سؤال صغير
 

الاجابه
 

بالنسبة للسؤال الاول

جزئ اكسيد الحديد يتكون من 3 ذرات اكسجين وذرتين حديد تمام ولو عايزه تعرفي ليه اقلك بس خلينا في السؤال ده دلوقتي

وزن المول من ذرات الحديد 56 جرام
وزن المول من ذرات الاكسجين 16 جرام
وزن المول من جزئ اكسيد الحديد 16*3 + 56 * 2 = 160 جرام

يبقي احنا وصلنا ان لو عندي 160 جرام من اكسيد الحديد يبقي فيهم 56 * 2 = 112 جرام من الحديد تمام كدا
طب لو عندي طن من الحديد يبقو موجودين في كام طن من اكسيد الحديد حستخدم قاعدة المقص المشهوره

160 فيهم 112
x فيهم 1

وتلحظي اني مغيرتش الوحدات لانها قسمه

يبقي
x = 160/112 = 1.43

يبقي لو عندي 1.43 طن من اكسيد الحديد فيهم 1 طن من الحديد

طيب نيجي بقي للخطوه الاخيره هو عايز كام طن من الخام اجيب منهم 1 طن حديد مش كام طن من اكسيد الحديد اجيب منهم 1 طن حديد

يبقي لازم يكون مديني علاقه بين الخام واكسيد الحديد اللي هي 100% من الخام فيها 30% اكسيد حديد
طب كام طن من الخام فيهم 1.43 طن من اكسيد الحديد حستخدم طريقة المقص تاني

100 فيهم 30
x فيهم 1.43
x = 1.43 * 100 / 30 = 4.76

يبقي لو عندي 4.76 طن من خام الحديد حيكون فيهم 1.43 طن من اكسيد الحديد اللي فيهم 1 طن من الحديد

لو لسه مش فاهمه قوليلي الجزء اللي مش فهماه وانا اوضحه


بالنسبة للسؤال الثاني

اولا المطر ده ماء وهو مركب هيدروجيني غير ان بعض الملوثات الهوئية مثل اكاسيد الكبريت والنيتروجين والكربون
والمبيدات الحشريه بتتفاعل مع قطرات بخار الماء وتكون الامطار الحمضيه وزي ما انتي عرفه ان هيدروجين يعني حمض

ملحوظه في احماض مفيهاش هيدروجين بس دي مش عليكي دلوقتي في الكليه ان شاء الله


اعتقد انك كنتي سألتي سؤال فيزياء انا جوبته ووضحت طريقة الحل
بالتوفيق ان شاء الله ليكم جميعا

السلام عليكم انا عندى مشكلة فى الحساب الكيميائىفى مسائل النسب ممكن تساعدنى