|
أخر طرق النصب أدخل وإستلم جايزتك
السلام عليكم ورحمة الله وبركاته أصدقائى أعضاء الثانوية حبيت إنى أحكيلكم عن أخر طرق النصب إلى شوفتها وإتعرضت ليها الطريقة الأولى وأنا نازل القاهرة لقضاء مصلحة معينة روحت عشان أفطر وفى طريقى وأنا بدور عن مطعم أكل فيه لاقيت شاب جنتل واقف وبيقولى حضرتك أتفضل ممكن تكسب معانا فى عرضنا فأنا ما صدقتش قولتله مش فاضى أفطر الأول وأجيلك قلى بس تعالى بس أتفضل الورقة ديه وخربش إلى عليها لو لقيت الكلمة مشابهة لكلمة من أربع كلمات تحت تكسب فقولت أنا كده كده حظى مش كويس فى الحاجات ديه أخربش وأريحه المفاجأة إنى الكلمة مشابهة يعنى كسبت قلى مبروك يا فندم حضرتك كسبت معايا وإتفضل إستلم جايزتك أنا قولت فى عقل بالى ده إيه الوقعة ديه هو أنا مش هخلص منك أنا عاوز أفطر فقولتله طيب هروح أفطر وأجى أستلمها فأصر إنى لازم أدخل معاه وأستلم الجايزة بعد ما قالى ده دقيقة واحدة فقولت طيب أخلص وأخلص نفسى وأدخل فيه حاجة أخدها وأمشى ما فيش بردوه أخلص منه وأروح أفطر فالمهم دخلت جوه فلاقيت واحدة مستنية جوه قاعدة على مكتب وقالتلى إتفضل يا فندم وقعدت بقى حكتلى مبروك يا فندم أنت كسبت معانا جايزتين جايزة عينية (موبايل أو كاميرا فيديو أو شوية حاجات كده قالتهم ) بصراحة مش فاكر منهم إلا دول وكمان جايزة تانية عبارة عن أسبوع مصيف ل 6 أفراد أنا قلت فى عقل بالى إن البلية لعبت معايا وعديت وحظى تمام المرة ديه بس رجعت وسألت نفسى طيب وأنا عملت إيه عشان أفوز بالجايزة ديه وزى ما تكون سمعتنى فقالت يا فندم أنت حضرتك هتعملنا دعاية عن طريق الجايزة إلى هتاخدها وكمان هتجيب معاك يوم إستلام الجايزة اسرة مكونة من فردين زوج وزوجة وكمان هتدفعلنا عشرين جنيه كتأمين عشان تيجى تستلم الجايزة وقفت بقى كده وكل شىء بان أودامى قولت لنفسى بقى ده كله عشان العشرين جنيه ياااااااااااااااه تعبتونى وجوعت أكتر من ما أنا جعان ولا فيه جايزة ولا حاجة حتى لو دفعت العشرين جنيه هروح فرع الشركة بعد كام يوم عشان أستلمها فطبعا إستخدمت ذكائى فى الموضوع ده وقولت لأ أنا هروح أفطر الأول وأجى لحضرتك وروجت خالع والحمد لله ياترى ده فعلا كان نصب ولا أنا إلى متهيئلى الطريقة التانية بقى إن شاء هقولكم عليها وقت تانى لأن أنا وقعت فيها بقى فعلا والسلام عليكم ورحمة الله وبركاته |
نصب طبعااااااااااااااااااااااااا
|
نصب طبعا ياعم عز دى حصلت معايا بس بطريقة تانية انا قاعد فى بيتنا فى يوم التليفون ضرب رديت واحدة ردت عليا قالتلى مبروك يافندم الرقم بتاع حضرتك دخل سحب من بين مجموعة ارقام وكسبت رحلة الى شرم الشيخ اسبوعين مكونة من 4 افراد وكنا بقى فى ايام امتحان الثانوية وانا زهقان من المذاكرة قلت اشطة هروح وقالت ليا حضرتك تيجى بكرة وتجيب صورة بطاقة صاحب التليفون ( ابويا يعنى ) ووصل من الى انا بدفع بيه الفاتورة قلت سهلة بردك وقالت ليا فرع الشركة فى المنصورة المهم انا صدقت بقى ورحت الدرس لقيت اصحابى كلهم بيتكلمو فى الموضوع دة المهم رحنا كلنا فى الفرع لقيتهم بيقولو كل واحد يدفع 25 جنية مفيش ولا واحد دفع وكلة كان نصب يلا ربنا يستر ياعم عز |
