|
بدون خناقات ولا شتيمة .اهه كلها خواطر
.................................................. .................................................. ....................... السلام عليكم ورحمة الله وبركاته مش عارفة..يعني ابدا منين !! ده انا حتى مش عارفة احدد عنوان لسه للموضوع هما كان نقطة بعيده عن بعض شويتين اول حاجة عاوزة اتكلم فيها يوم القيامة يوم القيامة كلنا هانقابل رسول الله صلوات الله عليه وسلامه ورايحين مبسوطين ..هايقولنا ايه انا هايقولي انا يا هند من زمان اتضربت واتعذبت واترميت بالحجارة وطلعت من بلدي ووقعت وشي كان كله دم وتكسرت اسناني والخوذه تشابكت مع عظام وجهي كلللللللللل ده عشان اوصلك انتي الدين ده صحيح انتي بقى ....عشان تحافظي عليه عملتي ايه؟؟؟؟ تخيلوا لو ان اجابتي صليت وصمت وزكيت وحجيت وصليت نوافل وقيام ليل و...و..... طيب كلها عبادات اما فروض واما نوافل عشان ندخل الجنة ومش هي دي اللي هاتدخلنا كلنا هاندخل الجنة ان شاء الله برحمة الله عز وجل حضروا اجابات مناسبة ...الحقوا اعملوا حاجة اليوم اللي هايفوت مش هايرجع ابدا تاني حاجة عاوزة اتكلم فيها هي نسيان العرب انفسهم من كام شهر كان في مذبحة مماثلة ف فلسطين بردو كام واحد فاكرها وكام واحد فضل مستمر متابع للمفاوضات حولها ...........برغم اننا عملنا دوشة وهيصة وشوية ونسينا ...مين دلوقتي بيقول الحرية لمنتظر الزيدي ؟؟!!!! ابسط مثال بقى المنتدى ده فضلت اقول يا اخواننا القضية العربية بقى القسم برطمان مخلل محدش بيفتحه ياخواننا عاوزين نهتم بيها شوية ياخواننا دي قضيتنا يا...... والناس تدخل تجبر بخاطري وتقولي لا حياة لمن تنادي ...اصلها ناقصة وفجأة لما العدوان على غزة ابتدا بجد بقى والضرب زاد والضحايا ف كل مكان بدأنا نفهم ونستوعب وصح النوم ايه ده بيقولك في حته اسمها غزة تبعنا عربية تقريبا ايه ده في حاجة جديده يللا ندخل قسم القضية العربية وشوية وهايتنسي زي ماكان بالظبط والله لا وايه اتنقل بقى قبل الركن العام اهو بكرة يعيدوا سب رسولنا الكريم العظيم صلوات الله عليه واله وسلم تسليما كثيرا واحنا ايه نقوم نقول لا لازم نهتم بالموضوع ده شوية وننقله كمان قبل العام حاجة تالتة بقى مصر الكل عمالين يقولوا مصر الخاينة العميلة ال...ال........................................الخ عاوزة اقول اني والله اول مرة ف حياتي اكون متضامنه جدا جدا جدا مع مصر من حيث السياسة يعني انا واثقة كل الثقة اننا بنعمل والله العظيم قصارى جهدنا بالنسبة بقى لمعبر رفح تخيلو اننا فتحناه على مصراعيه واللي يدخل يدخل واللي يخرج يخرج وتبقى هيصة خالص ولا عارفين اللي دخلو دول مين ولا اللي خرجوا دول هايجيلنا من وراهم ايه واللي يقول اننا نعلن الحرب وننقض الاتفاقيات طيب فين السلاح اللي عندنا فين الجيش المدرب فين الحكيم اللي هايخطط بردو لو نقضنا مصر هاتتنسف هاتيجي ارض ارض من مصلحتنا ان الرئيس يحافظ علينا بدون حرب ولا بتاع ياريت نحاول نقدر بس ونحسبها بالعقل بس وياريت بالورقة والقلم عشان تطلع صح ..اصل عيب اوي علمنا يتحرق اكتر من علم اسرايل وينكس ويرفع بداله العلم الفلسطيني على اساس ان المصريين نكسوه يعني!!!!!!!!!!!!! مش واخدين بالنا ان اسرائيل نجحت بامتياز فرقت بين الشعور العربية كلها اكتر ماهي متنيله متشتته وقعدت هي تراقب عن كثب في صمت قاتل .... مش عارفة في حجات كتير عاوزة تتفتح بردو لكن خليها ف وقت تاني عشان الجمجة بدأت تدخن جزيتم كل الخير اسمع ارائكم من فضلكم |
انا عمالة اسمع ان فى مظاهرات وحاجات كده ومكنتش فاهمة حاجة لحد امبارح
بعيد عنك انا معزولة عن العالم ده ولما عرفت الموضوع اتاكدت ان هما يومين بالظبط والناس هتهدى . عادى يعنى احنا ما بنصدق نزيط وكده :d اما عن غزة انا لسه معرفش حاجة عن الموضوع ده اوى اعذرينى بس مش هفتى ربنا يخفف عنهم |
مانا قلت احسن حاجة ف العرب انهم بينسوا
|
والله ده اللى انا بحاول اقوله على طول
مصر دولة ليها خصوصيتها مينفعش إنها تفتح بابها لكل من هب ودب بس للأسف الناس بتسمع دول قالوا كده يبقى احنا نقول كده زي ما الموجة ماشية امشي معاها كلها اسبوع ونقول يااه فاكر الموضوع اللى كان عن غزة وعملوا مظاهرات ومش عارف ايه خاصة إنه كله دلوقتي حينشغل بالامتحانات وبعدين الاجازة واستمتع بالاسبوعين قبل ما يخلصوا وبعد كده يبقى الموضوع من خبر كان اقولكم على حاجة بصراحة انا اول ما سمعت الخبر يوم السبت من واحد سمعها في الاخبار وقال لصاحبه معاه في الكلية فهو بيحكيلنا اللى حصل وإنه فلان قاعد منهار من اللى شافه انا عن نفسي استغربت إنه الموقف ده بالذات أثر فيه او اشمعنا ده اللى علقوا عليه ما كل اسبوع بيموت بالمئاات ومحدش عمل حاجة وكالعادة موجة وحتنطفي بس طلع اللى مولع الموضوع إنه مصر بقت خاينة ومش عارف وزيرة الخارجية كانت هنا قبل العملية بيوم ومصر قفلت معبر رفح بس كل اللى حصل جديد إنه الموجة ده عليت شوية بس وحتنطفي تاني |
بصراحة انتى عندك حق فى كل اللى انتى قولنيه يا هند
وده اللى انا والله بفكر فى من ساعت دخول اسرائيل فلسطين اشكرك على الموضوع وارجوا تقبل مرورى جزاك الله خير بترا |
| جميع الأوقات بتوقيت GMT +2. الساعة الآن 05:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.