|
الى البيه المحترم اشرف مدير المنتدى
السلام عليكم ورحمة الله وبركاته حاجه على المزاج بجد حجه خيبه اوى من مديرين وصاحب المنتدى يعنى ايه لما اجى اعمل موضوع فى اقتراحات وحلول يقولى لا تملك صلاحيات للمشاركه ازاى يعنى ما تغيروا اسمه احسن ازاى يبقى اسمه اقتراحات وحلول واحنا مش عارفين نعمل فيه موضوع يا ريت يا ساده تغيروا اسمه يا تعدلوا الى انتم عاملينه فيه ده ما الموضوع لو مش على مزاج سعادة الباشا البيه المدير اشرف بيه يتشال ولو على مزاجه يتحط هناك يا ريت يا اشرف بيه تعدل الخيارات بتاعت القسم ده هو انا كنت بعمل ايه هناك بجد نسيت اه اه افتكرت كنت عايز اسال سؤال هو ايه لزمة قسم الشاب المسلم لو حد شايف ان له لزمه يا ريت يقولى ولا علشان فى قسم البنت المسلمه يبقى لازم يكون فى الشاب المسلم؟؟؟؟ والجدع فيكم يفرقلى بينه وبين قسم حى على الفلاح كل الى فيه المفروض يتنقل قسم حى على الفلاح يا جماعه مفهوش اى موضوع يفيد الشاب بالعكس كلها حاجات عامه وكلها تخص العوام مش الشباب بس يا نقدم فيه حاجه مفيده للشاب المسلم يعنى يكون اسم على مسمى يااما يتشال وعلى فكره وبجد احسن حاجه فى القسم ده ان طالب ادبى هو الى مشرف عليه بجد هو ماسكه كويس وطبعا موضوعى ده بعد ازنه هو واية من الله انا عملت الموضوع ده من غير ما استشرهم يا ريت يا ادارتنا الكريمه تشوفلنا الهدف من الى انتم بتعملوه فينا ده |
منقول لاقتراحات وحلول يا سادة
|
يا همس اوك منقول
بس احنا مش عاوزين نعمل تحويلة يعني مش نكتب الموضوع الاول ف العام وبعدين حد ييجي ينقله لاقتراحات وحلول عاوزين يكون في حرية وثقة اكتر شوية |
إستهدي بالله يا أحمد يا حبيب قلبي موضوع الصلاحية ده موجود من زمان جدا حتي للمشرفين مش للأعضاء و بس أصل كان كل واحد مزنوق في كلمة بيدخل يقولها هناك فبقي المواضيع اللي فيها إقتراحات بينقلها المشرفين علي طول و حكاية قسم الشاب المسلم القسم فيه مواضيع بتخاطب الشباب بس أينعم فيه مواضيع عامة بس في مواضيع مينفعش تروح حي علي الفلاح و كنا قلنا نعمل باسوردس و كلام من ده بس كان هيبقي فيه مشاكل و أنا لما كنت ماسك إشراف القسم كان في أعضاء بيحطه مواضيع بتخاطب الكل كنت بنقلها علي طول بس في مواضيع متقدرش تحكم إذا كان تتنقل ولا لأ عشان قسم حي علي الفلاح بينزل فيه المواضيع العامة كلها و يا أحمد لو مضايقك (أعمل نفسك مش واخد بالك) عايزين النفوس تهدي بالله عليكم |
اقتباس:
الهدف اسباب ادارية :078111rg3: احفظها بقى:romarioxp6: كمان شوية ربنا هيفرجها ويتحذف الموضوع ونتلون باللون اللى انا بكتب بيه ده:unsure: |
طيب انا عندي اقتراح