شكلها باين خالص إنها عمليه نصب وبعدين هو فيه فى الدنيا جائزه بيتسبلها تأمين :) |
اقتباس:
رحت المدرسة لقيت صاحبى بيقوى ان فية واحدة اتصت بيه امبارح وقالتلة انت كسبت تليفزيون ههههههههههههههههههه كلة نصب فى نصب |
دا بالظبط الى حصل معايا
بالاماره ع المشايه عند جزيره الورد كدا :d لا هوا دخل عليا دخله جرئه انا والشنكوته عمر حضرتك كسبت دقايق مجانيه من موبنيل ؟ عمر حضرتك كسبت تلاجه عمر حضرتك كسبت اي حاجة ببلاش فباقيت بجاريه قي الكلام وكدا وفي الاخر قالي ضمان مالى وقدره عشرين جنيه علشان الدسكره الى هتاخدها تاني لما تيجي حفله التعارف الي في برج الشيماء . بس انا كنت مفتح بقا قولتله لا مفيش معايا غير خمسه جنيه :D وطلعت لا مفتح ولا حاجة والخمسه جنيه دي انضربت فيها برده ع العموم ناس بتدور على اي طريقه تجيب بيها فلوس مرسي ليك ع التوضيح يا باشا وياريت الناس تاخد باها |
الموضوع دة حصل معايا مرتين في ليلة واحدة يوم ماتش الاهلي والقطن الكاميروني ...... مرة عند نادي الورد قبال الوكالة زخلصت منه
ورحت السكة الجديدة بعدها ووقعت في واحد تاني قصد الفيومي عموما دة ترويج سياحي مش اكثر واللي بتعملة وزارة السياحة علشان الناس تشترك في ايجار لشالية مدة اسبوع من كل عام مدي الحياة .... انا في المرة الثانية دفعت فعلا عشرين جنية ...... ورحت الحفلة ........ في البداية ردوا لي مبلغ التامين :av4056bb7jp3: وبعدين قعد واحد مندوب من الشركة يشرح لي مميزات اني اشترك مدي الحياة في شالية في القري السياحية لمدة اسبوع كل عام وعموما انا سمعت للاخر ...... حوالي ساعة ونص:stickjo4: كلام من المندوب وفي الاخر قولت مش هشترك:078111rg3: |
لا أنا بقي لسه متنصبش عليا بس قريب إن شاء الله يتنصب عليا وساعتها حدخل الموضوع ده وححكيكلم
|
اقتباس:
أمال إيه أنت فاكرنى وقعت لأ ده انا واعى قوى هههههههههههههه شكرا يا أستاذ أشرف على المرور |
اقتباس:
يعنى أنت كنت هتقع فى الموضوع يا برنس طيب الحمد لله أنا عرفت أهرب أنت بقى كانت هتيجى رجلك الحمد لله إن غحنا نفدنا بجلدنا إحنا الإتنين شكرا على المرور يا محمد |
اقتباس:
أنت عارف فين فى سينما بجوار دار القضاء العالى يعنى ممكن تتطمن شوية بس مش فاكر بقى إسم السينما بس هو إسم مشهور |
اقتباس:
وإلا كنت وقعت وشكرا على المرور |
اقتباس:
بس أنمت غلطان ليه تدفع خمسة جنيه طيب ده كده بانت أوى إنها حوار كنت خلعت يا باشا شكرا على المرور |
اقتباس:
على ما أعتقد ده نصب وباين أوى كمان شكرا أستاذ عثمان على المرور |
اقتباس:
بس ما تأخرش علينا أول ما تحصل إبقى قولنا هههههههههههه ياعم ربنا ما يجيبش نصب إن شاء الله ماحدش يحب يقع فى الموضوع ده على العموم شكرا على مرورك بالموضوع |
| جميع الأوقات بتوقيت GMT +2. الساعة الآن 05:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.