|
مصر شريكة اسرائيل في الحرب علي غزه
بسم الله الرحمن الرحيم السلام عليكم ورحمة الله وبركاته الموضوع عن الحكومه المصريه والشعب المصري وحكام العرب رئينا جميع الدول تنتقد مصر في رفضها لفتح المعابر وكمان سمعت ان كان فيه طائرت مساعدات قعدت ثلاثة ايام عشان تدخل غزه ومش عارف دخلت ولا لاء النهارده سمعت عن خمسه مصريين اصيبوا بصاروخ اسرائيلي والله عارف النتيجه اسرائيل هتقول اسفين خطأ حقكم علينا ومبارك هيقول ربنا يشفي يارب وحتي لوماتو كلاب وراحوا وكمان طيارات اسرائيليه في مصر بتقصف غزه الله اكبر احنا ناقصين نحارب مع اسرائيل العالم كله شايف ان مصر شريكه في الحرب يعني مش انا بس اللي بقول كده مصر طلبت انها عشان تفتح المعابر لازم حكومة فلسطين متمثله في حركة فتح تكون موجوده وده طبعا مستحيل مصر طلبت شيئ مستحيل عرفت كمان ان الحكومه المصريه تستعين بخبراء اجانب عشان تكتشف الانفاق التي تهرقب السلاح الي غزه وكمان سمعت حوار وزير الخارجيه احمد ابو الغيط كان بيتكلم وبيقول ان الرئيس مبارك كان متوقع ان اسرائيل هتحارب غزه فقال (هاتولي الست دي ) رئيس جمهورية مصر العربيه بيقول علي وزيرة الخارجيه الاسرائيليه (هاتولي الست دي ) في مصر لما يتعمل مظاهرات عشان غزه يتم القبض عليهم بحجة انهم جماعة الاخوان المسلمين __________________________ والعرب طبعا كلهم يهاجموا مصر علي موقفها من الحرب وللاسف محدش بيعمل حاجه يعني بالبلدي كده جمايل علي قفا غيرهم احنا العرب كده ديما مسمعتش عن دوله طردت السفير الاسرائيلي في دول العرب احنا كام دوله يعني عربيه لو كل دوله طلعت جيشها وقلنا بس ده اسمه جيش العرب اسرائيل هتترك فلسطين بأكلملها تعرفوا ليه لان ساعيتها مش هيكون في حاجه اسمها اسرائيل العرب والله العظيم انا مكسوف اني عربي والله بجد انا عاقل وعارف انا بقول ايه يعني العرب يجتمعوا في جامعة الدول العربيه عشان نحول القضيه لمجلس الامن يعني بنحول القضيه للناس اللي هيا اساس الحرب حاجه غريبه والله ______________________________ القضيه محلوله وسيبنا بقي من الكلام عشان تعبنا وربنا كل دوله تطلع جيشها وتقول هنحارب كل دوله تطرد الكلب السفير الصهينوني من عندها وتسحب سفيرها كل دوله تمنع تصدير اي حاجه بتصدرها لاسرائيل وطبعا علي رئسهم الغاز اللي بنخسر فيه طبعا انا مخلصتش كلامي منتظر تعليقاتكم ولي عوده ان شاء الله |
يا جماعة ارحموا مصر شوية اولا كل المصريين ثائرون لما يحدث فى غزة و لكن يجب ان ندرك جميعا ان مصر منذ خلقها الله هى قلعة العروبة و حمايتها و يجب ان نتذكر ان جيوش مصر هى التى حررت ارض الاسلام كلها من الصليبيين بعد ان احتلوا كل اراضى المسلمين و لكن وحده الجند المصرى من قاتل و حارب لا ليطرد الصليبيين من مصر فقط و لكن حتى تحرير القدس قبل ان يحتلها الصهاينة و ايضا جيوش مصر هى التى حررت ارض الاسلام من غزو التتار وصولا الى بغداد فالجيش المصرى لم يكن فى يوم من الايام يهوديا او محتلا فالجيوش المصرية هى التى تصدت الى الصهاينة فى 1948و العدوان الثلاثى : انجلترا و فرنسا و اسرائيل فى 1956 و النكسة فى عام 1967 و الانتصار