مفيش انانيه اللى بقولها دى مش اغنيه دى حاجه بجد موجوده فيا نفسى اغير الكون باديا ونفسى ترجع مصر ام الدنيا |
يا سيدى يا سيدى
ايه الجمال ده يا بنت بجد جميله جدااااااااااا بحب الاسلوب ده فى الكتابه بجد جامد جداااااااااا مرسى كثير ليك ودمت لنا مبدعه دائماااا فى رعاية الله |
ماشاء الله بجد جميلة قوى
|
ولحد امته هنفضل خايفين
زى الحراميه حطين ادينا على خدنا وشيلين هم الايام اللى جايه ------------- نعم لحد امتى ؟ بس عاوز أقولك حاجه ان الحراميه الآن مابيخافوش زى مانتى قايله احساس وطنى وقومى جميل ومين يسمع وينفذ؟! --------- ونهتف للحريه ونقول من النهارده مفيش تحكم مفيش ظلم مفيش انانيه اللى بقولها دى مش اغنيه دى حاجه بجد موجوده فيا نفسى اغير الكون باديا ونفسى ترجع مصر ام الدنيا ---------- هي فعلا مش أغنيه دا زجل جرىء بينقد أحوالنا وأحوال مصر ونتمنى ان ربنا يوفقنا ويفق اصحاب الأمر لما فيه خير البلاد والعباد - ونتمنى منك الكثير يا أختى |
اولا مرسى ليكى ياهند ياقمر
وانا ان شاء الله هكتب تانى بالعاميه ومرسى لمرورك ياجميل |
وثانيا بشكرك جدا يامروه على زوقك
وتعليقك الرقيق وشكرا لاهتمامك |
مين ده عبد الرحمن الابنودي
جامد اوي الكلام ده وعاوزين نقرا ليكي بالعامية كتير |
وثالثا انا بشكر الاستاذ محمد على
على المرور وعلى التعليق بس هوا بجد الحراميه مابيخفوش دلوقتى؟امال السجن اتعمل لمين؟ |
el-turkey مرسى خالص على مرور حضرتك
|
بجد مش هزار
دى رائعة من الروائع اللى قريتها فى القسم ده مرسى |
بجد مرسى خالص ودى ولا رائعه ولا حاجه
دى حاجه انا كتبتها لما كنت متغاظه وشكرا على المرور. |
Olanor
الحراميه مش بيخافوا والسجن اتعمل للى مش حراميه أو الحرامية الصغيرين وبلاش كلام بقى فى السياسه عاوزينك تنورينا بحاجه عاطفيه وبالعاميه برضه |
و الله يا بنت الناس
الواحد مش عارف يعمل ايه لا شعر نافع و لا فن نافع و لا حركة نافعة و لا اضراب نافع احنا عايزين صيحة كصيحة عاد و ثمود أو طوفان نوح عشان نريح و نرتاح بعيدا عن اليأس أسلوبك فى العامى حلو أوى اوى اوى ربنا يوفقك و مستنين منك المزيد من الابداع تقبلى مرورى |
والله مرورك على الموضوع هوا الى خلاه جميل
ومرسى خالص يا استاذ بندق |
شكرا للاستاذ محمد على
على التوضيح بس انا فاهمه وبستعبط خليها تعدى بقا ملناش دعوه والسجن اتعمل للمجرمين بس |
| جميع الأوقات بتوقيت GMT +2. الساعة الآن 11:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.