|
اثبت لنا انك فى كلية الاداب .. هتقدر ؟؟
السلام عليكم ازيكم كل اعضاء قسم كلية الاداب يارب تكونو بخير انا هدخل فى الموضوع على طول بصو بقى انا لما عملت مقارنة بين قسم كلية الاداب واقسام الكليات الاخرى لقيتة نايم خالص طبعا كلكم ملاحظين كدة طيب ان قعدت افكر اعمل اية علشان القسم دة يبقى نشيط زى الاول تانى طبعا جية ليا كذا فكرة بس مش هقولها دلوقتى الا بعد امتحاناتى ان شاء الله وقلت اعمل الموضوع دة لية بقى علشان كل واحد عاوز يثبت لنا انة فى كلية الاداب فعلا يقول لنا اقتراح كويس ينشط القسم منتظر اقتراحات حضراتكم ان شاء الله ملحوظة الموضوع دة انا معرفتش اتكلم مع مستر مينا الفترة الى فاتت ومعرفتش اخد راية فى الاقتراح دة ياريت ميزعلش منى فى رعاية الله |
هو فى كذا إقتراح بس يمكن مش هيكونوا حلول مناسبة أوى أقولهم وخلاص يعنى نحاول مع زمايلنا اللى بيدخلوا على النت يشاركوا فى الأقسام وممكن نبدأ بنفسنا .. يعنى نقدم فى القسم كل قدرتنا من النشاط التعليمى .. منه مذاكرة ومنه تنشيط للقسم و فى نفس الوقت لو حد من زمايلنا محتاج محاضرة كذا بتاع دكتور فلان .. أه دا موجود فى منتدى الثانوية فى قسم الكلية و ممكن كمان نعمل دعاية فى الموقع نفسه لطلاب المرحلة الثانوية .. مع إن محدش بيدخل القسم كتير .. بصراحة مش عارفة إزاى نحبب طلاب الثانوية فى الكلية ؟؟ .. هما أصلاً مش طايقين الدراسة :( لو خطر على بالى فكرة أحسن هقدمها فى الموضوع بإذن الله وجزاكم الله خيراً |
اقتباس:
شكرا جزيلا اسيل على الاقتراحات الجميلة والله جزاكى الله خيرا انا عن نفسى هبدا انفذ فى اقتراحك الاول ان شاء الله من النهاردة بس اقتراحك التانى انا مش فاهمة قوى ياريت لو حضرتك تقدرى توضحية ليا شوية اكون شاكر فضل حضرتك وجزاكى الله خيرا فى رعاية الله |
مش عارفة أوضحها بالظبط بس يمكن كليتنا بتفيد طلابها أكتر من بعض الكليات الأخرى فا إقتراحى كان على إننا نحاول نحبب أعضاء المنتدى فى الكلية للإستفادة وبرده هيكون دورنا على طلاب الثانوية بالتحديد يمكن حد منهم ينطص فى نظره ويدخل الكلية وبكده يبقى القبيلة زادت نفر:romarioxp6: بس هنعمل كده إزاى .. مش عارفة!! يا رب أكون قدرت أوضح الإقتراح أكتر و ربنا يوفقنا جميعاً |
معلش عارفة إنى رغاية أوى بس وأنا بتمشا فى الكليات اللى جمبينا لقيت موضوع عجبنى فا قلت محدش أحسن من حد يعنى كل واحد ينزل إمتحاناته فى موضوع خاص بقسمه و أكيد هيكون إفادة للجميع وخاصةً الدفعات اللى بعدينا أى خدمة مشغلة الموضوع أهو تمام ;).. المفروض أخد عمولة:d |
اقتباس:
دا اعتداء على الحقوق الفكريه ههههههههه بهزر طبعا اوعى تصدقى :d فعلا فكرة الموضوع الى عملته شيماء جميل وياريت يتنفذ فى الاقسام كلها هيبقى لذيذ |
اقتباس:
بصراحة الفكرة عجبتنى جداً وجارى تنفيذها و يلا إمشى من كليتنا لحسن أندهلك الأمن :romarioxp6: هههههه منور الكلية يا حاج محمد .. ومعلش بقى إقتبست الفكرة ،،منكم نستفيد :d |
اقتباس:
