|
هو دة سم و لا عسل
السلام عليكم و رحمة الله و بركاته ازيكم يا جماعة؟ عاملين ايه؟ بصوا يا جماعة انا فيه حاجة كدة لاحظتها بس انا حقيقى مش متاكدة من صحتها فكنت عايزة اعرضها عليكم و اشوف رايكم فيها ايه الحاجة دى بتخص قناة الجزيرة بدايةً كدة انا بقالى فترة كبيرة متابعة القناة دى يمكن من اول ما ظهرت كنت بجد مبهورة بيها كقناة عربية مبتعرفش خطوط حمرا و لا بتخجل من حاجة و لا بتخاف من مواجهة الحكومات عجبنى فيها اد ايه هى بتحترم عقلية المشاهدين و ازاى بتركز على قضايا العرب و المسلمين عجبنى فيها فكرة الرأى و الرأى الأخر اللى عندنا فى مصر دايماً بنكون مفتقدينه كل الحاجات دى خلتنى اصدق كل شىء بيتعرض فيها حتى لو انا عارفة و متاكدة ان الكلام دة فيه مغالطات تاريخية بس كنت بقول عادى يعنى ما كل حد ممكن تقع منه غلطة صغيرة بس فيه شوية حاجات كدة حصلت خليتنى مش عارفة احكم هل القناة دى عربية بجد و لا عربية لحين اشعار اخر من الحاجات دى _على سبيل المثال و ليس الحصر_ *انها اول قناة اعترفت باسرائيل على خرايطها * انها كان المذيعين اللى فيها بيوصفوا فلسطينيين 48 بانهم"العرب داخل الخط الاخضر" فى حالة وجود مجزرة اما لو مش فيهمجازر كانوا دايما بيسموهم "عرب اسرائيل" *انها كانت اول قناة عربية تستضيف صهاينة فى البرامج الحوارية بتاعتها! و قلدها بعد كدة باقى القنوات *كمان لما بيبقى فى برنامج معاهم ضيف ايرانى او الخبر يكون عن اى حاجة تخص الايرانيين مش بيقولوا عن الخليج العربى ان اسمه الخليج العربى بيقولوا عليه اسم تانى كدة مش فاكراه دلوقتى *و لما بيذيعوا فيلم للمجاهدين و الاستشهاديين بيجوا فى الاخر و يقولوا ((لم يتسنى لنا التأكد من الخبر من اى مصدرٍ مسؤل)) بالرغم من تصديقها لكل الكلام او التقارير اللى بيصدرها الجيش الامريكى من غير ما يحتاجوا لتاكيد الخبر من مصدر مسؤل انا مش فاكرة غير الحاجات دى دلوقتى مش عارفة ليه حاسة انهم بيدسوا السم فى العسل و عايزة اعرف لو كان كلامى صح و لا انا فيه حاجة مش واخدة بالى منها يا ريت توضحوهالى متأسفة على الاطالة |
عليكم السلام ورحمة الله وبركاته ، اتفضلي خدي شاي
أنا كويس الحمد لله بصيت اهه :) قناة الجزيرة ايه دي معروفة انها منافقة من زماااان هما عمرهم ما حطوا السم في العسل توء توء توء هما بيحطوا السم على انه عسل يعني القناة دي ما يهمهاش الا إن نسبة المشاهدة تزيد وخلاص يعني كده عمرك شفتيهم جابوا خبر حلو الا وقالوا مش متأكدين منه ، عشان برضه الناس تتابع الموضوع اكتر اما في مواضيع امريكا فدايما متأكدين منها ، دي امريكا يا بنتي يعني كلامهم ما بيرجعوش فيه ، انما احنا عالم خامس من ساعة ما قناة الجزيرة دي انضربت وبقت شبه جزيرة بقت بتصدق اي حاجة من أمريكا ، قدها وقدود برضه وبعدين انتي بتتفرجي ع التلفزيون ليه ؟؟ انتي لسه صغيرة عليه ؟؟ ولا عايزة تموتي بدري بعد الشر يعني ؟؟ لو عايزة تتابعي فلسطين بجد افتحي قناة الاقصى الفليسطينية لو عايزة تشوفي اخبار العالم افتحي النيل للأخبار لو عايزة تعرفي اخبار امريكا افتحي الغاز وادخلي نامي :078111rg3::078111rg3: يا ريت اكون عرفت افيدك:078111rg3::078111rg3: بـــــــــيـــــــــــس |
اقتباس:
شكرا على مرورك و ردك الحمد لله طلع فيه حد مؤيد رايى |
عليكم السلام ورحة الله وبركاتة يااااااااااااااااااة انتى لسة عارفة دلوقتى بس ان القنوات دى منافقة ؟؟ ولا اساسا هوة اية الى لسة بيقول كلمة حق ولا نملك سوى حسبنا الله ونعم الوكيل بس فعلا قناة الجزيرة دى زى مانتى قلتى بتحط السم فى العسل ومع ذلك نص العرب مبيتفرجوش غير عليها شكرا على الموضوع جزاكى الله خيا علية فى رعاية الله |
اقتباس:
و جزاك مثله يا احمد او محمد او محمود او مصطفى او اى اسم بقى هاعمل ايه يعنى ما انا مش اعرف اسمك |
اقتباس:
هههههههههههههههههه تصدقى فعلا فى موضوع انتى كنتى قلتى انك مش عارفة اسمى وانا نسيت اقولك يلا خير يبقى الاختيار التانى ان شاء الله محمد انا شكلى هشيل كلمة اللورد دى واكتب محمد ههههههههههههههههه فى رعاية الله |
اقتباس:
الاختيار التانى ..جواب نهائى للاسف يا اخ محمد بتخسر معانا ال32 الف ريال و بتربح ال64 الف ريال:) الموضوع قلب جورج قرداحى |
عادى يا ريتاج
مصالح قطرية مش اكتر بالذات اليومين دول وهجومها على مصر اقرى جرايد ونتى تعرفى انها بقت قناة ............. ربنا يهدى يارب |
اقتباس:
مصالح قطرية الله يفتح عليك هو دة الكلام بس بمعنى ادق يعنى تبقى مصالح خليجية شكرا يا محمود نورت التوبيك |
أنا بينى وبينك مش بسمع خالص أنا أصلاً عدو الأخبار بحس إن الأخبار دى بترفع ضغطى وتخنقنى على الفاضى عشان كده مش بتابع غير لو كان الخبر بقه لازم يتابع وكلامك عن القناه أنا مقدرش أحكم عليه بس أنا سمعت كتير عن إن مصداقيتها بدأت تقل وإنها فى البدايه كان فخر لكل عربى ودلوقتى بقت ............ يلا حالها حال الدنيا |
اقتباس:
و الله كويس خير ما عملت انك مش بتسمع اخبار بس بجد الكلام اللى انا قلته دة نتيجة دقة ملاحظتى اللى هى مش موجودة اصلا هى فى الاول قبل ما تنضرب كانت كويسة اوى بس دلوقتى حالها يرثى له بجد شكرا على ردك نورت التوبيك |
| جميع الأوقات بتوقيت GMT +2. الساعة الآن 11:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.