اقتباس:
<< M >>
الله
بجد مدينة جميلة
وكلمات حضرتك فى حقها اجمل
انا باحسد حضرتك انك من بورسعيد يا استاذ مجدى
وباحسد بورسعيد ان حضرتك منها
المشاركة الأصلية كتبت بواسطة بورسعيدى 
فهذا نبيل منصور ذو ال 11 عام يحرق كامب الانجليز في بورسعيد ويلقى ربه شهيداً, وهذا محمد مهران ذوال 18 عام يفقد بصره لرفضه سب مصر علناَ بعد أسره ونقله إلى قبرص وهذا السيد عسران ذوال 17 عام يقتل الماجور وليامز مدير المخابرات الانجليزي في بورسعيد وهؤلاء الرفاق الست, علي زنجير, أحمد هلال, محمد حمد الله, حسين عثمان, طاهر مسعد ومحمد سليمان يأسرون مورهاوس إبن عم الملكه وهذا يحيى الشاعر ذوال 17 عام ينسف تمثال ديليسبس بمساعده إخوانه وهذا جواد حسني يكتب قصه كفاحه بدمائه الزكيه على جدران السجن قبل أن يستشهد برصاص الفرنسيين وهذا الصحفي مصطفى شردي ذو ال 20 عاماً يصور للعالم أجمع بطوله وفداء شعب بورسعيد, وهذه السيده أمينه الغريب تخفي الجهاز اللاسلكي الموصل بالقياده في المحروسه وهذه السيده أم علي تخفي الاسلحه وتساعد أفراد الصاعقه في بورسعيد. سيره هؤلاء الابطال وغيرهم من من ضحوا من أجلها لن تموت في مدينه النضال فأهلها يعيشون على ذكراهم, يستمدون منهم العزيمه والاراده ويعدوا أنفسهم حتى إذا جاء العدو مره أخرى.
( اللهم اسكنهم فسيح جناتك )
كنت لسة باتكلم مع اصحابى عن اللى بيحصل ف غزة
وموقف اهلها
وقد ايه كتير منهم حاسين بالعزة لاستشهاد اولادهم
وافتكرت وقتها انى قريت بطولات - من وقت طويل اوى - لابناء المدينة الباسلة
بس ماكنتش فاكرة حاجة من اللى قريته
شكرا استاذ بورسعيدى انك فكرتنى بالكلام ده تانى
---
وجميل اوى ان ابناء المدينة دى بيحافظوا عليها
وبيحبوها وحاسين ناحيتها بالانتماء
وبيدعوا للشهداء لحد دلوقتى
---
بجد موضوع هايل ومن غير مجاملة
ليا الشرف انى اكون اول واحدة تقراه وترد عليه
الف شكر استاذ بورسعيدى
|
شكرا لمرورك الوحيد
رغم ان تم نقل الموضوع إلا انى فضلت ان ارد عليكى هنا
اولا الف الف شكر لمشاركتك الكريمة التى اعجبتنى كثيرا
لو تحبى اى شيئ عن تاريخ بورسعيد انا تحت امرك ولى الشرف
تعرفى ان فى 35 واحد شاهدوا الموضوع ولم يشاركوا بالرد
مش عارف يمكن مركب نقص لان مافيش حد فيهم عنده بورسعيد
يا اخوانا بورسعيد بتاعتنا كلنا وقلبها كبير جدا وترحب باى ضيف حتى وان كان عدو
اه بجد حتى لو كان عدو نرحب بية له واجب الضيافة وفرخة مشوية او مسلوقة مش عارف حسب زوقة
طبعا حضرتك عجبك الموضوع لانك سواحلية زينا واكيد الدم بيحن غير البلاد التانية دى الى مافيش حد يعرفها
انا كمان عاشق للأسكندرية وترابها الذى هو الى قلبى اقرب واشبة بتراب بورسعيد
شكرا لك