الي عنده حاجة يقولها بهدوء كدا وبدون تجريح عشان هيحصل مشاكل يعني انا مش عندي مانع الواحد يقول رايه ومش يسكت لا يتكلم ويقول كل حاجة بس بهدوء وبدون عصبية او كلام فيه اهانة يعني بغض النظر عن رايي في الي بيحصل لاني مش موافقة عليه طبعا ومش قادرة افهم الغاية من ان اقتراحات وحلول مش ينفع الاعضاء ينزلوا المواضيع فيه لان النتيجة اننا بننقله والنقاش بيكمل هنا يعني لا فائدة اصلا احنا الي بننقل ميت موضوع في اليوم هنا بس حكاية الشاب المسلم والبنت المسلمة انا مش شايفة انها اقسام مش ليها لازمة بالعكس كدا هتساعد على تنظيم الركن الديني اكثر وفي مواضيع تخص البنات وفي مواضيع تخص الشباب يعني من الاخر يسهل تصنيفها والبحث فيها فين المشكلة بقى ؟؟ اما لو موضوع عام نزل في احد القسمين دا واجب المشرف السوبر انه ينقله لحي على الفلاح :) لكن الغاء القسمين طبعا شئ مش كويس تقبلوا وجهة نظري المتواضعة |
اقتباس:
اقتباس:
وانا كمان تقبلوا ردودى المتواضعة:romarioxp6: |
السلام عليكم و رحمة الله و بركاته بالنسبة لموضوع اقتراحات و حلول فانسى انه يتفتح لانك مش اول واحد يتكلم و كل ما حد يحب يكتب اقتراح يقول الكلمتين دول الاول و برده مبيتفتحش لاسباب ادارية يعنى بجد يا ريت يتفتح حتى لو حددوا حد معين يبقى مسؤل دايما عن القسم ده من الادارين مثلا عشان خلاص بقت موضة و كله عرفها اللى عايز يكتب فى اقتراحات و حلول ينزل الموضوع فى العام و هو هيتنقل لاقتراحات و حلول زى الموضوع ده كدا :romarioxp6: اما بالنسبة بقسم الشاب المسلم فهو بديل عن قسم الرجالة اللى كان قلب جرس الفسحة و اعتقد ان فيه مواضيع تخص الشباب برده مش معنى ان فى مواضيع عامة فيه و تكون احسن فى حى على الفلاح ان مفيهوش حاجة تخص الشباب لاء طبعا زى القسم العام لما اتقفل جرس الفسحة الناس بقت تنزل فيه مواضيع جرس الفسحة ده مش معناه اننا نحذف القسم العام و كفاية جرس الفسحة :) انا رايى ان المواضيع اللى مش مكانها تتنقل و المخالفة تتحذف و يتبقى بس المواضيع اللى تخص الشباب تقبل مرورى :) |
يبقى الحال كما يريد الإدارى كما هو عليه سابقا
اقتباس:
أعذرنى إنى بضحك يا أبو حميد بس ده لأنى واجهتنى مشاكل كتيرة من النوعية الى أنت بتتكلم عليها إلى هو قسم إقتراحات وحلول بس الإقتراحات والحلول ده مخصص للمشرفين والإداريين بس يطلعوا العضو كذاب ووحش والعضو ده لازم يتعدم والمشرف إيه يا غلبه ويا طيبته والعضو بيفترى عليه ههههههههههههههههههههههههههههههه والله حاجة تضحك والأغرب من كده إن العضو مش بيبقى ليه حق الرد على الموضوع إلى كاتبه أول ما المشرف او الإدارى ينزل بالكلام سكوت للجميع هههههههههههههههههههههه والأغرب كمان يا إما حذف الموضوع يا إما قفله ونقله والله العظيم حاجة غريبة أتمنى منك يا استاذ أشرف إنك تخلى فى المنتدى حرية للرأى من غير تحكمات من بعض المشرفين والإداريين |
اقتباس:
