انا متاسف جداا لانى جرحت زميلة لينا هنا فى المنتدى وكان المفروض على الاقل انى اعتزر او اتصل بيها لكن الغرور منعنى وخلفت وعدى ليها ومعتزرتش ارجو انها تقرى الموضوع دة وتعلن انها مسمحانى

اكيد هتسامحك

انا شايفها بتقرء الموضوع يا سمسم

هى مين دى

ان شاء الله اختي مهرة
وربنا يسامح الجميع واحنا كمان اخي بنضم صوتنا لصوتك
وبقول لها ان تسامحك وباذن الله هتسامحك
وبالتوفيق اخي

ياباشا ان شاء الله هتسامحك

يا جماعة العضوة المقصودة فعلا قرت الرسالة بس مش عايزة ترد على فكرة هى انسانة حساسة اوى وقلبها اطيب واحن قلب فى

الدنيا وبتسامح دايما وانا سعيدة لان الانسانة دى اقرب صديقة ليا .. عارفين هى مين؟؟

_ هى الجميلة الرقيقة احلام (تغم البحر) ..

_بس انا مش ضامنة انها تسامحه لانه مش بس جرحها دى اعتبرت اللى حصل اهانة ليها وبعدين الكلام ده حصل من عشرين يوم


واعزروها لان حالتها النفسية سيئة الايام دى مش بسبب الموضوع ده بس لكن اكيد فى اسباب هى مش عايزة تتكلم عنها حتى انا

والله مش عايزة تتكلم معايا ورغم كده بتبتسم فى وش كل الناس... وبجد يا اسامة انااتمنى انها تسامحك عشان الاعتزار اللى ع المنتدى

ده وانا اوعدك واوعدكم جميعا انى اتكلم معاها تانى.. وقولوا يا رب انها ما تسيبش المنتدى. وانتو كمان يا اخوانى واخواتى حاولوا

تقنعوها معايا..

لالالا ده الموضوع كبير طيب هيا فين عشان نقنعها

يا خبر ابيض احلام تنجرح مالكش حق ابدا يا ليون سمسم والله احلام دى بجد زى ما قالت عصفورة بالاضافة لانها شخصية محترمة جدا اى حد يتشرف انه يتكلم بس معاها بجد بنت نادر ان حد يقابل زيها دى نغم البحر وزى ما سامحتينى يا احلام قبل كده سامحيه انا عارف ان قلبك طيب وصافى واوعى تسيبى المنتدى ده يبقى خسر شاعرة عظيمة واخت طيبة ربنا يخليكى لينا ونتجمع كلنا على الود والتسامح يا رب.

.. اخوكم خالد.

هى موجودة يا اخ ابراهيم بس مش عايزة ترد عليا تقريبا زعلت عشان انا قلت هى مين

وحياتى عندك يا احلام ما تزعليش انتى عارفة انا بحبك اد ايه واد ايه انت عزيزة عليا وغالية عندى

عشان كده بقوللك ما تزعليش وعلى راى الست نادية مصطفى الصلح خير هههههههههه

والله مش حهدا الا لما اشوف ابتسامتك الحلوة واسمع ضحكتك اللى كانت بترن كل يوم فى كلية الاداب على رصيف العبادى


والله يا جماعة كانت كل يوم تقول لنا نكت وتغنى لنا ومكنتش بتسيب حد يقعد زعلان ابدا .


المسامح كريم يا قمر.

خلاص بقي يا نغم يعني اكتر من كده مبقاش فيه اعتذار رسمي قدام المنتدي كله
وعشان خاطرنا متزعليش نفسك وورينا مشاركاتك الحلوة و ابداعاتك الرائعة
ومنتظرين جوابك علينا اختي

ان شاء الله هنسمع ضحكة احلى من ضحكات رصيف العبادى هههههههههههههه بالمناسبة يا عصفورة انا كمان بقعد على رصيف العبادى ده رصيف احلى ناس فى الكلية واحلى ملتقى فى مجمع اسكندرية كلو وانا باسم طلاب الدراسات العليا بكلية الاداب قسم لغة فرنسية بنقوللك يا احلام المسامح كريم.. وعفا الله عما سلف زى ما قلتيلى قبل كده .. يللا بقى يا قمر رد وارجع نورنا تانى.

السلام عليكم ورحمة الله وبركاته..

_ احبتى الكرام .. ها انا اكتب لكم اليوم راجية منكم المعذرة لكونى كنت متواجدة بالامس ولم اقم بالرد على

هذا الموضوع , ولكن عدم قيامى بالرد لم يكن لغضب من احد منكم خاصة انتى يا رشا يا عصفورة يا اعز

الاصدقاء , ولكن فى الواقع كانت لدى مشكلة وليس هناك من يخلو من المشاكل . المهم اننى بخير وخير

دليل على قولى هو كتابتى اليكم ...

اولا .. اشكر كل من قام بالرد هنا وقدم مشيئة الله تعالى على التسامح واشكر كل من ارسل لى رسائل

خاصة يسال ويطمئن على حالتى كما اشكر كل من راودته نفسه قراءة هذا الموضوع ولم يقم بالتعليق فهو

ايضا مشكور.

ثانيا.. يا اخوانى الاعزاء واخواتى الماجدات كلنا يعرف قول الله تعالى ( والكاظمين الغيظ والعافين عن

الناس والله يحب المحسنين) _صدق الله العظيم_

.. فوالله والله لا تحمل نفسى بغضاء تجاه احد من سائر خلقه , وبالنسبة للزميل(lionsemsem)

الذى كتب هذا الاعتزار فاذا كان بالفعل يقصدنى انا فى اعلان مسامحته فبالفعل حدث بينى وبينه

موقفا لايذكر المهم هو هنا فى هذا المنتدى زميل وعضو له التقدير والاحترام واظن اننى علقت على

موضوعه الاخير (قصة لعله خيرا) وكان ذلك بعد حدوث الموقف الذى كان خارج هذا المنتدى

اما هنا فى المنتدى فاوجه له التحية ويكفى انه كان السبب فى انضمامى اليكم فهنا لاتحمل نفسى تجاهه

شيئا .

..اما اذا تكلمت عن الشخص نفسه ( اسامه ) الذى اعرفه شخصيا منذ اكثر من عام جمعتنا علاقة طيبة فى

ايام جميلة انهاها هو ليس بجرح فقط كما ذكر , وانما باهانة لكرامتى واغتيال للعاطفة النبيلة التى جمعت

بيننا وتحطيما لحلم سكن بانفسنا ليس بقول منه لكن بفعل فى موقف حدث واقعا ليس على المنتدى

فلن استطيع ان اعلن عن مسامحته,,, فكيف اسامح وانا لا اعرف لماذا الجرح والاهانة والغرور

والمكابرة عن اتصال هاتفى او مجرد ترك رسالة offlineعلى بريدى الالكترونى يبرر لى ما حدث

فها هنا يعتزر هنا بعد مرور اكثر من عشرين يوم حملت فيها نفسى .......( حقيقة لا اجد كلمة مناسبة)

المهم اننى لست صافية من داخلى تجاهه لذلك لن استطيع مسامحته قبل ان اعرف لماذا؟؟

لماذا كل ما حدث؟

.. وماذا جنيت انا؟؟

.. ورغم كل مواجعى اقسم لكم اننى ادعوا له بالنجاح والتوفيق والسعادة ..

اما مسامحتى .. فلا اظن انها تهمه .. اكرر شكرى واعتزر عن اطالتى فى الرد

.. والسلام عليكم.

لالالالالالالالالالاتعليق