بسم الله الرحمن الرحيم
السلام عليكم ورحمه الله وبركاته
بصراحه انا فكرت اكتب الموضوع ده لانه بجد مهم جدا جدا جدا ومتهيألي للبنات اكتر .. الموضوع ده اثر فيا كتيير من ساعة ما جاني واحد صاحبي من فترة ولقيته متغير خالص وحزين جدا سالته ايه السبب .. بكل بساطة قالي لا ابدا اصلي سيبت خطيبتي طبعا انا اتصدمت لانه معداش علي خطوبته شهرين ولانه من حكياته عنها انهم واصلين لعلاقة كويسة جدا مع بعض ومفيش اي مشاكل والبنت كويسة اوي معاه هوا ده اللي خلاني مستغرب ايه اللي حصل ؟؟؟ ايه اللي يخلي الدنيا تتغير في يوم وليلة وطبعا سالته ايه اللي حصل بينكم لاني حسيت منه انه جاي يفضض ليا وخصوصا اننا اصحاب اوي وطبعا قعد واتكلم معايا وكانت الاسباب كلها دايرة في حاجة واحدة بس هيا (((تفكير البنت صعب جدا وللاسف واللي عرفناه بعد كده ان مش هيا بس دول كتيير اوي او تقريبا كل اللي فالمرحلة السنية اللي فيها البنت دي انهم لهم نفس التفكير وهيا مرحلة الجامعه)))) ايه اللي حصل بالظبط مش عارف البنات بقت فكرتها عن الارتباط بقي (( معلش فالكلمة)) تجربة ولا مضيعة وقت ولا ايه بالظبط ؟
مش عارف المشاكل بينهم بدأت منين هوا قال وانا ياجماعه عايز اركز علي الكلمة دي اوي اوي ((زمايلي فالجامعه )) هي دي المشكلة قولتله ازاي يعني قالي بكل بساطة انها تعرف ولاد فسنها وفوق سنها وبتكلمهم وبيكلموها طبعا في ولاد هيقولوا دلوقتي وفيها ايه هقول طبعا ما أحنا الولاد عايزين نعيش حايتنا وخلاص ؟مش مهم بقي ايه اللي يحصل تولع الدنيا مش مشكله ايه يعني اعرف البنات واتكلم معاهم واهزر معاهم عادي وانا هقوله عندك حق مهو العيب مش فيك العيب للاسف في البنت بقي عادي بالنسبة لها . ايه يعني مفيش مشاكل بس انا فالاول لومت عليه قولتله ايه يبني انتا هتزر ما أحنا كنا فالجامعه وعارفين بنات رد وقال بس عارفينهم ازاي ؟؟ دي بتفرق قولتله ازاي يعني قالي احنا كنا عارفين البنات دي زمالة فقط لاغير بكل احترام وادب مثلا انا عايز المحاضرة الفولانيه انا عايزاك تشرحلي النقطة دي فالمادة بس مش توصل اني يكون معانا نمر موبيلات بعض ونكلم بعض الساعه 3 الفجر انا سمعت كده اتجننت؟؟!!!
قالي والله ده اللي بيحصل يعني العملية بقت سهلة اوي زيادة عن اللازم لدرجة ان البنت بقي يجيلها ميسدات ورسايل من زمايلها الولاد طبعا وهوا قاعد معاها فبيتها وترد تقول ده زميلي كذا طب ازاي هوا كده ينفع يابنتي هوا ينفع بنت تكلم ولد بمجرد انه زميل الساعه 3 بالليل والمصيبة الكبيرة كمان مخطوبة ؟! انا بجد مش عارف لو حد عارف يرد عليا ؟؟؟ طيب ياعم الولد انتا لو ليك اخت بنت ترضي زميلها يكلمها بالليل كده برضه يمكن تكون شخصيات مختلفة طيب تعالو بقي نعرف انا ليه كتبت الموضوع ده لان في ناس هتقول ما ايه يعني ممكن تكون البنت دي شخصيتها كده وفاهمه الدنيا كدة منا قولت كده برضه وولاد الحلال كتيير ياعم وربنا يعوضك ان شاء الله وبجد ياجماعه ادعولوا عشان حالته بجد صعبة نرجع للمضمون انا بقي كتبت الموضوع ده لاني عرفت ان في بنات كتيييييييييير اوي كده للاسف ومنين عرفت هقول لكم طبعا بعد ما صاحبي ده الموضوع هدي شوية وظبط نفسه كده قعدت اتكلمت معاه وقولتله ايه يارييس مفيش جديد لقيته محبط بقي وبتاع بس انا قولته هظبطك انا هجوزك ياعم طبعا مفيش غير الجامعات اللي فيها كميات البنات من جميع الاشكال والالوان قولت يلا نروح الجامعه والبنت اللي تستريح لها انا هخش عليها بكل ادب واعرف منها ان كانت مرتبطة ولا لاء ومن كده هاخد منها العنوان او نمرة والدها ونخلص المهم روحنا احنا مخلصين جامعه من 5 سنين مكنتش متخيل ان النظام اتشقلب كده ف 5 سنين المهم نمشي ان نلاقي بنت لوحدها ماشية
لا ابدا لازم ولد معاها ياريت بقي بيتكلموا عادي لا طبعا زي محكتلكوا فالاول يلهوي ايه ده والمصيبة ان اللى في فكر البنات انها لو معرفتش ولد فالجامعه متبقاش عايشة وكده يعني طبعا صاحبي شاف كده اتعقد اكتر وقالي مش قولتلك خلاص الدنيا صعبة ليكوا والحق انا كنت ناوي اخطب وارتبط قريب الواد سد نفسي ايه ده المنظر مش كويس بالمرة
السؤال هو: للبنت هل انتي راضية علي اللي بتعمليه ده؟؟؟
للولد : هل ممكن تفكر انك ترتبط ببنت بالمنظر ده وايه اللي يضمنك انها مش بالمنظر ده؟
ياجماعه انا سالت واحد صاحب واحد صاحبي سمعت عنه انه دنجوان بجد ومش عارف ايه كدا؟؟ قولتله يابني هل انت ممكن تكمل مع واحدة من دول وترتبط بيها بكل بساطة قالي مين ياعم انا ارتبط بواحدة ((((كنت ماشي معاها ولا مصاحبها))) لا طبعا
طيب البنات اللي شافو الموضوع هل فكرتي كويس انتي هتضمني اللي بيكلمك ده ازاي ؟؟؟؟؟؟ مش عارف هل بعد مسمعتوا قصة صاحبي ده وعرفتوا انه مش هيفكر فبنت تكون عرفت ولد قبل كده ومش هوا بس ده انا اكيد كده برضوا
ده رأيي ومش عارف مين معايا ومين ضدي( علي رأي احمد مظهر في واسلاماه)
ارجو مكنش طولت عليكوا بس معلش والله الموضوع خطير وحبيت اطرحه بشكل ظريف
ارجوا ان تكون فكرتى وصلت الموضوع للناس وشكرا علي اللي طولت عليه في كلامى