انا فهمت قصدك بس انا حاسس انة هيبقى صعب تنفيذة شوية صح ؟؟ لو ندك طريقة حلوة ننفذها بية قوليها ان شاء الله نفذها اقتباس:
فعلا والله فكرة حلوة قوى وانا ان شاء لله هبدا نفذها من بكرة ايوة فعلا انتى الوحيد الى مشغلة الموضوع عمولة اة مش اما اخد انا الاول ههههههههههههههههه الموضوع كلة تحت امرك اتفضلية :) اقتباس:
روح ياحبيبى العب بعيد ولا روح العب قدام كليتكم علشان انا هرش ماية دلوقتى هههههههههههههههه منور يامحمد امشى بقى :slap1qk6: هههههههههههههههههههه |
اقتباس:
اولا ... شكرا علي مجهودات حضرتك في قسم كليه الآداب... ثانيا....بالنسبه للفكره ..فعلا فكره رائعه .... ثالثا...الموضوع موجود فعلا في القسم يوجد في القسم موضوع اسمه ارشيف الامتحانات ( موضوع مثبت ) و ياريت الجميع يساهموا فيه و انا وضعت مجموعه امتحانات و سوف اضع مجموعه امتحانات جديده قريبا ... |
بجد موضوع تحفه
عاوزين الحق اول مره الاقي موضوع يشدني كده انا فكرتي نعمل ساحه للتعارف او الدردشه يعني نخرج شويه عن موود الدراسه وغيره افتكر دا هيفيد كتير اوي وبجد الموضوع حلو اوي وفكره لذيذه جدا |
السلام عليكم
بجد الموضوع جميل جدا أنا بصراحة كنت مبسوطة جدا بالقسم ده وقلت إنه هايفيدنى كتير خاصة إنى ف سنة أولى , بس بصراحة الواضح إنى أنا الموحيدة اللى ف قسم أسبانى . بس أنا عندى فكرة حلوة : هانوف المواد الممتدة المشتركة بين جميع الاقسام ونذاكرها وننزل التلخيص بتاعها وياريت حد يكون متمكن منها وينزلها ع الغرف الصوتية . وبجد جزاكم الله خيرا . . . . @خوخة@ أولى أداب جامعة القاهرة قسم : أســــــــــــبـــــــــــانـــــــــي |
جزاكم الله خيرا
|
الصراحة انا عضوة جديدة ومسجلة فى المنتدى هنا مخصوص علشان القسم دا
انا فى اداب انجليزى وعجبنى كتير من المواضيع اللى هنا بس كان فى عندى تعليق بسيك وياريت تتقبلوه بصدر رحب انا مش عجبنى ترجمة الروايات للغة العربية والاعتماد عليها بشكل كلى مترجم فيه تفاصيل كتير فى الرواية مش بتتفهم الا لما تكون بلغة الرواية نفسها حتى ع الاقل علشان يكون فيه ترابط فى الاحداث والافكار اللى تناولها وتسلم ع الموضوع وان شاء الله ننشط القسم دومت بخير احتراماتى |
ازيكم يا جماعة وحشتونى جدا جدا والله وفكرة الموضوع عجبتنى جدا وانا مع اقتراح اسيل اننا نجمع كل الامتحانات وننزلها عشان اللى بعدينا يستفادوا برده
وانا كمان عندى فكرة بسيطة كدة احنا طبعا عارفين ان كلنا فى كلية اداب عندنا مواد ممتدة ومشتركة بينا فاحنا كل يوم نخلى واحد مننا يجى ويقولنا ملخص عن فصل معين فى المادة دى وهكذا كل يوم واحد مننا يعمل كدة او ممكن متبقاش كل يوم ممكن تبقى كل 3 ايام او كل اسبوع دمتم بود ومشكور يا لورد على موضوعاتك الجميلة وشكرا مستر مينا على اهتمامك بالقسم |
هو الموضوع ده نام كده ليه إصحوا يا جماعة :028ja7: عايزين إقتراحات :bosyht9: |
| جميع الأوقات بتوقيت GMT +2. الساعة الآن 03:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.