فى 1973 يعنى اربع مواجهات مصرية - اسرائلية فى حين ان باقى الدول لا يعرفون ما معنى حرب هولاء الذين يتكلمون عن الحروب و الذين لم يشهدوها بالطبع لا يدركوا معنى ان يستشهد اكتر من 80 الف (80000) جندى مصرى فى غضون 12 ساعة فى حرب 1973 لكى يعبروا قناة السويس و ياتى بعد ذلك من يتهمهم بانهم خونة و عملاء بسبب كامب ديفيد مصر هى التى تبعث بمعونات دائمة للشعب الفلسيطنى الشقيق رغم ان اكتر من ثلث المصريين يعيشون تحت خط الفقر مصر التى منذ اول ايام القصف قامت بتجهيز 4 مستشفيات كاملة خلال ساعات و ارسال المرضى فيها الى مستشفيات القاهرة لتكون تلك المستشفيات ملاذا لجرحى القصف مصر التى سارع اهلها الى التبرع بدمائهم من اجل الجرحى اكثر من 700 لتر دم تم التبرع بها فى غضون ساعتين او اقل مصر التى سارع اهلها بشراء المساعدات للفلسطنين من اموالهم الخاصة التى بالكاد تكفيهم مصر التى فتحن معبرها للجرحى قبل ان تمنعهم حماس من المرور لماذا مصر مطالبة بالرد و قادة حماس يعيشون فى هناء و راحة فى سوريا و الاردن و لبنان فى حين ان مصر عندما قاتلنا كان اول شهدائنا من القادة عاطف السادات اخو الرئيس الراحل انور السادات هو اول شهيد مصر على ارض سيناء الطاهرة عبد المنعم رياض القائد الذى سقطت عليه دانة وسط جنوده عللى الجبهة المهندس احمد حمدى الذى اصر على الاشراف على بناء الجسور بنفسه قبل ان يستشهد على الجبهة كل هولاء ماتوا وسط جنودهم و قبلهم اما قادة حماس فقط يتابعون من الدول الاخرى و لكن ان يصل الامر الى ان ارى موضوعا فى منتدى ما عنوانه "" الله اكبر العرب يحرقون السفارة المصرية فى الاردن "" الى هذا الحد وصل الامر ان نترك سفارة اسرائيل فى الاردن و نحرق سفارة ارض الكنانة الامر رهيب و قد نجح اليهود فى جعلنا نترك المعركة الاساسية و نتقاتل داخليا ان يقتل احد جنودنا المصريين و هو على ارضه برصاص الفلسطنين هو الكارثة و كم كنت اتمنى ان تكون تلك الرصاصة فى صدر احد الصهاينة و ليس فى صدورنا نحن فى النهاية مصر و شعبها قد عانوا من ويلات الحروب واحزانها على مر التاريخ منذ ايام الهكسوس حتى الصهاينة كما لم تعانى دولة اخرى ========================== و بعد كل ذلك ياتى من يقول على جيش مصر يهودى و عميل وهم من قال عنهم اشرف الخلق سيدنا محمد صلى الله عليه وسلم "" اذا فتح الله عليكم مصرا فاستصوا بحنودها خيرا فهم خير اجناد الارض"" صدق رسول الله صلى الله عليه وسلم و فى النهاية اعذورنى فكل العزاء و الصبر و المجد لهؤلاء الشرفاء الذين يقاتولن من اجل العزة و الكرامة و تاكدوا اننا المصريين معكم قلبا و قالبا و لكن حقيقى مصر ليست فى مقدورها الدخول فى حروب اخرى فى ظل وضعها الحالى ============================== مصر ارض الكنانة |
العضو الفاضل
اولا اشكر علي المشاركه الجميله ولاكنك تتكلم عن الماضي فالجميع يفتخر بالماضي واما الحاضر وما يحدث الان عار علينا عار علينا عار علينا |
نعم نحن ما زلنا نعيش فى الماضى
نفتخر بالماضى لكن فى ظل العهد اللامبارك لم يعد لنا حاضر ناهيك عن المستقبل القضية يا سادة فى اناس لايهمهم الا كرسى المملكة ليس له فانه نافق لا محالة لكن لذريته من بعده |
