اقتباس:
|
..فامبير يقولى لا مصفوفه بوسطن هى اللى جايه..قولتلهم لا انا عندى احساس كبير ان الحاله العمليه هى اللى جايه
|
خلاص ياعم كسبت الرهان ؟!
بص بقي من الاخر امتحان منيل بستين الف نيلة ..
بس في نفس الوقت الدكتور استجدعت معانا .. لإنها حطت السؤال الاولاني اللي كويس دا عليه 7درجات ونص
والسؤال الرابع بتاع الحالة العملية حطت عليه 6 .. والسؤالين مش صعبين يعني .. فدول لوحدهم ينجحوا اي حد
لكن باقي الامتحان رخم رخم رخم .. وخاصة السؤال التالت اللي انا لغاية دلوقتي اصلا مش فاهم بيتحل ازاي
معا ان واحد صحبي بعد الامتحان قالي دا بيتحل بطريقة كذا وقعد يشرح .. ومعا ذلك مافهمتش برده
وفيه برده جزئية في السؤال العملي جاي على قرارات المنظمات الشرائية
السؤال دا انا مش عارف جاي منين والله ؟! .. دانا بعد الامتحان قعدت ادور عليه في ملزمة المراجعة مش لاقيه !
يعني لو جابولي الملزمة في الامتحان وقالولي خد غش .. مش هاعرف !!!!!!
مش عارف حاسس ان الترم دا مش هايعدي علي خير ..
كل ماخش امتحان وابقي متفائل بيه .. اطلع منه وانا ختم النسر معلم على قفايا !!
مافيش ولا مادة لغاية دلوقتي عارف اجيب فيها تقدير ..
عموما طبعا الاسبوع دا انا عن نفسي مطحون فيه طحنة سودا .. لإني شايل محاسبة من اولي
فماعنديش غير 3 ايام اذاكر فيهم محاسبتين .. محاسبة اولي ومحاسبة تانية !
ابقي ادعولي والنبي يا جماعة
اقتباس:
|
هااااااااااااا يا فامبير ربنا ستر ولا ايه النظام
|
اه الحمدلله ستر .. بس مافيش تقديرات .. طالع يدوبك ان كنت هاعدي منها يبقي خير وبركة
وبالنسبة للشركات .. انا لسه مخلص الحمدلله الحالات بتاعة السندات
بس السندات دي دمااااااااااااااااغ .. دماغ اخر حاجة يعني بجد !!
بالذات الحالة التالته والرابعة .. بس انا عن نفسي متوقع ان الدكتور يجيب واحده فيهم
حد هاييجي يقولي دا الدكتور السنين اللي قبل كدا على طول بيجيب الحالة الخامسة
هاقوله السنة دي هوا قال هايقسم الامتحان لـ 3 اقسام متساوية .. اسهم / سندات / قوايم
طبعاً الاسهم مش هايجيبها تقليدية .. وبالتالي هايجيب فيها جميع مشاكلها سواءا تأخر او علاوة اصدار او زيادة
والسندات اعتقد انه هايجيب الحالة التالتة او الرابعة لإن فيهم شغل جامد جداااااااا ..
والقوايم طبعاً هايجيب الدخل ان شاء الله ودا اساسي ..
وممكن يجيب معاهم توزيع الارباح او مايجيبش زي مايحيب بقي
بس اللي انا متأكد منه انه مش هايجيب التدفقات النقدية خاااالص
اما بالنسبة لإمتحان اولي .. فدا امره معروف ومش محتاج اي حاجة
قيود هايفة .. دفتر قيود مساعدة اهيف ..
وفي الاخر خالص قايمة دخل وميزانية وهما دول اللي فيهم الشغل
عموماً ربنا يستر في الامتحانات اللي جايه دي ونعدي منها ونخلص بقي