اقتباس:
المشاركة الأصلية كتبت بواسطة banzer
موضوعك جميل
بس يمكن اختلف معاكي في النقطة ده
هو صحيح الحكايات ده بتربي غل في الواحد
بس اعتقد كل اب بيحاول يتفادى كل الاخطاء النفسية اللى عاناها هو لخطأ ابويه زمان
وبيحاول إنه يصلحها في عياله
وكذلك للأم
بس بيخطئ في الحاجات التانية اللى مجربهاش ومش واخد باله منها |
أؤيدك فى رأيك بشدة بس مش معنى كده إنها مابتحصلش
كل أب وأم بيحاول يتفادى كل الاخطاء النفسية اللى عاناها فعلاً لكن ده شىء لا شعورى داخل الانسان ممكن فى لحظة الأب أو الأم يطلعوا حالتهم النفسية القديمة فى أطفالهم وخصوصاً لو كانت شخصيتهم عصبية أو مندفعة وغير كده فى ناس كتير ماعندهاش وعى كافى .. فا شعورهم الداخلى بيندفع بسهولة فى أى وقت
وغير كده الاخوات بيحصل بينهم نفس الشعور .. لما يكون الابن الاكبر بيحس بإهانة من الأب أو الأم وطبعاً فى الغالب مش بيقدر يواجهم فا بيطلع غله فى أخوه الأصغر ومن غل الأخ الأصغر من الأخ الأكبر والأب والأم بيلجأ للعنف مع أصدقائه أو إخواته الصغار وهكذا...
وللعلم بالشىء إن أصعب و أقوى طرق العقاب الايجابى هو إمتناع الأب أو الأم عن الحديث إلى أولادهم فما بالكم بالإساءة اللفظية
و أشكرك جداً على مشاركتك فى الموضوع
جزاك الله خيراً