|
من الذى تغير الانسان ام الزمن ؟؟
السلام عليكم ورحمة الله وبركاتة الموضوع دة ملخبط شويتين معلش لانى عاملة بسرعة من الى بشوفة دلوقتى وهنا فى المنتدى مش برة في زماننا فقدنا أسمى علاقة على وجه الأرض وهيالأخوه .. في زماننا الأخ يبيع أخيه , في زماننا الأخ لا يحن على أخية , الأخ يصل لدرجة قتل أخية ... لمــاذا ؟ أمن أجل مال زائل .. أو لحظة غضب .. لماذا أصبح قلوب الناس كلها كراهية .. لماذا أصبح الحقد يتوسط صدور الناسبدل الطيبة .. لماذا لم نعد قادرين على مسامحة الغير مع إن الله سبحانةوتعالى يسامح عباده .. لماذا ترك الإنسان الطيبة والمحبة والود والمشاركة بالشروالكراهية والحقد والأنانية .. لماذا لا نغير انطباعنا عن شخص ما كان مش كويس مثلا فى الاول .. لماذا نتمسك برأينا حتى لو غلط واقتنعنا انة غلط .. لماذا كل سعينا وراء المنصب والجاه والمال ونترك اشياء كثيرة وهيا اهم بكثير .. الاسئلة كتيرة بس والله منا قادر اجمعها فبرأيكم من الذي تغير: أهو الزمن نفسة ؟ أم الإنسان الذي تغير ومات قلبة ؟ أو الدنيا والعولمة التي طرأت على عالمنا وعيشتنا والتطورالذي حل بالدنيا وبالتالي أثر على الأنسان ؟ ام برايكم شي آخر؟ هل اقول هي الدنيا.. ام أقول الناس عاوز اشوف راى حضراتكم فى رعاية الله |
بجد الناس بقت وحشة أوى
بس لو هجاوب على سؤالك يا محمد الاتنين اتغيروا الزمن اتغير والانسان اتغير وكلمة انسان دى قديمة مش تلاقيها الا فى قاموس يكون قديم أوى ممكن نستعير بدل منها لفظ تانى واللفظ المناسب يكون وحش اعتقد انه مناسب عن الانسان |
شوف يا محمد هو ايه ان الله لا يغير ما بقوم حتى يغيروا ما بانفسهم يعني التغيير الى الافضل او الاسوأ عائد للانسان نفسه ولا دخل على ما اعتقد لعامل الزمن ابدا يعني الناس بقت دنيوية شويتين عشان دي طبيعة النفس البشرية بتتطلع الى الافضل وعشان في ضعف ايمان بقى التطلع للافضل بيقتصر غالبا على الجزء الدنيوي فقط وبدا كتير يهمل الجانب الديني صحيح ما بيهملش كلية لكن ما بيبقاش عندهم التطلع للاعلى فيه زي الدنيوي وطبعا ده مش تعميم ده كلامي على الشريحة اللي انت بتشتكي منها دلوقتي اللي هما بقوا وحشين وكده في حاجة دلوقتي خدت بالي منها وانا برجع لكلامك فوق انك قلت ف المنتدى هنا مش بره اولا انا ف الاول كنت هاقولك ان موضوع زي ده غالبا بنكتبوا عشان بنبقى مخنوقين من سلوك حد معين او تعامل وحش اوظن سيء او ظلم تعرضناله فبيبقى زي فضفضة او ..........يعني شيء من هذا القبيل بالنسبة بقى للناس اللي هنا ع المنتدى بيعملوا كده فده ممكن تعتبره حد عاوز يثبت شخصيته او بيكمل نقص او مالى ذلك وما عليك الا الصبر والنصيحة والاسلوب الجميل اللي انت عارف كويس انو بيجيب نتيجة حلوة جدا ....فاهمني |
وعليكم السلام ورحمة الله وبركاته نعيب زماننا والعيب فينا وما لزماننا عيب سوانا ونشكو دهرنا من غير ذنب ولو نطق الزمان بنا هجانا أعتقد أن سبب كل المشكلات التى نعيشها هى بعد الناس عن منهج الله ( إلا من رحم الله) الذى ارتضاه لنا فكل صانع أعلم بما يصلح صنعته ولله المثل الأعلى فالله وضع لنا شرعا ومنهاجا من استقام عليه هداه إلى سواء السبيل ومن بعد عنه فلا يلومن إلا نفسه |
