مين قلكوا يا جماعة إنه امريكاً لسه محتلتناش
امريكاً ليها قواعد في كل الدول العربية حتى في السعودية نفسها
ده غير اللى بسمعه عن مقر صواريخ نووية وحاجات زي كده في قلب السعودية واللى حواليها
وبعدين حاجة تانية
لما قفلنا معبر رفح ده كان شيء طبيعي جداً
ازاي تبقى بلد في حالة حرب ويفر سكانها لدولة تانية بدون مقدمات ؟؟؟
يبقى كده هي بتدخل البلد التانية في المشكلة معاها
افرض اسرائيل منشنة على واحد معين وراح دخل من رفح
يبقى كده مصر حتقع في مواجهة مع اسرائيل لأنه صاروخ تخطى الحدود
للأسف الحماس واخدكم كلكم وكل واحد بيتكلم بدون ما يحسبها صح
الحركتين اللى حصلوا دول نسوكم إنه في كمان حرب في العراق
يعني احنا لو اتحركنا لازم نتحرك في الاتجاهين
فلسطين والعراق
وكلاهما مفككين من الداخل
ازاي احنا عايزنا نساعد ناس هما اصلاً مش بيساعدوا بعض
وبعدين الشخصية المصرية عندهم احقر الشخصيات
والامثلة اللى بتحصل في السعودية او في الكويت تبينلكم
خلاص احنا ندافع عن نفسنا وملناش دعوة بحد
مش هما اللى معاهم الفلوس وهما الملوك وهما جيران فلسطين والعراق
صحيح مصر على حدود اسرائيل بس مصر في افريقيا
لما تخلص الدول اللى في اسيا ويطلب مساعدة يفكروا في مصر
وبعدين انتوا عايزين تساعدوا فلسطين دلوقتي ليه
هما مش عايزينكم
وضربولكم أحد قواد الضباط عالحدود
وبيقولوكم يا خونة ومش عايزين يبعتولنا الجرحى يتعالجو عندنا
خلاص نبوس رجليهم ونقولهم آسفين احنا بجد عايزين نساعدكم من قلبنا
للأسف احنا طيبين زيادة عن اللزوم
وطيبتنا ده خلت الناس تاكلنا
لما تبقى الناس تعترف بالشخصية المصرية اللى ليها فضل عالعالم كله نبقى نساعد الناس
بس في الاول احنا محتاجين نحارب الشر اللى فينا في الاول
وكان في حد قال
لو طلبنا مساعدة من الدول العربية حتلبيلنا
طب ما فلسطين طلبت مين عبرها ؟
عراق طلبت مين عبرها ؟؟؟
دول بتحصل فيها مجاعات مين عبرها ؟؟
احنا يوم معملنا اتفاقيات مشتركة مع سوريا في الستينات والسبعينات ايام الحرب
المعاهدات مكملتش 3 سنين ووقعنا في بعض
أي دولة سوف تساعدنا الآن وهي تعتبرنا موالين لاسرائيل
اي دولة سوف تساعدنا وهي تخشى مجرد التفكير في مواجهة الدولة الام (اسرائيل)
أي دولة سوف تساعدنا وهم مغمورون في خمورهم يلهون ويعبثون ويخشون على اموالهم الضياع
اي دولة سوف تساعدنا وهي ليس لديها جيش اصلاً يمكنه مواجه اسرائيل او قرينتها
أرجوكم
اتركوا غزة ولا تتكلموا عنها
انظروا إلى انفسكم ولا ترون كل شيء من منظوركم الصغير الناتج عن الطيبة والغيرة عن الدين
انا لم اقل لا تتحركوا لما حصل بغزة
ولكن اقول لكم تحركوا لأنفسكم اولاً
لا تطالبوا بالجهاد الدنيوي وانتم لم تجتازوا الجهاد الديني
لا تعتمدوا على مساعدة الغير في الوقت الذي يقول كل شخص فيه
نفسي نفسي
هذه ليست نبرة يأس ولكنها نبرة الغضب لما يحدث الآن
في العراق مثلاً
تلقى معارك بين السنة والشيعة وعشرات القتلى عشان فقط الاختلاف في المذهب !!!
طب لو كانوا مسلمين ومسيحيين كان المفروض يعملوا ايه
دنتوا حتى مسلمين
تقاتلتم بينكم حتى تركتم الارض ممهدة لأعدائكم
انا آسف لو كنت خرجت عن نطاق الحوار او اغضبت احدكم ولكن يجب على كل شخص ان يتكلم بصراحة
العرب هم امة المليار
ولكن للاسف مجموعة منهم منشغلة بملذات الدنيا
والمجموعة الثانية تتحارب مع الثالثة
والمجموعة الرابعة تعيش شدة الفقر الجوع
والمجموعة الأخيرة وهم امة العشرات الباقية تناضل في سبيل آخر لحظات في الحياة
كستحيل بالشكل ده نبقى امة واحدة
احنا كده مبقيناش الوطن العربي
احنا بقينا تجاور الاوطان العربية
فين بقية الدول
هي مصر لوحدها الملزمة تدافع عن العرب كلهم ولا ايه
ايوه احنا اقوى شعب لما كنا بنتبارز واحد لواحد
السيف للسيف والدرع للدرع
لكن مش ييجي واحد يضرب صاروخ ونقول المصري قوي حيتصدى للصاروخ ده بالبندقية القديمة بتاعته
اصله قوي
دلوقتي مقياس القوة اختلف
القوة بقت التكنولوجيا
امريكا تقدر تدمر مصر وهي في مكانها بالتكنولوجيا
صدام حسين لما حبوا يجيبوه طلعوا من تحت الارض
بصراحة مش عارف اقول ايه
لسه الناس بتقول لو الرسول كان هنا كان عمل ايه
الرسول (صلى الله عليه وسلم) كان رمز المسلمين
كان كله لازم ينفذ امره في اي مكان
لكن دلوقتي مين القائد
خليه قائد الثورة والمقاومة قائد حماس
لا حماس مين نشوف رئيس فلسطين
وليه فلسطين خلي مبارك زعيم العرب
واشمعنا مبارك
ميبقاش ليه خادم الحرمين الشرفين من منطلق الدعوة الدينية من مكة
لأ خلاص كل واحد خليه لوحده ينام في بيته لحد ما امريكا تخبط على بيته
بس قبل مخلص ليا سؤال أخير
سيبك من علم مصر بالقصف على اسرائيل قبل وقوعه
مصر لما شددت الحراسة على الحدود كان ده
1- عشان مصر تحمي نفسها من الخطر؟
ولا
2- تساعد اسرائيل في ضرب الطوق على فلسطين ؟
انا من وجهة نظري الاولى
|