[مستر زكريا أحمد]

المشاركة الأصلية كتبت بواسطة مستر خالد غباشى

اولا انت شغلك ولا كلمة شغل ناس فاهمة هى بتعمل اية......خبرة دون شك
بس انا لية عتاب بسيط ارجو ان تتقبلة انت لية رافع الملف بالشكل دة ................عرف ان فية ناس بتاخد الشغل وتنسبة لنفسها.....طيب ما فية ناس بتتعلم من شغلك ....او مدرس غلبان زى حالاتى ممكن ياخد الملف يشتغل منة واهو شغل وتعلم
يامستر انت عاوز اية من الملف دة غير ممكن تفيد اخ ليك يستفيد من الملف او حتى يقلدة ...انا بجد عارف الملف ازى بيتعب الواحدلحد مايخرج للنور بس انا عاوز اقولك فية اخوة مدرسين مش بيعرفوا يعملو الشغل دة ولكن بتعلم منك ............
انت طبعا حر ان ترفع اى ملف زى مانت عاوز دة شغلك وانت حر فية انا عارف بس ....دى ملاحظاتى انا الملف عجبنى شغل وتنسيق...وانا فكرت ابعت لك رسالة خاصة بس قلت اهو عتاب واى اخى يعرف الى فيها ياجماعة فيها ايةلما اى حد ياخدشغلنا ويشتغل بية انا فاكر اول ماشتغلت.كان كل الشغل بالكربون وكان لسة الالة الكتابة الى يعمل شغلة بيها يكون مفيش زية......وكنت فى امتحانات الثانويةالازهرية وكان معى استاذنا والكل يعرفة ويعرف شغلة بس انا كنت لسة ماعرفوش لاننى كنت خريج تربية وتعليم ولست ازهرى وشفنى وانا باجمع بعض الورق من مذكرتة جاء جنبى وبكل ود وحب قالى انت بتعمل ايةة قلت لة الشغل دة عجبنى وانا واخدة اشتغل منة لانى ماعرفش اعمل زية ....لم يعرفنى بنفسةوسكت وبعد الامتحان نادى علية وقالى تعالى نروح مشوار...انا استغربت لان احنا منعرفش بعض بس لانة كان رجل كبير عنى اتكسفت اقولة لالالالا ورحت معاة وانا بقول فى سرى اية دة هو انا اعرفك.....لحد مدخلنا المطبعة الى هو شغال فيها وقدمنى لصاحب المطبعةان انا من المدرسين الى بيععدو الشغل دة معاة وقالة اى مذكرة يعوزها يخدوها وتعمل لة غلاف وتكتب عليها اسمة وتخيل مدرس لسة اول سنة يشتغل ...ويكون لة مذكرة وغلاف وشكل زى كدة انا روحت طير من الفرحة ...وشتغلت وكان كل سنة اورية انا عملت اية فى المذكرة .......وحبيت اشكرة عارف قالى اية قالى انى لو عاوز اشكرة...............اعمل زى ماهو عمل معايا اكون لكل الناس........وم يومها وانا باحاول اقلدة......بس
معلش طولت عليك بس انا قلت اهو احكى عن موقف عملة مدرس انسان معى ....سلام

استاذي العزيز و أخي الفاضل

مستر خالد غباشى

انا في غاية السعادة من رد سعادتك علي موضوعي ودا فخر كبير لي لان حضرتك قدوة كبيره لنا كلنا ولك مكانة كبيرة بيننا
وانا طوال عمري لم ابخل ابدأ علي منتدانا العظيم بشئ ويعلم الله ذلك لكنني تعرضت لموقف غريب حيث اخذت احد مذكراتي من المنتدي وطبعت بأسم مدرس زميل هنا ( في منطقتي ) ثم اشاع ان العمل له واننا انا من سطا عليه
وتنفيذ لحديث الرسول
( لا ضرر ولا ضرار ) اردت ان يستفيد من يريد ان يحمل عملي ولكن دون ضرر لي ولكني ايضا مستعد لارسالي الملف ورد للك او الي اي اخ لنا من المنتدي ولكن علي الخاص
وفي النهائية اسألك الدعاء لي وان تدرك وجهة نظري