اول الكلام السلام عليكم و تانيه بقى االموضوع مش ملخبط و لا حاجة انما بقى بالنسبة لسؤالك الزمن استحالة يتغير الانسان هو اللى بيتغير فيه ناس بتتغير للاحسن و ناس بتتغير للاسوء و كل واحد بيشوف الحال اللى هو عايز يوصل له و يعمل على اساسه و نرجع و نقول ((ان الله لا يغير ما بقوم حتى يغيروا ما بانفسهم)) شكرا يا محمد على الموضوع الجميل دة و ليا عودة تانى ان شاء الله |
دايما اسمع جملة الزمن اتغير ـــ الزمن بقا غير الزمن
مع ان الزمن هو هو دايما كدا الزمن بيتغير من حوالينا ونقول الزمن بقا وحش مع ان نعيب زماننا والعيب فينا وما لزماننا عيب سوانا ونهجو ذا الزمان بغير ذنب ولو نطق الزمان لنا هجانا اظن دا يكفى |
بوص يا محمد يا حبيب قلبي الإنسان هو اللي إتغير مش الزمان عندك الدنيا هي الدنيا و الوقت هو الوقت و كل حاجة زي ما هي بس الإنسان هو اللي لازم يبوظ كل ده بصفاته بأفعاله بأفكاره بغروره و حط تحت دي 100 خط كل واحد فرحان بنفسه و بيحسب هو الصح و الناس كلها غلط مع إنه والله بيعد مع نفسه و بيعرف كده بس بيكذبها بس سيبها لله و شد حيلك في الإمتحانات :):):):) |
محمد اولا شكرا على موضوعك دة ثانيا انا اقول اذا ضاعت التربية من البيت ضاع كل شيء واذا ضاع الضمير هان علينا كل شيء واذا ضاعت الاخلاق فعلنا كل شيء سواء كان حراما او حلالا واذا ضاع الحق اذا علينا انا نقول خلاص لقد ضاع الانسان والزمان. محمد احنا اللى بأدينا نرجع الزمن حلو من تانى بس هنقول لمين يا راجل دة لما تيجى تقول واحد ياراجل حرام اللى بتعملة فى نفسك دة يقوللك وانتا ماللك هوا انتا اللى هتحاسبنى اكيد انتا فاهم انا قصدى اية .............. شكرا لك يامحمد |
ربنا يستر علينا فى الايام دى
|
ربنا يهدى الجميع
شكرا على الموضوووووع الرائع |
قبل ما تسأل مين اللى اتغير بص لنفسك الاول كام مره عديت من شارع وشفت غلط وما حاولتش تنصح او ما حاولتش تغيره بص لنفسك كام مره سكت على عيب او داريت على حرام بص كام مره بتقول انا مالى ف اليوم وبعدين اسأل الزمن اللى اتغير ولا احنا اللى اتغيرنا ولا احنا اتولدنا لقينا نفسنا كده وبينى وبينك الموضوع خلاص مبقاش فارق واعملى زيى انا بصراحه مبداى
" انما الجحيم هو الاخرون " خليك بعيد احسن |
اقتباس:
والله ياهانى عندك حق وربنا انا بقيت اتعب نفسيا لما افكر فى الكلام دة الف شكر ياهانى على الرد والمرور جزاك الله خيرا فى رعاية الله |
اقتباس:
مممممممم مش عارف بس هوة لما يكون عاوز يثبت شخصيته يثبتها بالطريقة دى مظنش ياهنا واحنا كلنا مفيش قدامنا غير الصبر والدعاء لهم بالهداية ربنا يهديهم ويهدينا جميا امين يارب فاهمك طبعا شكرا ياهنا على ردك الرائع جزاكى الله خيرا ربنا يبارك فيكى يارب فى رعاية الله |
اقتباس:
فعلا والله كلامك صحيح جزاكى الله خيرا شكرا على الرد وعلى المرور فى رعاية الله |
اقتباس:
العفو ربنا يخلكى شكرا على المرور جزاكى الله خيرا منتظر عودتك ان شاء الله فى رعاية الله |
| جميع الأوقات بتوقيت GMT +2. الساعة الآن 09:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.