|
الإنترنت يصاب بالشلل فى مصر بعد انقطاع ٣ كابلات دولية لأسباب مجهولة
بسم الله الرحمن الرحيم للمرة الثانية خلال عام واحد انقطعت، أمس، ٣ كابلات دولية بحرية تغذى مصر وعدة دول أخرى بالاتصالات الدولية وخدمات الإنترنت، وقالت مصادر رسمية بوزارة الاتصالات إن كابلات (flag وsmw٣ وsmw٤) انقطعت كلياً صباح أمس الجمعة، لأسباب مجهولة. وذكر بيان صادر عن وزارة الاتصالات فى الرابعة من مساء أمس، أنه يجرى الآن تحويل بعض المسارات ناحية مدينة السويس واستخدام الأقمار الصناعية، موضحة أن نسبة التأثر فى مصر وصلت إلى ٨٠٪ فى حين وصلت فى بعض الدول العربية إلى ١٠٠٪. وأكد الدكتور طارق كامل، وزير الاتصالات وتكنولوجيا المعلومات، أن المسارات البديلة سوف تؤدى إلى تحسن الإنترنت نسبياً فى مصر خلال ١٢ ساعة، مشيراً إلى أن خدمات المكالمات الدولية بين مصر ودول العالم لم تتأثر حتى الآن غير أن الاتصالات الدولية الخاصة بمراكز الاتصالات «الكول سنتر» تأثرت بنسب متفاوتة. وأوضح أن الانقطاع حدث فى البحر جنوب جزيرة صقلية بإيطاليا، وخاطبت الشركات المالكة للكابلات الجهات المسؤولة عن عمليات الإصلاح لبدء العمل فى إصلاح الكابلات المتضررة. استدعى الدكتور طارق كامل، وزير الاتصالات وتكنولوجيا المعلومات، قيادات الوزارة ومسؤولى شركات الإنترنت والشركة المصرية للاتصالات والجهاز القومى لتنظيم الاتصالات أمس، لاجتماع طارئ وتم تشكيل غرفة لمتابعة الأزمة، التى قالت المصادر إن آثارها ستكون أكبر من آثار الانقطاع الذى حدث فى شهر يناير الماضى، عندما انقطع كابلا «فلاج» و«سى مى وى ٤». وأكد المهندس حسن محمد حسن، المدير الإقليمى لشركة «فلاج» مصر، فى تصريح لـ«المصرى اليوم» أن الكابل التابع للشركة انقطع صباح أمس، وأرسلت الشركة سفينة لتحديد موقع الانقطاع، ومن المرجح أن يكون العطل الأساسى فى البحر الأبيض المتوسط، وأشار إلى صعوبة تحديد توقيت إصلاح الكابلات. جدير بالذكر أن أسباب انقطاع الكابلين الدوليين، خلال يناير الماضى، لم يتم الكشف عنها حتى الآن ومازالت أسبابها غامضة خاصة أن الكابل الثالث انقطع فى فبراير الماضى بالقرب من الإمارات ورجح مسؤول وزارة الاتصالات المصرية أن تكون إحدى السفن تسببت فى قطع الكابلات البحرية، غير أن خبراء فى الاتصالات رجحوا وجود مؤامرة لقطع تلك الكابلات فى توقيتات متزامنة |
حاجة غريبة اوى
ولسة لحد دلوقت برضه النت بيروح ويجى ناس غريبة وبعدين مؤامرة لايه بالضبط عشان يقولوا مؤامرة شكرا على الخبر |
يا رب استر
ده من امبارح النت مش شغال خاااااااالص يا رب يخلصوا بسرعة الحالة بقت صعبة اووووووووووي |
اه فعلا النت النهاردو وحش جداا
بيقطع ويروح ويجى كتير وامبارح مش اشتغل نهائى ربنا يستر ويشتغل كويس تانى |
فعلا النت امبارح كان مش شغال خالص
والنهارده بطيء جدااااااااااااا بس اكيد في سبب لقطع الكبلات دي مش هتتقطع يعني من نفسها |
يارب يتصلح بسرعه
|
الحمد لله
الواحد كان حاسس انه غايب عن الدنيا وحاجه كدهضايعه منه علشان من يوم الخميس لم ادخل على المنتدى الجميل ده وفعلا قطع النت بيسبب مشاكل اقتصاديه جامده دا ابن عم لى قال ان الشركه اللى بيعمل فيها فى مصر بتخسر كل دقيقه 17 دولارا شوف اليوم وامس خسرت كام ربنا يسترها ماشاء الله ياحضره المدير قوام ما كتبت موضوع |
بس لما كان مقطوع كانت فى مواقع شغاله زاى مواقع شركات النت وموقع ميه واربعين اون لين بتاع الفواتير
بس فعلا هو بطئ شويه |
أنا خايف تبقى عادة فى مصر زى تكرار انقطاع الكهرباء أو المياه . وعمار يا مصر
|
اه فعلا دا من امبارح وهو مش شغال وانهارده موجود بس بطئ
الواحد لما النت بيتقطع عنه بيحس انه معزول عن الدنيا |
حاجة تخنق
الواحد من امبارح مش عارف حاجة عن اللى بيحصل حواليه شكراااااااا على الخبر |
وزارة الاتصالات ضحكت علينا
خمس كابلات اتقطعوا والسلطات الايطالية بتقول بفعلفاعل والحكومة عملت كده عشان تنيم الموضوع واللي خسروا بسببه مايتكلموش |
خمسة مش تلاتة
|
ربنا يستر و النت يتصلح بسرعة عشان ما نغيبش عن بعض
ياااااااااا رب إدعوا |
فعلا هما فى الاخبار قالوا كده انها خمسة يعنى دى مش كده يعنى مش هتتقطع منها لنفسها وبعدين لو كان فعلا اتقطعت منها لنفسها
تبقى مصييييييييييييييبة لما تتقطع مرتين خلال عام واحد يعنى مفيش صيانة صح يعنى خراب يا دنيا وبعدين لو قولنا انها بفعل فاعل يبقى برده مصيبة لما مش مستهدف غير المصريين بس او الشرق الاوسط بس !!!!!!!!!!!! شكرا على الكوضوع يا مستر جايد |
| جميع الأوقات بتوقيت GMT +2. الساعة الآن 08:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.