معلش يا دوك حصل خير
انا حسيت بغدر برضه عشان كدة محجزتش وقلت اقضيها ورق
خصوصا اني مجربة الهبل دة بما فيه الكفاية
ذاكر من الورق زي ما موني قالت
والسلايدز اهي مالية الدنيا وانت اللي منزلها كمان
وفيه ورق نازل في ايمان شفته مع صحابي
فيه زي صور للي هنشوفه تحت الميكروسكوب
بالمناسبة بقى انا كدة تقريبا قابلت كل بنات الملتقى
قابلت امبارح موني على باب محاضرة الاوبتكس والدنيا بتشتيييييي
وبصراحة بنت عسولة خالص
وجابتلي خبر زي العسل برضه وكنت هاطير م الفرحة
ربنا يخليكى يا قمر
خلينا نشوفك دايما بقى
انتوا كلكوا لذاذ اووى والله وقعدتكوا ميتشبعش منها 
عايزين تعرفو الخبر
هاقوله اخر البيان
وقابلت د.روني وهي كمان عسل خالص
واحلى م الصورة اللي وريتهالي كمان
و Dr ama قابلتها على باب الاوبتكس برضه
بس هي شكلها هادي شوية
او كانت متاخدة منى شوية
بس والله كانت فرصة سعيدة جدا
والمفاجاة الكبرى
د بيتو
اصلا اعرفها من زماااااان من اول الكلية
ايام ما كان هذا الموضوع طفلا يحبي
ومانساش طبعا حبايبي طفلة الامس وجوليت
ونبض الامة كمان هي اللي عرفتني على ama و moni
بجد صحبة زي الفل
بس كدة
اه الخبر بقى
لكل من حضر محاضرة د جمال يوم الحد ولم يحضرها يوم الخميس
وفاته المراجعة التحفة (زي ما سمعت) اللي الدكتور عملها
متخافش
الدنيا لسة بخير
قرر الدكتور جمال انه هيعيد المحاضرة دي يوم السبت بعد محاضرة د الخطيب
بس ربنا يستر وميتعارضش مع مواعيد حاجة تانية
اخر حاجة بقى عشان لتيت كتير
اللي يعرف محاضرة د الخطيب ف مدرج كام
ود سيد هيعمل المحاضرة امتى
ياريت يقولنا
هذا وقد انتهى البيان