اقتباس:
المشاركة الأصلية كتبت بواسطة طارق ممدوح ذكي محمد
ال سلام عليكم ورحمة الله وبركاته
المشكلة مش في مين يستاهل ومين ما يستاهلش ان ياهتم بيه واحس بيه وبمشاكله اكتر من نفسه
وبالطبع اكيد ده هيبقى على حساب وقتي ومصلحتي
لازم اولا تعيدي ترتيب اولوياتك في الحياه ومسئولياتك
طبعا مسئوليتك الاولى هي نفسك لازم تكون اول حاجة في ترتيب اولوياتك بمعنى وقتك وجهدك وتفكيرك يكون منصب اولا على تنمية القدرات الخاصة بيكي ومستقبلك ...... الخ وده مش انانية ومش معناه انك ماتهتميش بحد لكن اذا تعارض اهتمامك بالاخرين مع اهتمامك بنفسك فلازم تهتمي بنفسك اولا على سبيل المثال
زميلة ليكي طلبت منك مذكرة او كتاب قبل الامتحان وده هيعطلك عن المذاكرة والمراجعه بالتاكيد يبقى لازم تعتذري ليها وتشوفي حل تاني ولو ما نفعش يبقى نفسك اولا لانها هي التي ستسئلي عنها يوم القيامة .. |
طيب لان حضرتك دكتور نفسى
انا مش بعرف اعمل ده
يعنى مش بعرف اقول اللى حضرتك قلته او اطبق
مع انى عارفة ان ده الصح
و و الله ببقى عارفة ان الناس مش تستاهل حاجة خاصة ناس معينة منهم
بس مش بقدر نهائى
و الله انا بدعى ربنا اقسى ع الناس
بس لو للحظة حسيت انى قسيت ع حد بعيط عياط غريب و حياتى كلها بتقف
مش عارفة
انا عارفة ان حضرتك هتقول انى انا اللى مش عايزة اساعد نفسى
بس و الله انا نفسى بجد اسيب الصفة دى او تقل
شكراااااا جداااااااا لنصيحة حضرتك
بس سؤالى لحضرك
ازاى الانسان يقسى ع غيره؟