اقتباس:
المشاركة الأصلية كتبت بواسطة نعمه محمود
كان الهدف من كادر المعلمين هو
أولا رفع الكفاءة المهنية للمعلم
ثانياً تحسين الوضع المالى للمعلمين
فماذا تحقق من الهدفين
بالنسبة للهدف الاول لم تكن هناك امتحانات حقيقية ولاتقيس كفاءة المعلم و سواء من نجح بمجهوده أو لا فالنتيجة لاتعبر عن الواقع
ولم تكن امتحانات الكادر الا استكمالا لمسرحية هزلية لم تنته فصولها بعد.وأما تحسين الوضع المالى للمعلم فلا حدث مع المرحلة الاولى ولن يحدث مع المرحلة الثانيه حتى مع من سيحصلون على الف جنيه بدل اعتماد(ولا أعتقد أن أحدا سيحصل عليه)
وبفرض ذلك فالاسرة متوسطة العدد تحتاج اليوم من 4:3 ألاف جنيه لتحيا حياة معقولة ولا نقول كريمه.بالاضافة إلى الانقسام بين العاملين في المدرسة فكيف لايحصل الاداريون علي الكادر ومنهم من يتعب أكثر من بعض المدرسين.اليوم لاحديث الا عن صرف المرحلة الثانية من الكادر وكأنه الحل السحرى لمشاكلنا ونسينا رفع كفاءة المعلم ونسينا العملية التعليمية برمتها وصرنا نسأل عن الفلوس
التى لن تسمن ولن تغنى من جوع.....أحبتى فلندع الكادر جانبا وننتبه لرسالتنا السامية ونترك الرزق على الله حتى لا يصدق علينا المثل القائل أسمع قعقعة ولا أرى طحنا
|
السيدة الفاضله
بالنسبة للهدف الاول وهو رفع الكفاءة المهنية للمعلم اعتقد انهذا الهدف انما يتحقق بحرص كل منا كمعلم على تنميه قدراته الوظيفيه باستمرار
ومع هذا ساتحدث عن نفسى وعنك ايضا والكثيرين فقد ساهم الكادر فى رفع كفاءتنا وذلك بحرص كل منا على استرجاع المعلومات ومذاكرة بنود الاختبار الثلاثة التربوى واللغة العربية والاكاديمى حتى وان تم ذلك رغما عن ارادتنا - اقصد لمجرد النجاح
طب وماله
انا عن نفسى كنت بذاكر امر من العيل الصغير( اسمحيلى باستخدام اللغة الدارجة) ربما خوفا من ان ارسب - بصراحة كان هيبقى منظرى وحش قوى!!!!!!!!!! - ولما رحت الامتحان حسيت انه لعب عيال مع احترامى - اقصد سهل جدا وهذا نتيجة طبيعة لاهتمامى واعتقد كتير عمل زى ما عملت واكتر
اللى عاوز اقوله اصرار كل واحد على تطوير نفسه هو اللى هيضيفله جديد مش الكادر لوحده - بس خلينا منصفين قد اضاف لنا الكادر شىء من ذلك
* اؤيد حضرتك فى ان الاختبار ليس مقياسا للكفاءة وليس ايضا مقياسا للفشل كمعلم لانه حدثت هناك اشياء ما كان ينبغى ان تحدث ربما اخطاء او غش او ما شابه
وكتير جدا نجحوا من دون اى تعب وخاصة الناس الكبار اللى هياخدوا اعلى نسب فى الماديات من موجهين ومديرين ونظار ووكلاء والذين منهم من هو بعيد عن مادته او التفاعل من خلال التدريس من مدة طويله
ومتاسف كتير منهم نجح بطرق مش مضبوطة ( مع احترامى للجميع طبعا)
ومع هذا اعتقد ان شاء الله يمكن عشان الموضوع باوله بعد كدا كل شىء يتصلح باذن الله وقد وعد المسؤولون بذلك ومنهم سيادةالاستاذ الدكتور وزير التربية والتعليم
* اتفق مع حضرتك فى ان المفروض بقا نسيبنا من لغة الفلوس والكلام ده اللى متاسف كتير ميعرفش حاجة عن موضوع الكادر الا الفلوس ( رغم انى محتاج الفلوس زى كتير والله)
بس يعنى اطلبوا الارزاق بعزة النفس - الفلوس هتيجى ان شاء الله
* اتفق معك ايضا فى ضرورة رفع مستوى كل موظف بالتربية والتعليم
الجميع يتمنى حياة كريمة لكل الناس ونحن منهم!
we respect people just because they are people, not for more
اما المسرحية الهزليه من وجهة نظرك - اعتقد انه ان شاء الله ميكنش فيه مسرحيات خالص ويبقى الامر طبيعى ونتعود عليه ونطور نفسنا دايما - دعينا نتفاءل - او حتى نحلم ... وماله مفيهاش حاجة!!!!!!!!!!
ومن ناحية ان احنا نسينا العملية التعليمية ودعينى لا اعمم - معاك حق وهو دا عيبنا
لو فى موضوع جديد تلاقينا مسكناه ومبقاش فيه غيره خلاص
وكان الكادر دا زى ال ريرى بتاع الولاد الصغيرة
كان فيه اعلان كدا زمان يقول ( يا مدلعنا ومغزينا ومهنينا يا ريرى - لا يا كااااااااااااادر اليومين دول)
ريرى دا غذاء للاطفال لحد يفكر انى بتريق ولا حاجة
وعندك مثلا كل يوم هنا فى باب الكادر دا 50 موضوع عن الصرف ومعاد الصرف واستمارة الصرف - لا فى يناير - لا بقا فى فبراير
اؤيدك فى ضرورة ترك الموضوع جانبا وان شاء الله الامور تتعدل
لكى احترامى وتقديرى لحضرتك وللجميع
والسلام