بوابة الثانوية العامة المصرية - حاجات تنرفز ..أحمد شاكر

حاجه تنرفز !

بقلم / احمد شاكر http://img.aljasr.com/icon.aspx?i=icon_smile_big

-=-=-=-=-=-=-=-=-=-=-=-=-=-=-=-=-=-=-

.

.

****** حاجه تنرفز ******

لما يتكتب موضوع فى المنتدى . وأدخل اكتب رد عليه فى ربع ساعه

واجيب حقائق ودلائل وبراهين وكوفتازين . وفى الاخر ومع ارسال الرد

تن تن . الموضوع اتقفل بواسطة المشرف http://img.aljasr.com/icon.aspx?i=icon_smile_sleepy

****** حاجه تنرفز ******

لما لاعيب مصرى محترف . مبدع مع فرقته وعامل متشات عاليه

ويجى فى ماتش المنتخب . فى الوقت الى كل الناس نفسها تشوفه مع المنتخب

يتصـــــاب وميلعبش http://img.aljasr.com/icon.aspx?i=icon_smile_sleepy

****** حاجه تنرفز ******

لما أعد أجهز فى موضوع بالأيام . وأرفع صور واجيب معلومات من هنا وهناك

وافضل احنتف فيه لغاية لما يوصل للشكل الى انا عايزه . وهوب . مع الارسال

يجى عضو يكتبلى " طيب " http://img.aljasr.com/icon.aspx?i=icon_smile_sleepy

****** حاجه تنرفز ******

لما يجى عضو كريم فى المنتدى . ينقل مجهود واحد بالنص وينسبه ليه

ومع مواجهته . يقولك دا شغلى وهو الى واخده منى . وانتظروا منى جزء تاانى http://img.aljasr.com/icon.aspx?i=icon_smile_sleepy

****** حاجه تنرفز ******

لما اجى اعمل موضوع كتابى ياخد منى ساعات

ومع ارسال الموضوع .. ألاقى السرفر بيزى http://img.aljasr.com/icon.aspx?i=icon_smile_big

اجى ارجع باك .. الاقى كل حاجه ممسوحا http://img.aljasr.com/icon.aspx?i=icon_smile_rotating

****** حاجه تنرفز ******

تكون لسه متفرج على ماتش فى الدورى الانجليزى وشايف الملاعب واللاعيبه حرتا الملعب

وبعد اما يخلص تقلب عشان تتفرج على ماتش فى الدورى المصرى

هتلاقيها فعلا حاجه تنرفز http://img.aljasr.com/icon.aspx?i=icon_smile_sleepy

****** حاجه تنرفز ******

لما تلاقى جماهير الدرجه التالته قعدو يطنططو فوق بعض اول لما تيجى عليهم الكاميرا وتلاقى العيال الصغيرة مدخلها دماغها جوا الكاميرا ويعدو يشاور هنغلب اربعه , هنقطعهم خمسه , هنشيلهم عشرة .. وياسلام بقا لو فيه بنات ! تلاقى البنات بيستخبو ف بعض . ال يعنى مكسوفين !! وتلاقى ابو العيال رما الواد لام العيال وهاتك يارقص ادام الكاميرا . وياسلام بقا لو واحد معاه يافطه ولا حاجه تلاقيه عمال ماشى يمين يمين يمين مع الكاميرا وعمال يدوس ع الناس http://img.aljasr.com/icon.aspx?i=icon_smile_rotatingوتلاقى الواد من دول مش باينله وش من قفا .. وقالع الفانله . وعامل فيها سبع رجاله .. طب ياخويا بتورينا ايه ؟؟

****** حاجه تنرفز ******

لما اصحا فى امان الله الصبح . واجى افتح الاميل بتاعى . الاقى كل الميلات ممسوحا

والاميل ابيض فولا . وخصوصا انه عشرت خمس سنين http://img.aljasr.com/icon.aspx?i=icon_smile_big

****** حاجه تنرفز ******

الواحد من دول يجيب جون . يعد يزق فى صحابه " اوعا ياض واوعى يابت " محدش يمسكنننننننى / على اساس انه مرقص الفريق كله وجايب جون من غير مساعده يعنى ! ويروح ع الكاميرا ويعد يبوس فيها .. واحنا بقا نعانى من المناظر الى بتظهر ع الشاشه

****** حاجه تنرفز ******

* يخلص الماتش من دول ويشتغلولنا بقا فى الازرق http://img.aljasr.com/icon.aspx?i=icon_smile_big

المصريين اهما , والله وعملوها الرجاله , يارب كتر افراحنا , ومشفش الولاد السمر الشداد

تقولش حررنا جمصه http://img.aljasr.com/icon.aspx?i=icon_smile_big

لا وايه . بعديها مفيش ربعايا . المذيعه تتسرح وتظبط الباروكه

وتطلع تقول نص التهنئه الحمضان بتاع سيادة الرئيس الى ميتغيرش من ايام

" البوم منير بتاع على صوتك بالغنا لسه الاغانى ممكنه http://img.aljasr.com/icon.aspx?i=icon_smile_kisses "

****** حاجه تنرفز ******

يجى المذيع من دول يبقا بيحلم وهو قاعد .. يقعد يقولك اسامى لعيبه اصلا بيلعبو فى فرق تانيه

وفيه منهم معتزلين http://img.aljasr.com/icon.aspx?i=icon_smile_blackeye ويفضل يرغى ويصدعنا طول الماتش . ويسكت ساعة لما الجمهور يشتم

تحت بند " حرية الرأى ونزاهة الاعلام " وان من حق كل مواطن يسمع حرية الرأى بتاعت المواطن زميلهhttp://img.aljasr.com/icon.aspx?i=icon_smile_blackeye

****** حاجه تنرفز ******

يجى مخرجنا المحترم . يسيب الماتش كله . ويركز الكاميرا على حتا ضرب . لسه مطقما م الوكاله

وعامله فرح على وشها . ويجى جون . وهو ولا هنا

وياسلام بقا لما يجى يعيد . يعيد الجون فى عز الهجمه http://img.aljasr.com/icon.aspx?i=icon_smile_big

****** حاجه تنرفز ******
لما واحد يكتب موضوع طوووووووووووووويل كدا فى وقت زى دا

ههههههههههههههههههههههههههههه