سؤال للناس اللي عندها خلفيه
 

سلامو عليكو

دلوقتي في امتحان الإداره الدكتور طالب مننا اننا نحل صح وغلط في جدول انا كنت رايح متأخر وناس الكارنيه وكنت متلغبط جدا ونسيت موضوع الجدول دا وحليته عادي هما 10 عبارات انا كنت ناسي لحد العبارة رقم 7 وافتكرت ورحت مكمل من اول العبارة الـ 8 في جدول

بس عموما انا حليت كويس الحمد لله في صح وغلط

بس هل ممكن بسبب حوار الجدول دا الدكتور يعمل حركة كدا ولا كدا ولا ايه ؟

ولو كدا هل في حل ولا خلاص كدا ؟؟:giljotiiniug3:

ههههههههههه
هو انت كان بيديك هشام البحيرى ولا ايه
بص ..حكايه الجدول دى حاجه علشان يسهل على نفسه فى التصحيح مش اكتر
فانت مجاوب صح وعامل كل حاجه مش هايقدر ينقصك حاجه
متألقش ان شاء الله خير

يا راااااجل هو فى حد يفكر فى كده برضه :d:d
طب قول لو لا قدر الله نسيت سؤال ولا نص سؤال تعمل ايه
انما انك ما حطيتش فى جدول ده عادى جدا ما انا ياما عملت كده وما حصلش حاجة :unsure:
هما الدكاترة بس فى الجامعة بيحبوا الورقة تبقى منظمة وشكلها حلو

ههههههههههههههههه لا محمد عنتر

طيب يعني الحمد لله مش هتقصر معايا في حاجة

شكرا يا باشا ربنا يبشرك بالخير :078111rg3:
والله هي منظمة وبنت حلال بس هي المشكلة في حوار الجدول دا

ولا قدر الله ليه ما انا فعلا سايب مقارنتين :d

بس عموما شكرا جدا

دا انا كنت مقلق وقولت لازم ابقي اطلع للدكتور واقوله واشوف هيعملي ايه بس شكلها كدا ان شاء الله هتعدي علي خير

شكرا ليكوا والله افدتوني:)

علي الفكرة الموضوع دة مفيش منه اي قلق :)لان فعلا الدكتور بيعمل الموضوع دة علشان يسهل علي نفسه التصحيح وبس
انا كمان مجموعه و مع محمد عنتر بس والله ربنا يكرمه الامتحان كان سهل جدااااااااا

ياعم عادل جدول ايه صلي ع النبي

دانا في امتحان الاقتصاد السنة اللي فاتت كان مطلوب مننا نوضح بالرسم

قومت كاتب الشرح نظري بس من غير رسم ولا حاجة وجيبت فيها امتياز !!

وانتا جاي تقولي جدول ؟!

هوا من الاخر الدكتور بيحب الورقة تبقي نضيفة ..

بمعني انك تبقي مسطرها وتعلم علامات واضحة جنب العناويين الرئيسية وتجر تحتها سطر ..

وتكتب في نظام فقرات .. وتراعي حكاية المسافة اللي بتتساب في اول كل فقرة دي ..

طبعا بالاضافة لاجابتك المنظمة هاتتلاقي الدكتور يستريح نفسياً للورقة يقوم مديك درجة كويسة

لكن طبعاً فيه مواد تانية ماينفعش فيها انك تنظم .. لإنك مش هاتلحق تنظم اساسا !!

ودا حصل معايا انا في النقود والبنوك .. وهايحصل معايا في التسويق .. وهايحصل معايا برده في الانتاج

المواد اللي زي دي معمولة للكتابة فقط لا غير ! .. تخش الامتحان تكتب وبس لغاية ما ايدك يجيلها دوالي !

انا بعد امتحان النقود والبنوك دا بقيت العب حديد على ايدي عشان اما اجي اكتب بعد كدا ايدي ماتوجعنيش !!

والله بيقول كلام زى الفل