مش هيلاقى بجد أنتى لو كنتى دخلتى حقوق كنت هتبقى متفوقة جدا وكنتى هتبقى محامية شاطرة بس الرجاء يا أستاذة همس إنك تنظرى للمواضيع بعين المراقب مش بعين صاحب المنتدى أعطى كل ذى حق حقه ومش هقول حاجة تانية |
اقتباس:
وانك مش هتعمل مشاكل وهتتكلم باسلوب كويس ؟؟ بس مش في فايدة الي بيحترم بيحترم نفسه فعلا ومش هوقفك ولا حاجة لاني صراحة شايفة اني اعمل حاجة مفيدة احسن من اني اوقفك غير كدا حتى لو وقفتك اسلوبك مش هيتغير يبقى ايه الفائدة ؟؟ حضرتك احنا مش ضد انك تقول رأيك بس تقول رأيك بادب وبذوق وباحترام وبدون تريأة وسخرية يا ساتر يارب المهم ان في اعضاء لما تكلم الاداري باسلوب مش كويس يبقى لازم الاداري يسكت عشان تبقى حرية في ابداء الراي بس لما واحد فيكم يكلمنا وحش نسكت ونقف نحييه ونرفعله القبعة كمان ونقوله كمان هزأ كمان صح ولا لأ ؟؟ الله المستعان على الاعضاء الي كدا بجد حرقة دم وخلاص الله المستعان الله المستعان الله المستعان افتكروا اننا ناس محترمة ولينا اهالي والله ومش جايين من الشارع عشان تكلمونا بالاسلوب دا |
لا انا مش هاعلق على الموضوع و لا على اللى فيه لان دى وجهة نظر حضرتك و يجب ان احترمها بس انا هاعلق على شىء واحد بس الطريقة اللى حضرتك بتتكلم بيها عن استاذ اشرف انا بس رايى اننا لو فيه اعتراض نعترض بس مش ضرورى اننا نغلط فى حد و خصوصا انى لاحظت حاجتين اولاً اسم حضرتك المجاهد فى سبيل الله ثانياً التوقيع ما شاء الله الاتنين بيفيضوا ايمان يبقى لو بنطبق الاسلام و تعاليمه صح يبقى مش نتكلم عن الناس بالطريقة دى مهما كان السبب ارجو ان كلامى مايكونش زعل حضرتك |
اقتباس:
شكرا على كلامك بس دا لا يمنع ان اسلوبك مش صح :angry2: |
اقتباس:
بعدين أتمنى من حضرتك ما تتبعيش أسلوب التهديد معايا وأتمنى من حضرتك تدورى على أى كلمة فيه غلط فى حقك وعلى فكرة مش عشان إنتى فى الموضوع بس مش كل الإداريين زى بعض بصراحة فيه هنا إداريين بجد والله أنا بحترمهم جدا جدا منهم حضرتك والأستاذ محمد السادات وكتير بس الذكر هينسى بس المحترمين كتير بس أتمنى من حضرتك بردوه إنك تطلعى غلطة واحدة فى كلامى وفعلا المحترم بيحترم نفسه والحمد لله أنا محترم وفى النهاية نحن إخوة والخلاف لايفسد للود قضية |
بس الإقتراحات والحلول ده مخصص للمشرفين والإداريين بس
يطلعوا العضو كذاب ووحش والعضو ده لازم يتعدم والمشرف إيه يا غلبه ويا طيبته والعضو بيفترى عليه ههههههههههههههههههههههههههههههه والله حاجة تضحك والأغرب من كده إن العضو مش بيبقى ليه حق الرد على الموضوع إلى كاتبه أول ما المشرف او الإدارى ينزل بالكلام سكوت للجميع دا كلامك .. بالله عليك دا كلام تقول ان الاداريين بيطلعوا العضو كداب ؟؟؟ وناس متحكمة ومش عارف ايه واننا بنفتري عليكم وبندعي الغلب ؟؟ |
| جميع الأوقات بتوقيت GMT +2. الساعة الآن 08:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.