aly almasry
مشكور للمشاركه جزاكم الله خيرا |
مش عارفه اقول ايه بجد
المشكلة فى تخاذل الحكام العرب وبجد كده الحكاية زادت اوى عن حدها كل حاكم ماسك فى كرسيه وخايف على ارصدته فى البنوك الاجنبية كل واحد منهم نايم فى العسل ويقول مش هنحارب الا اذا اتهز امننا القومى اصل امننا القومى فى رضا اسرائيل عننا وهى الحمد لله راضية عننا ع الاخر عشان احنا قاعدين ساكتين ومؤدبين ومافتحناش بقنا وماقلناش كلام عيب ولا قولنا اسرائيل وحشة ولا قولنا اللى بيعملوه ده اسمه ارهاب واجرام لا ده احنا بنساعدهم وبنتمنى رضاهم بس ياريت محدش يقول كلام يضايقهم ياجماعة عشان امننا القومى اصل اللى هيتكلم ولا هيعترض هيغضب عليه القوتين العظمتين فى العالم وده كلام برضه هو احنا عايزين ايه غير رضاهم علينا بس بس احب اطمنكم ياجماعة اوعوا تقلقوا احنا امننا القومى بخير والحمد لله وحدودنا متامنة كويس ضد المقاومة الارهابية الحمساوية دول عايزين يولعوها دول مجانين اكيد فى حد يعمل كده برضه فى حد يقول لاسرائيل لا؟؟ تؤتؤتؤتؤ ده احنا لازم نموتهم كلهم بس كويس اسرائيل قايمة بالواجب لا واحنا ايه مش ساكتين حكامنا ميه ميه بيساعدوا فى القضاء على الارهاب امال ايه احنا مش ساكتين يعنى غاز بنديلهم تصريحات نارية معادية للمقاومة شغالة ليل نهار بنقفل عليهم كل حتة ممكن يجيلهم منها اسلحة( اصل خيارنا السلام ) فلازم كلنا نشيد بدور مصر فى القضاء على الارهاب طبعا مصر هى الاولى فى حملة القضاء على المقاومة وارهاب الاسرائيلين اللى عايزين يعيشوا فى سلام ياعينى |
جزاكي الله كل الخير اخت مشتاقه لرضا الله
كلام في الجول زي ما بيقولوا حسبنا الله ونعم الوكيل |
البيضة ولا الفرخة
مين الاول فيهم ؟ |
اخ اشرف مش فاهم حضرتك تقصد ايه بصراحه ؟؟؟؟؟؟؟؟؟؟؟
|
جيوش عربية مين ديه هو فى بلد عربية غير مصر عندها جيش
و كمان امريكيا لها قواعد حربية فى بعض البلاد العربية يعنى من الاخر اللى حيحرب هى مصر و بس تقدر تقولى كام واحد مصرى استشهد فى الحروب و كام واحد من بره مصر استشهاد ؟؟؟؟ يعنى كلام ان مصر عميلة لاسرائيل ده كلام اى هبل و كل واحد بيقول كدة عشان يخلى مسئوليتة و خلاص و مصر الشماعة اللى تتعلق عليها الحرب |
يا جماعة انتوا برضه مش فاهمين الرأي بتاعي انا طبعا مش عاجبني باي حال من الاحوال اللي بيحصل في غزة بس مش مفروض اننا نسيب الاصل و نبص للهوامش يعني مفيش اي حد دلوقتي بيفكر في اللي بتعمله اسرائيل والدول اللي بتساعدها كله بيفكر بس في ان مصر ازاي موافقة على كدة وانا برضه مصمم ان اسرائيل نجحت في انها بعدتنا عنها وخلتنا بنفكر اننا ممكن نحارب بعض علشان الخلافات دي بس يا جماعة عدم دخول مصر في حرب على اسرائيل مش خوف لكن هي بتعمل حساب حاجات قعدنا نبني فيها سنين وممكن تتهد في ثواني وياجماعة انا باكدلكم ان مصر مش ممكن تتخاذل عن نصرة اهل فلسطين بس لو تقرر ان هيبقى فيه حرب لازم كل الدول تتحد مع بعضها مش نقعد مستنين ان مصر تعمل كل حاجة ولكم جزيل الشكــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــر |
