|
بصراحة يا جماعة انا محجوز لبنت عمى
بسم الله الرحمن الرحيم
السلام عليكم ورحمة الله وبركاته ( الانسان ينتهى فى لحظة وقضايا مجتمعنا لا تنتهى ابدا ) نأتى لقضيتنا ومحور حديثنا ( يا بنى احنا متكلمين على بنت عمك من وانتم صغيرين) ( يابنتي عمك متكلم عليكى لأبنة من وانتم صغيرين) _ يجي شاب يخطب بنت جيرانه ..الولد مفيهوش عيب ..لكن البنت محجوزة لأبن عمها _ في يوم من الأيام شخص كان حاجز وحده من قرايبة اسف على اللفظ .. وطول حجزه لها يعني من يوم انهم صغار وهم يقولوا فلان لفلانه وفلانه لفلان .. وبعد ما توظف تركها وقال انه لا يريدها وانها اصبحت لا تصلح لة .. ساءت الحاله بين العائلتين .. والبنت اتورطت وراحت فيها حتي الخطاب لا يتطلعون اليها لأنهم يعلمون انها محجوزه لفلان وضاعت البنت مع ضياع هذا الحجز .. _ بنت يتيمة وحيدة..حجزها عمها لأبنة ..لانه لا يريدها تطلع من العائله .. طيب ممكن البنت مش مناسبة للولد ..افكارهم مختلفة ..شخصياتهم متغيرة..لكن مين يسمع ..خلاص البنت محجوزة لفلان قصص تبكي القلوب .. وأحلام تضيع في قرار أمال وأمنيات تتبخر .. بصراحة انا احس ان الحجز فيه ظلم للبنت خصوصا ان الولد لو كبر وغير رايه مش حيأثر علية لكن البنت اقل كلام يتقال اة دة كان فيها عيب علشان كدة تركها ودة حيأثر عليها فى مستقبلها ممكن الشاب يتأثر لان اهله اختاروا له شريكة حياته ويجوزها له .. لكن البنت هي اللي هتتأثر اكثر يخلص الحبر والكلام مايخلص من المذنب .في هذا كله. الشاب , الفتاة , الأهل , العادات والتقاليد ؟؟ ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟ اذا تقدم لكي ايتها الفتاة شاب الان يدرس وقالوا لكى أهلك انه يريد يحجزك يكون موقفك اية ؟ وانت ايها الشاب مارأيك في مسألة الحجز وان تكون محجوز لفتاة ؟؟ وهل هذا الشي موجود في عائلتكم ؟؟ وماموقفكم منه ؟؟ اسف على الاطالة فى انتظار ارائكم القيمة |
بجد والله كل كلمة كتبتها مضبوطة
وانا عن نفسى اقرب الناس الى معمول فيها كده وبلاش اقولك على المشاكل والخناقات بسبب الحجز ده قريبتى دى هى بنت خالى اللى قال عليهم محجوزين هو جدها وقال لازم تكنو لاين عمها وللاسف الولد مش عاوزها بس محتار يزعل اهله ولا يرضى قلبه ولو رضى قلبه هيحرم من الميراث ومش هيلاقى ياكل حتى وطبعا الهدف من الجوازة دى هو ان الارض متطلعشى برة والفلوس والكلام ده ولحد دلوقتى الخناقات مستمرة ومش لاقيين حل وايه خطبها وجاب لها شبكة ب35 الف جنيه وكتب لها فدان يساوى قيمته المليون جنيه ده كله عشان ميرجعشى فى كلامه ويسيبها السبب فى ده هو ان الناس مش عاوزة الورث يطلع برة برة فين معرفشى برضه والله حاجة تقرف بجد وتضايق وتخنق والولد والبنت بيتظلموا ظلم كبير وفى معظم الاوقات بيكونوا مش عاوزين بعض وكمان ممكن عشان حكاية ماماته وماماتها بيكونوا مش طايقين بعض (السلايف) بس تعمل ايه بقا؟ والله موضوعك تقريبا فى داخل جوة 99% من البيوت المصرية |
اقتباس:
الشاب و البنت ازاى يقبلوا ان حد يخطط لهم و يقولهم اعمل كذا و متعملش كذا و الاهل بردو مش يصح انهم يفرضوا على اولادهم حاجة و العادات اللى الناس فى مصر متعودة عليها دى اصلا تلات ارباعها غلط و بالرغم من كدة ان الناس لسه بيصدقوا فيها و بيطبقوها اقتباس:
عشان نوصل لقرار سليم يعنى الاهل لازم يقولوا رايهم و الشاب نفسه لازم يقول رايه بردو و كمان النسب ليه دور مهم الرسول صلى الله عليه و سلم قال (( تنكح المرأة لاربع: مالها و جمالها و حسبها و دينها فاظفر بذات الدين تربت يداك)) صدق رسول الله _صلى الله عليه و سلم_ اقتباس:
مفيش حاجة اسمها يحجز لانه اصلا على ما يخلص هيكون تفكيره اتغير و بالتالى هيغير رايه هيبقى انا شكلى ايه اقتباس:
اقتباس:
مش موجود |
حلوة حكاية الحجز دى
على اساس اننا بنحجز تذاكر قطر واللا حاجة طبعا دى كلها عادات وتقاليد معظم الناس ماشية عليها ودا من ضمن التخلف الكل غلطان لو شارك فى كدا هنقول ايه بس الواد ابننا والبنت بنتنا ومينفعش تخرج بره العيلة على اساس انها هتغير الجنسية واللا حاجة كلها تقاليد لاتمت الى الدين بصلة دمت فى رعاية الله |
انا شايف برضه انت الموضوع فيه ظلم كبير للبنت بالذات
و لو الولد غير رأيه ممكن كمان تحصل مشاكل في العيلة و بعدين الحاجات دي بتاعة ربنا يعني المفروض نسيبها لوقتها مش وهما لسه بيرضعوا |
موضوع جاد ومميز ورأيى أن الأهل , العادات والتقاليد هم السبب ولا ذنب للولد أو البنت والسبب الرئيسى الغير معلن الحفاظ على ممتلكات العائلة وهذا الموضوع كان منتشر بالصعيد والمجتمعات الريفية ولكن الأن بدأ ينحصر تدريجياً خاصة بعد إنتشار التعليم فى هذة المجتمعات |
انا بسمع موضوع الحجز دة
بس كان فكرى انها عادة قديمة و بطلت و حتى الناس زمان كانوا بيقولوها على سبيل الهزار و لو الموضوع دة فعلاً مستمر يبقى اكيد السبب الاول الاسرة طبعاً الكلام دة مش موجود فى عائلتى و لو كان موجود اكيد كنت حرفض بشدة عشان البنت مهيش سلعة عشان تتحجز و شكراً على الموضوع |
تتحجز يا سلام ليه بقى احنا فين هنا، المفروض البنت يبقى عندها شخصيه قويه عشان تقف قدام موضوع زى ده، اصلا ده جواز امال هتبقى قويه الشخصيه امتى؟ بجد بجد كلمه محجوزه دى مضيقانى اوى امتى بقى هنبطل العادات والتقاليد اللى بتتعس الناس دى؟:( شكرا على التوبيك |
بصراحه الموضوع جميل جدا
تسلم ايدك |
ايه علاقة الحكاية ده بالمنتدى ال ده
|
هيا تقريبا منتشرة في الفلاحين علشان حكاية الوراثة بس أنا مسمعتش عنها خالص
|
الكلام ده كان زمان مبقاش فى كده دلوقت عشان فى حاجه اسمها حريه
|
اسال مجرب ولا تسال طبيب
انا كنت فى مره قاعد فى قعده عائليه وكانت واحده قريبتى قاعده قالو ليه انت محجوز لبنت خالك انا فاكر الموضوع هزار قولت ماشى اخطبوها سافرت اسبوعين وجيت لقيت اتشهرت فى البلد انى خاطب وزمايلى بيجو يباركولى فالخمد لله طفشتها والعلاقات ناو ايه زباله |
ههههههههههههههههه
أنت أكيد من الشرقية بلدى الام بص معذرة يعنى انت كل واحد مننا لازم يكون ليه شخصية وقرار بعيدا أن تدخل أى حد من اسرته سواء كان الشخص ده ولد أو بنات بس نقول ايه فى تقاليد المجتمع المصرى اللى تخنق |
احد المشاكل اللى انحصرت بشكل كبير دلوقتي
انا معتقدش إنها منتشرة حالياً بالشكل ده وللأسف كل واحد همه الورث ومش مشكلة العيال يرتاحوا في المستقبل ولا لأ |
| جميع الأوقات بتوقيت GMT +2. الساعة الآن 11:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.