يا جماعة انتوا برضه مش فاهمين الرأي بتاعي
انا طبعا مش عاجبني باي حال من الاحوال اللي بيحصل في غزة بس مش مفروض اننا نسيب الاصل و نبص للهوامش يعني مفيش اي حد دلوقتي بيفكر في اللي بتعمله اسرائيل والدول اللي بتساعدها كله بيفكر بس في ان مصر ازاي موافقة على كدة وانا برضه مصمم ان اسرائيل نجحت في انها بعدتنا عنها وخلتنا بنفكر اننا ممكن نحارب بعض علشان الخلافات دي بس يا جماعة عدم دخول مصر في حرب على اسرائيل مش خوف لكن هي بتعمل حساب حاجات قعدنا نبني فيها سنين وممكن تتهد في ثواني وياجماعة انا باكدلكم ان مصر مش ممكن تتخاذل عن نصرة اهل فلسطين بس لو تقرر ان هيبقى فيه حرب لازم كل الدول تتحد مع بعضها مش نقعد مستنين ان مصر تعمل كل حاجة ولكم جزيل الشكــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــر |
بصوا يا جماعة مصر مش لوحدها اللي تتلام انا مش عارف ليه كل الدول العربية بتقول مصر مصر مصر
ليه بقيت الدول ما حاولتش تعمل حاجة مش مصر بس الللي علي حدود فلسطين انا معاكم ان الحكام العرب بيتخاذلوا وان كل واحد عايش علشان يفضل الحاكم وبس ده علشان هما عايزين الدنيا مش عايزين الاخرة كلهم خايفيين بصراحة انا شايف ان الشيعة اجدع مننا بدليل انهم في ايران هما الدولة الوحيدة اللي في العالم الي بتقول لامريكا لا وبتعمل اللي هي عايزاه لكن الحكام العرب امريكا تقول اعملوا كذا يقولوا حاضر يا ماما متعملوش كذا حاضر يا بابا واكبر علطة عملها السادات هي معاهدة كامبي ديفيد لانه كان المفروض لو عايز يحل الموضوع كان يحل مع العرب كلهم مش مصر بس وكمان اليهود معروفين انهم لو عملوا عهد نقدوه فارجوا من الناس متحملش المسؤولية علي مصر وكمان الاسلحة اللي بتوصل للمفاومات الفلسطينية بتوصل من مصر يعني مصر بتشارك في مقاومة اليهود |
السلام عليكم ورحمه الله
طبعا يا جماعه كلامي هيضايق البعض بس هاقوله لاني مش بعرف اجامل أولا: مش طرد السفير الاسرائيلي ولا الغاء معاهده السلام معاهم هي اللي هتحل المشكله ولا هتوقف الضرب ثانياً: يوم مانتخذ خطوه المفروض يعني تكون خطوه تنفيذيه وغير معروفه من القيادات العليا وأقسم بالله لو أي رئيس غير حسني مبارك لكان ورط مصر في الحرب مع الفلسطنين والاسرائيلين ولكنه خد الموقف بدبلوماسيه عاليه عشان الظابط الله يرحموه اللي مات علي المعبر وعشان الاطباء اللي اتصابو من القصف بس برده مش معقول هنضيع شعب كامل ونقطع اسرائيل عشان دول مع عزتي وتقديري ليهم ودعائي لهم بالرحمه والشفاء يعني يا جماعه أرجو اننا نرد عليهم بتفكرهم وليس بتفكرنا زي ماعمل السادات وهاجمهم فجائي في 73 زي ماعملوا معانا في النكسه في 67 فريت يا جماعه اللي يقول رأيه يقولوه بعد قراءه و مشاهده الاحداث بالكامل مش خبر يشوفه من جريده معوقه زهنيا :ال ايه نطرد السفير و نفتح معابر علي طول ونلغي المعاهده ده كلام غبيييييييييي وبكرر غبيييييييي وبكرر غبيييييييييييييي لاننا لازم نفكر بدبلوماسيه وليس بهمجيه وشكراً لحضراتكم |
انا اؤيد قرار مبارك بغلق المعابر
|
| جميع الأوقات بتوقيت GMT +2. الساعة الآن 01:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.